Popular Bible Verses from EVASELIO A MATEO 1

Share

E ina fanaui anai he tama, pea e ke foaki anai kia ia te higoa ko Sesu; ko ia ae e ina haofaki anai tana hahai mai anatou agahala.

Koeni, e faitama anai te taupoou, e ina fanaui anai he foha, Pea e foaki anai kia ia te higoa ko Emanuele, ko tona uhiga ko te Atua mo tatou.

Nee kei lolotoga fakakaukau ia ia ki te mea aia, pea fokifa pe kua ha he aselo a te Aliki kia ia i he moemisi, o ui: Sosefo, foha o Tavite, aua naa ke tuania i te too mo koe o Malia, tou ohoana, koteuhi ko te toe ae kua tupu ia ia e hau mai te Laumalie Maonioni.

Koeni leva te aluaga o te tupu o Sesu-Kilisito: Ko Malia, tana fae, nee fakapapau ohoana mo Sosefo, pea ia mua o tana nonofo fakatahi, nee faitama leva ia ia i te Laumalie Maonioni. Ko Sosefo, tona ohoana, ko he tagata lelei mo agatonu, pea nee mole loto ia ia ke ina fakalainoa ia Malia, koia nee ina fakatotonu ai leva ke veteki fakafufu tana fakatahi.