Shina nijpimi Taita Diosca, Salomondaca cashna nirca: “Cambaj shungupica, chaita yarishpami charij canata, ima alicunata charinata, na cashpaca alicachi tucunataca na mañashcangui. Shinallata canda fiñajcunata causaita quichuchumbash, canman unai causaita carachumbash, na mañashcanguichu. Ashtahuangarin ñuca agllashcacunata mandai ushangapajmi ali yachaita, ali yuyaita mañahuarcangui. Candaca, paicunapaj jatun mandaj cachunmi churarcani. Shinamandami ali yachaita, ali yuyaita cuni. Shinallata charij canatapash, ima alicunata charinatapash, alicachi tucunatapashmi cuni. Chaicunataca, cambaj punda jatun mandajcunaca, ima horallapash na charishcatami cuni. Cambaj jipaman jatun mandajcunapash, na charingachu” nircami.