Popular Bible Verses from Езекиел 37

Share

Уӕд мын Уый загъта: «Ацы стджыты тыххӕй пехуымпар ныхас фехъусын кӕн, зӕгъ сын: „Уӕ, хус стджытӕ, ӕрбайхъусут Дунедарӕджы ныхасмӕ. Афтӕ зӕгъы Дунедарӕг Хуыцау: Ӕз уын уӕ мидӕг царды комулӕфт бауадздзынӕн, ӕмӕ райгас уыдзыстут.

Нуӕрттӕй уӕ бамбӕрздзынӕн, буар уыл ӕрзайын кӕндзынӕн, уый уӕлӕ та — царм; царды комулӕфт уын ратдзынӕн, ӕмӕ райгас уыдзыстут. Уӕд базондзыстут, Ӕз Дунедарӕг кӕй дӕн, уый“».

Загъта мын: «Адӕймаджы фырт! Ацы стджытӕ райгас уыдзысты, цымӕ?» Ӕз ын дзуапп радтон: «Дунедарӕг Хуыцау! Уый Ды зоныс ӕрмӕстдӕр».

Дунедарӕг мыл ӕруагъта Йӕ арм, Йӕ Уды хъомысӕй мӕ систа ӕмӕ мӕ дӕлвӕзы астӕу сӕвӕрдта. Дӕлвӕз йедзаг уыди стджытӕй. Сӕ алывӕрсты мӕ ӕрзилын кодта: дӕлвӕзы уыди ӕнӕнымӕц стджытӕ ӕмӕ тынг ныххус сты.

Ӕз бардзырдмӕ гӕсгӕ фехъусын кодтон рагуац, ӕмӕ, пехуымпариуӕг куы кодтон, уӕд райхъуысти уынӕр, стджытӕ базмӕлыдысты ӕмӕ байдыдтой кӕрӕдзиимӕ иу кӕнын, стӕг — стӕгимӕ. Ӕмӕ ӕз федтон: фӕзынди сыл нуӕрттӕ, ӕрзади сыл буар, уый уӕлӕ та — царм, фӕлӕ царды комулӕфт нӕма уыди сӕ мидӕг.