Popular Bible Verses from Езекиел 33

Share

Зӕгъ сын: „Сомы кӕнын Мӕхицӕй, — зӕгъы Дунедарӕг Хуыцау, — Мӕн нӕ фӕнды, цӕмӕй тӕригъӕдджын амӕла, уый. Мӕн фӕнды, цӕмӕй йӕ фыдвӕндӕгтӕ ныууадза ӕмӕ цӕра. Раздӕхут, уе ’наккаг митӕ ныууадзут! Израилы адӕм, уӕхи цӕмӕн сафут?“

Адӕймаджы фырт! Ӕз дӕ Израилы адӕмӕн сӕвӕрдтон хъахъхъӕнӕгӕй, ӕмӕ ды хъусдзынӕ Мӕ ныхас ӕмӕ сӕ рагацау фӕдзӕхсдзынӕ Мӕ номӕй.

Рагацау ӕй куы бахизай, дӕ фыдвӕндӕгтӕ ныууадз, зӕгъгӕ, ӕмӕ сӕ уый куынӕ ныууадза, уӕд уый амӕлдзӕн йӕ тӕригъӕды аххосӕй, ды та дӕ уд фервӕзын кӕндзынӕ.

Хъахъхъӕнӕг ӕвзидгӕ кард куы фена, фӕлӕ сыкъауадындзӕй куынӕ ныууаса, цӕмӕй адӕмы бахиза, уый тыххӕй, уӕд, фыдгулы кард кӕй баййафа, уый йӕ тӕригъӕды аххосӕй карды амӕттаг бауыдзӕн, фӕлӕ Ӕз дзуапп ӕрдомдзынӕн дӕуӕй.

Сыкъауадындзы хъӕр фехъуыста, фӕлӕ йӕхи нӕ бахызта, уымӕ гӕсгӕ йӕ тугныккалды азымджын йӕхӕдӕг уыдзӕн. Йӕхи чи бахиза, уый та йӕ уд фервӕзын кӕндзӕн.