Popular Bible Verses from Даниил 5

Share

Дӕхи уӕларвы Бардарӕгӕй уӕлдӕр сӕвӕрдтай. Йӕ Хӕдзары кӕхцытӕ дын дӕ размӕ ӕрбахастой, ӕмӕ де ’лдӕрттӕ, дӕ устытӕ ӕмӕ дӕ номылустытимӕ уыдонӕй сӕн нуӕзтай. Ӕвзист, сыгъзӕрин, ӕрхуы, ӕфсӕйнаг, хъӕдын ӕмӕ дурӕй конд хуыцӕутты кады аккаг скодтай. Уыдон та сты куырм, къуырма ӕмӕ ӕнӕзонд. Дӕ царды комулӕфт кӕй къухы ис ӕмӕ Дӕ фӕндӕгтӕ кӕй бар сты, уыцы Хуыцауы та кады аккаг не скодтай.

МЕНЕ, МЕНЕ, ТЕКЕЛ, У-ПАРСИН. Уыцы дзырдтӕн сӕ мидис ахӕм у: МЕНЕ — „Хуыцау дын дӕ паддзахдзинадӕн кӕрон скодта“. ТЕКЕЛ — „Тӕрӕзтыл барст ӕрцыдтӕ, ӕмӕ дӕ ӕппындӕр ницы уӕз ис“. ПЕРЕС — „Дӕ паддзахад ныддихтӕ ис, лӕвӕрд цӕуы мидиӕгтӕ ӕмӕ персайнӕгты къухтӕм“».