Popular Bible Verses from Púcook 6

Share

Ateeteyo naawatanoolo heewune naaliilii. Yaanoo neemeeŋ niŋ páciite penfakat.

Ateeteyo naacuk nii, pakan paka káhaŋiyoohaŋ toko pakanc ti etaam ya. Tan óo tan pámiiloolalii púlooŋ pinaput háati poonool.

Pale Ateeteyo ínsuumoo ti Nowe.

Ehe kiti Nowe niŋ keesokoo maamaa. Nowe naapuk pikampaani pákahaaciil: Sem, Ham niŋ Yafet. Ti ekaay ya eteyoo, Nowe lamayoo ayeniye áyiin eecoonoole náhin héesuume Pútuun pa, naacok pítin etempo.

Fiye, Ateeteyo naasok: “Inci fápucalool pakan paka payenka inci illiile ka, niŋ lompo pusuwa pa niŋ púlukuleen pa púlooŋ, penfakat niŋ penkilis, kaatuko watanoolaa-watanoolo heewune illiilii.”

Pakan paka nkáyaañ émeeŋii t’etaam, nkapuk púmaacul. Epuuk Pútuun nkacuk nii púmaacul pa payenkuu káwalliwalli meemak nkamamal teyii pakaalii. Fiye, Ateeteyo naasok: “Inci tikat an apuloŋ fo eket maama kaatuko poko pakan. Písik fiye etikaloŋ pihaŋ sitiil keme niŋ áwii (120).” Ti oom caanak niŋ po hátikin, intaako ñítaapanu pákayiin keehaane haan ti etaam ya, ta epuuk ya pakati Pútuun pa nkákeyii ta kapitaak niŋ púmaacul pa epuuk: epuuk ya payenkuu nkáyenoonii pikama kenfakat niŋ kéesiyiye meemak ta infiyye.

Nowe náahin pitempo tak eeha púlooŋ Pútuun pa mpusokoo ha.

Fiye, Pútuun pa mpusok Nowe: “Inci cokaacok kaapayool niŋ pakan paka. Etaam ya emeeŋaameeŋ niŋ pakanc kamma poko. Inci fápucaloolii niŋ etaam ya.

“Awe memanool piteen penfakat niŋ pupapaloo peeyanke kaŋ. Páacinool páhantuwa etempo píkaap peemeeŋe, ínhin po pentuloo niŋ manoo páhantuwa niŋ tíkitaaŋ etempo ancuk man timpi míyini pinako.

Pútuun pa mpisincan heetaakiye ha t’etaam ya mpucuk nii hinaput, kaatuko pakan paka púlooŋ kéepuciye.

Aafanakan lompo ti piteen pa sílukuleen súsupak ti élukuleen óo élukuleen, éeyiine niŋ eeyaale, kati puloŋ niŋ awe. Pusuwa niŋ púlukuleen, penfakat niŋ penkilis, éfipikey ti awe kati puloŋ.