Popular Bible Verses from Malakae 3

Share

Kwaa haa bɔne a bini bɔre fi la, hé kpɔ bɔrbeŋkpoŋ ba tɛ men Korowii n Dea, ásɛ kondikwaa warɛ n Dea bela. Hé daah mɛ ɡɛ waa nɔ ta dɛ́ na, ásɛ n ɡel bwaala nɛ kohona, dɛ́ swee heyaa andɛɛɡa, dɛ́ ɡel kondikwaa warɛ he deremi kohona.

Maa ɡel kwaa ba chɔɡ he koo kondikwaa kpa, dɛ́ ɡel he ɡrepo daa ɡe nɔnɛ kohona. Anee dɛ́ ɡel harɛre ta nɛra bwa yerɛ heyaa bosɔɔhna tena, dɛkalkɛ he soɡe harɛdɛɛɡe ta. Men Koranar Bwa Kooroo bola.”

Koranar Bwa Kooro ŋɔ, “Awola maa ɛ a ɡɛ waa nɔ la, mɛɛ kpɔ baa ɛ n bii maa dɛ nyin ba kohona. N tea ɛɛ domɛ ba nɛɛ ń lɛɛ ba, kɛŋɔ mɛɛ yon dɔ tedoma tɛ o bie waa dɛ tomɔ dɛɛ lɛo la ken. Hɛɛ berɔ na ɡɛ nɛra ba wa aa toɡra waa aa korɛ banɔ la ba nyu bini aa kpeɡa waa ta, ne ɡɛ nɛra baa dɛ tomɛ men Korowii waa aa korɛ banɔ la baa wola men tomɛ waa ta.”

Koranar Bwa Kooro bolɔ ŋɔ, “Hé no, mɛɛ tomɛ n toromee ó tɔ n sie dɛ́ kwaa ŋwɛnɛ tɛ mɛ ń ba. Ásɛ Dɔɔ haa dɛ nyiŋu ŋwɛnɛ la ba piɡri heyaa o Dea, onee hɛɛ nyiŋi ŋwɛnɛ ó ba dɛ́ ba baɡle fɔo la wa.”