Popular Bible Verses from A̱fisawa 6

Share

Mat á̱nietbishyi bya nang zi̱ kwan zwang ji ma̱ng a̱mba bah. A̱wot da̱ a̱kwonu a̱kya, zi̱ kwan zwang ji ma̱ng á̱ka̱tuk a̱yaakwak a̱son ma̱ng ntyok swanta na nang á̱ nwai nwuan a̱ni; ma̱ng á̱gwam ba̱ nyia̱ tyok swanta huni ku byia̱ lyin a̱ni; ma̱ng á̱ka̱tuk ntswá ba̱ shya̱ ma̱ a̱ka̱vwuo mi̱ kyai tswazwa a̱ni.

Nyi ni̱ nnaai A̱gwaza kuzang jen mami chet A̱za̱za̱rak Ntswa ma̱ng kuzang tangka̱i naai nyi chat beang. Nyi ni̱ nswan cham. A̱wot nyi yong mi̱ di̱ naai A̱gwaza kuzang jen, da̱nian a̱mgba̱m a̱za̱za̱rak á̱niet khwi ba ba̱ shya̱ koji a̱ni.

Nyi ni̱ nkup a̱mgba̱m nkyang zwang nang A̱gwaza nwuak nyin, nyi nchok á̱pyia̱ nyin a̱ni. Da̱nian nyi ka shya̱ chet nyi yong, nyi kwan ma̱ng á̱ka̱tuk a̱ka̱shuk nang A̱ta̱nyeang ka vwuoi a̱ni.

Mat a̱nia, nyi ni̱ nkyiak a̱mgba̱m nkyang zwang na nang A̱gwaza nwuak nyin a̱ni. Nyi nkup á̱pyia̱ nyin, da̱nian nyi ka yong mi̱ chet a̱tuk a̱ka̱tuk mam a̱kya. A̱jawa, jen nang nyi na ntyak zwáng ji a̱ni, á̱ na shya̱ nyin nang nyi ni̱ yong mi̱ chet.

Kang mi̱ si̱ a̱hwa, yok nwuak fwuo nyin hu da̱ A̱gwaza ku li nang a̱lyet nang zi̱ na ba̱ng zi̱ nfwun á̱pyia̱ nzi̱t, di̱n jen nang A̱ta̱nyeang ka na ntang nzi̱t ma̱ng a̱ka̱tuk nhyet mumwang nka wu a̱ni. Nyi ni̱ nkup bung ntswam ji, jija yet kidee shya̱ san. Nyi bu kyiak tswat A̱za̱za̱rak Ntswa nyi ba̱ng. Jija yet A̱lyiat A̱gwaza na.

Nyi ni̱ ngyong mi̱ chet, a̱wot nyi yok a̱chuchuk nyin wu a̱ li nang a̱zwuan nang nyi na nvwoi ndyang a̱ni. A̱wot yok tsotswat nyin hu, ku li nang nkubi ntswam nang nyi na kup nyi nnyia̱ zwang ji a̱ni. Ma̱nang a̱tyu nzwang ni̱ ntyia̱ á̱kwatak a̱ nat zwang a̱ni; ma a̱nia wa, nyi ta̱yuk da̱ A̱sham Nkhang ka̱ nwuat nyin swat nyinyang A̱gwaza a̱ni, nyi ka la̱p vam nyi kwan shansham.

Di̱ ngaan hu, nyi yong mi̱ chet da̱ A̱gwaza ma̱ng a̱gba̱ndang chet nggu wu.

Ma̱nang á̱ ndyuut a̱ni nyia̱, “Nwuak a̱tyia̱ ma̱ng a̱yang ang wu shi.” Mat doka jini ja yet a̱son ka nang á̱ nwuak ndung ma̱ng a̱li̱ka̱uli a̱ni. A̱wot si̱ huni hwa yet a̱li̱ka̱uli wu: Ka̱ a nwuak a̱tyia̱ ma̱ng a̱yang ang wu shi mi̱ swanta hu, “A na shya̱ a̱li̱ba̱rka gba̱mgbam, a̱wot a bu shya̱ a̱junjung swuan.”

Nyin mman, ku yet ta hwa nyi khwi a̱lyiat á̱niet mbyin nyin na, mat nyi yet á̱niet khwi Kristi bya, a̱wot mat ta̱m huni yet a̱tan wa.