Popular Bible Verses from ꠁꠘ꠆ꠎꠤꠟ ১: ꠝꠕꠤ 14

Share

ꠅꠁꠟꠦ ꠛꠣꠔꠣꠡꠞ ꠎꠥꠞ ꠖꠦꠈꠤꠀ ꠔꠣꠁꠘ ꠒꠞꠣꠁꠉꠦꠟꠣ, ꠀꠞ ꠛꠥꠠꠤꠎꠤꠞꠣ ꠖꠦꠈꠤꠀ ꠎꠥꠞꠦ ꠎꠥꠞꠦ ꠁꠍꠣꠞꠦ ꠒꠣꠇ ꠖꠤꠟꠣ, “ꠢꠥꠎꠥꠞ, ꠢꠥꠎꠥꠞ, ꠀꠝꠣꠞꠦ ꠛꠣꠌꠣꠃꠇ꠆ꠇꠣ।” ꠟꠉꠦ ꠟꠉꠦ ꠁꠍꠣꠄ ꠀꠔ ꠛꠣꠠꠣꠁꠀ ꠔꠣꠘꠞꠦ ꠗꠞꠤꠀ ꠇꠁꠟꠣ, “ꠅꠃꠘꠤ ꠔꠥꠝꠣꠞ ꠁꠝꠣꠘ? ꠝꠘꠅ ꠡꠘ꠆ꠖꠄ ꠀꠘꠟꠣꠄ ꠇꠦꠘꠦ?”

ꠅꠁꠟꠦ ꠛꠣꠔꠣꠡꠞ ꠎꠥꠞ ꠖꠦꠈꠤꠀ ꠔꠣꠁꠘ ꠒꠞꠣꠁꠉꠦꠟꠣ, ꠀꠞ ꠛꠥꠠꠤꠎꠤꠞꠣ ꠖꠦꠈꠤꠀ ꠎꠥꠞꠦ ꠎꠥꠞꠦ ꠁꠍꠣꠞꠦ ꠒꠣꠇ ꠖꠤꠟꠣ, “ꠢꠥꠎꠥꠞ, ꠢꠥꠎꠥꠞ, ꠀꠝꠣꠞꠦ ꠛꠣꠌꠣꠃꠇ꠆ꠇꠣ।”

ꠅꠃ ꠔꠣꠁꠘ ꠇꠁꠟꠣ, “ꠒꠞꠣꠁꠅ ꠘꠣ, ꠡꠣꠅꠡ ꠇꠞꠅ, ꠁ ꠔ ꠀꠝꠤ।”

ꠔꠦꠃ ꠍꠣꠢꠣꠛꠤ ꠙꠤꠔꠞꠦ ꠇꠁꠟꠣ, “ꠢꠥꠎꠥꠞ, ꠀꠙꠘꠦꠃ ꠎꠥꠖꠤ ꠅꠁꠘ, ꠔꠦ ꠀꠝꠣꠞꠦ ꠁꠎꠣꠎꠔ ꠖꠦꠃꠇ꠆ꠇꠣ, ꠀꠝꠤꠅ ꠙꠣꠘꠤꠞ ꠃꠙꠞꠦꠖꠤ ꠀꠐꠤꠀ ꠀꠙꠘꠣꠞ ꠉꠦꠍꠦ ꠀꠁꠔꠣꠝ।” ꠁꠍꠣꠄ ꠇꠁꠟꠣ, “ꠀꠅ।” ꠔꠦꠃ ꠙꠤꠔꠞ ꠘꠣꠅ ꠕꠣꠇꠤ ꠟꠣꠝꠤꠀ ꠙꠣꠘꠤꠞ ꠃꠙꠞꠦꠖꠤ ꠀꠐꠣ ꠗꠞꠟꠣ।

ꠔꠦꠃ ꠘꠣꠅꠞ ꠢꠇꠟꠦ ꠔꠣꠘꠞꠦ ꠍꠁꠎꠖꠣ ꠇꠞꠤꠀ ꠇꠁꠟꠣ, “ꠢꠥꠎꠥꠞ, ꠀꠍꠟꠦꠃ ꠀꠙꠘꠦ ꠀꠟ꠆ꠟꠣ ꠙꠣꠇꠞ ꠈꠣꠍ ꠝꠣꠄꠀꠞ ꠎꠘ, ꠁꠛꠘꠥꠟ꠆ꠟꠣ।”

ꠁꠍꠣꠄ ꠇꠁꠟꠣ, “ꠘꠣ, ꠔꠣꠞꠣ ꠎꠣꠅꠀꠞ ꠖꠞꠇꠣꠞ ꠘꠣꠁ, ꠔꠥꠝꠞꠣꠃ ꠄꠞꠣꠞꠦ ꠈꠣꠘꠤ ꠖꠦꠅ।” ꠍꠣꠢꠣꠛꠤ ꠅꠇꠟꠦ ꠇꠁꠟꠣ, “ꠀꠝꠞꠣꠞ ꠉꠦꠍꠦ ꠔ ꠈꠣꠟꠤ ꠙꠣꠌꠈꠣꠘ ꠞꠥꠐꠤ ꠀꠞ ꠖꠥꠁꠐꠣ ꠛꠤꠞꠣꠘ ꠝꠣꠍ ꠍꠣꠠꠣ ꠀꠞ ꠇꠥꠘ꠆ꠔꠣꠃ ꠘꠣꠁ।”

ꠔꠣꠁꠘ ꠇꠁꠟꠣ, “ꠅꠈꠘꠣꠁꠘ ꠀꠝꠣꠞ ꠉꠦꠍꠦ ꠀꠘꠅ।” ꠛꠣꠖꠦ ꠔꠣꠁꠘ ꠝꠣꠘꠡꠞꠦ ꠇꠁꠟꠣ, ꠊꠣꠡꠞ ꠃꠙꠞꠦ ꠛꠁꠎꠤꠔꠣ। ꠔꠣꠁꠘ ꠢꠃ ꠙꠣꠌꠈꠣꠘ ꠞꠥꠐꠤ ꠀꠞ ꠖꠥꠁꠐꠣ ꠛꠤꠞꠣꠘ ꠝꠣꠍ ꠀꠔꠅ ꠟꠁꠟꠣ, ꠀꠞ ꠀꠍꠝꠣꠘꠦꠖꠤ ꠌꠣꠁꠀ ꠡꠥꠇꠞꠤꠀ ꠀꠖꠣꠄ ꠇꠞꠟꠣ। ꠛꠣꠖꠦ ꠅꠃ ꠞꠥꠐꠤ ꠐꠥꠇꠞꠣꠁꠀ ꠍꠣꠢꠣꠛꠤ ꠅꠇꠟꠞ ꠀꠔꠅ ꠖꠤꠟꠦ, ꠄꠞꠣ ꠛꠣꠐꠤꠀ ꠖꠤꠟꠣꠁꠟꠣ।

ꠅꠔꠣꠖꠤ ꠢꠇꠟ ꠝꠣꠘꠡꠦ ꠙꠦꠐ ꠜꠞꠤ ꠈꠣꠁꠟꠣ। ꠈꠣꠁꠀ ꠢꠣꠞꠟꠦ ꠛꠣꠠꠔꠤ ꠎꠦꠔꠣ ꠞꠁꠟ, ꠅꠈꠘꠣꠁꠘ ꠖꠟꠣ ꠇꠞꠟꠦ ꠛꠣꠞꠅ ꠐꠥꠇꠞꠤ ꠜꠞꠤꠉꠦꠟ।