Popular Bible Verses from IBRANI 2

Share

Om iyau piya nga' nokoumbal i' do noinggorit om nopogumbalan, om milo iddi iyau do monguhup do tulun dit oontok do pogumbalan tu' iyau piya nga' nokoumbal i' do nopogumbalan om noinggorit.

Om siliu noddi i Yesus do miagal do tulun om iyo do don tulun o kowoyo-woyoo', tu' iri nopo tulun di roitan do tanak diri om tulun i' dit apatai. Om winonsoi pogi' dau o miagal diri nga' iri nondo i kapatayon dau o pangala' dau'd Rogon, i monguasa' do kapatayon.

Om iri no o kopongigitan kopio toko' di piro-piro o ponudukan di norongou toko', om a' toko' i' oilihan i kotumbayaan toko'.

Om komoyon nopoddi nga' a' no iyau milo'd a' miyo di piro-piro o tobpinai dau dot id suang do koinsanai'd nunu nopo. Om iri noddi o kinopomilian dau do suminiliu'd Boyoon dot Agayo dot Imam dit otorodok om i kikosianan. Om iri no i winonsoi dau o komilo-milo'd oompunan o dusa'd tulun.

Nga' nokito toko' no i Yesus do kikuasa'! Pinoinsiriba-riba' iyau dot oruhai do mantad ko' i moloikat, om apatai indo iyau do sumowoli do koinsanai'd tulun, om iri nopoddi om mantad i' do kosonongo'd Kinorohingan. Om baino' nopoddi om okito toko' no iyau do noonuan do pangkat di kikagayaan om i suahon tu' noinggorit no iyau do gisom do napatai.