Popular Bible Verses from Matayo 28

Share

Nd’ewela eko, lokenda, lolak’anto nd’enanga beuma wae bayaleme bakimi’akami, laine nd’asi nda lina j’Ise, ko la ja Bona, ko la ja Bolimo w’olotsi: lalake wete bafonge baoyi baki’m’olakak’inyo bauma: ko bala, emi nde l’inyo bembile beuma, elaka nko nsukela ea ekeke.

Ko Yesu aoy’el’iyo, aotefela l’iyo, akela, Mpifo euma eokaem’el’emi nda loola la nd’okili.

Ekima ea loola aolamba, aokel’amato, Taloangake; emi ndea wae inyo lasa Yesu oakemaki nd’ekulusu. Ende af’ane: el’ende aoetswa lim’iwa, ngoki’nd’okelaka. Loyaka, len’itenela iki Nkolo okambi.

Koko Yesu aolakela, Taloangake; lokenda, losangele bakune’akami wae bakende nda Ngalilaya, ko bifonjen’eko.

Ak’iy’otakanaka la bingambe oangaka wango, baokaya soldats nyongo ea nene, bakela, Losanga, Ak’is’okeci, bakimi’akande baoy’oongol’ilaka ikae l’otso. Ko wenaka gouverneur aoloka joi line, iso tifosiza likambo l’ende, kela betema bekinyo becicima. Baolamba nyongo, ko baokela ngok’iy’olakemaka: ko joi line jolongwana ele Ba-Yuda o l’ekek’ene.