Popular Bible Verses from Tõoma 1

Share

La Nawẽnnɛ Sɩa wʋn wa'am ya zuo, wa bɔ ya pãŋa. La ya wʋn dɛna mam kaset-dõma pa'alɛ mam yɛla Zerizalɛm, la Zude, la Samaari tẽnsʋm, halɩ ka paagɛ dũnia tɛka wuu.»

Tɩ Azezi lerge ba yetɩ: «La ka de ya bãŋɛ wakatɛ la dabs-sɛba tɩ mam Sɔ Nawẽnnɛ looge la a mẽŋa pãŋa.

La ban lagsɛ bɔna la ẽ na, tɩ a bɔ ba nõorɛ yetɩ: «Da yese-ya Zerizalɛm tẽŋa pʋam, gu'ura-ya bõn-sɛka tɩ mam Sɔ daan bĩŋe nõorɛ tɩ a bɔ ya, tɩ mam yele ya la. Se'ere n soe la, Azã daan misri ya la ko'om pʋam, la, la kãn yuuge dee tɩ Nawẽnnɛ mise ya a Sɩa pʋam.»

Azezi kũm na poorʋm, dabsa pinaasɩ pʋam tɩ a dɩkɛ a mẽŋa pa'alɛ a Tõntõnɩba, tõm tõon-yãlma zozo'e n pa'alɩ tɩ ẽŋa vo'oge mɛ, dee tɔgɛ Nawẽnnɛ so'olʋm yɛla pa'alɛ ba.

Ẽŋa n tɔgɛ bɛla ba'asɛ la, dee zɔnna Nawẽnnɛ yire, tɩ ba bɩsra ẽ, tɩ wara lile ẽ.

La ẽn zonnɩ na, ba ken bɩsra la saazuum zĩi, tɩ bʋraasɩ bayi yɛ fu-pɛɛlsɩ darɛ wa'am wa zɛ ba zẽ'am, dee soke ba yetɩ: «Galile nẽrba, bẽm tɩ yãma zɛ bɩsra saazuum? Azezi n yese ya zẽ'am wɛ Nawẽnnɛ yire wã, a wʋn le leme wʋ yãma n yẽ ẽ tɩ a wɛ'ɛsa se'em wã.»