Achuar-Shiwiar - 1994 Edition (NT) Drama - 2019 4th edition text

<div class="version vid4 iso6393acu" data-vid="4" data-iso6393="acu">
 <div class="book bkMAT">
 <div class="chapter ch7" data-usfm="MAT.7">
 <div class="label">7</div><div class="s">Chikich ainau pachisrum paseeka chichartsuk asataram</div><div class="r">(Luc. 6.37-38, 41-42)</div><div class="p"> 1Nunia Jes&#250;s ataksha nuiniak: &#8220;Yus w&#237;naka wait wajaktiniun surusai tusaram, chikich aints pachisrum pas&#233; chichakairap. 2Atumka chikich ainau pachisrum pas&#233; chichaakrumningkia, Yuska atumin wait wajaktiniun suramsatnuitrume. Tura atum chikich ainau pengker awajkurminkia Yuscha nunisang atumin pengker awajtamsatatrume. 3Tura chikich aints tunaun jumchik takau asamtai, atumka tunau nukap takautiatrumsha &#191;waruka nu aintcha tunaawaitai tarume? Tunau pachisrum chichaakrumka, aints ni jiin tsetsee juun engketu wainiat, nunaka waintsuk chikich aintsu jiin tsetseen tuupchin engketun wainak, nuna jiij pujurua tumawaitrume. 4Tura atumi tunaari nukap aa nu nintimtsuk pujayatrum &#191;chikicha tunaari jumchik aa nuka pachisrumsha atumsha itiur chichastarmek? Tu pujakrumka aints ni jiin tsetsee juun engketun wainiat, nunaka waintsuk, chikich aintsu jiin tsetseen tuupchin engketun wainak: &#8216;Tsetsee jiimin engketun ashiitjai. Wait aneasam tsangkatrukta,&#8217; tu chichaawa tumawaitrume. 5Tu chichaakrumka chikich ainau anangkuram: &#8216;Auka p&#233;ngke aintsuitai turutiarat,&#8217; tu nintimsaram pujarme. Tura asaram nuw&#225; eemkaram atumi tunaari nukap aa nu inaisaram, nuniangka paan nintimraram, chikich aints chicharkuram: Tunaari jumchik aa nuna inaisati tusaram chichastinuitrume. Tu pujakrumka aints nuw&#225; eemak ni jiinian tsetsee juuntan ashii japa, nunia paan jiimias, chikich aintsu jiinia tsetsee tuupchin ashiawa tumawaitrume.</div><div class="p"> 6&#8220;Nuniangka ataksha tajarme: Aints Yuse chichamen nakitinauka Yuse chichamengka ujakairap. Antsu nu aints ainau Yuse chichame ujaakrumningkia, nuka atumin kajertamkatnuitrume. Nu aints ainau yawaa kajeawa nunisarang ainawai. Yawaa kajeu yutan pengker aa nunaka suamaitiat, aintsun esaitas wakerawai. Tura Yuse chichamen antutan nakitinau k&#250;chia nunisarang ainawai. K&#250;chi nintinchau asar, shaakun najarar tsuringmin ainawai. Tura asamtai k&#250;chi ainau shaak akik aa nuka susashtinuitai,&#8221; Jes&#250;s timiayi.</div><div class="s">Yus tuke seataram timiauri</div><div class="r">(Luc. 11.9-13;6.31)</div><div class="p"> 7-8Nunia Jes&#250;s ataksha chichaak: &#8220;Aints warinak seamina nunaka juwinawai. Tura warinak eaina nunasha waininawai. Tura win&#225;jai tinaunaka waitin uratinawai. Tura asamtai tuke Yus seataram. Turakrumningkia atumi yuumamurmin suramsatnuitrume. Tura Yuse wakeramurin nekaatasrum wakerakrumningkia, Yuska nunasha nekamtikramatnuitrume. Tura Yus pujamunam jeatasrum wakerakrumningkia, Yuska waitin uratramtinuitrume.</div><div class="p"> 9&#8220;Nusha nintimrataram. &#191;Yaachia uchiri yaparak yurumkan seamaitiat kayan sua? 10Tura &#191;yaachia uchiri namakan seamaitiat napin sua? 11Atumka tunau ayatrumek, nekasrum atumi uchiri pengker aa nuke suwarme. Atumka Yus seakrumningkia &#191;atumi Apaachiri nayaimpinam puja nu nekas pengker asa, itiur suritramkating?#(Juan 14.13-14;15.7,16;16.23-24)</div><div class="p"> 12&#8220;Aints ainau w&#237;na pengker awajtusarat tusaram nu wakerau asaram, atumsha nunisrumek chikich aints ainausha pengker awajsataram. Nu chichamnaka Mois&#233;scha, tura yaanchuik Yuse chichame etserin puju armia nusha mash umiktaram tusar aararmiayi,&#8221; Jes&#250;s timiayi.#(Luc. 6.31)</div><div class="s">Waiti tuupchin pachis etserkamuri</div><div class="r">(Luc. 13.24)</div><div class="p"> 13-14Nunia Jes&#250;s ataksha chichaak: &#8220;Wikia ataksha tajarme: Yusnum pujustasrum wakerakrumka, waiti tuupchinam wayaataram. Waiti tuupich asamtai, aints ainau nuni wayaawar, jinta tsererchinam tuke iwiaaku pujustinnum weenauka untsurinchuitai. Antsu chikich waiti wangkaram asamtai, aints nuni wayaawar, tungkajin jintanam wait wajaktinnum jeartinka untsurintai,&#8221; timiayi.#(Sal. 1.6)</div><div class="s">Anangkartin ainaun pachis etserkamuri</div><div class="r">(Luc. 6.43-44)</div><div class="p"> 15Nunia Jes&#250;s ataksha chichaak: &#8220;Wikia nunasha tajarme: Wait chichaman etserin ainau nangkamiar: Wikia Yuse chichamen etsernuitjai tinauka wina anangkruwai tusaram aneartaram. Nuka uwijaya nunisarang winitraminayat, yawaa kajeawa nunisarang atumin mestamrartas winitramiartinuitai.#(1.Juan 4.1-3) 16Atumka numi ner&#233; jiisrum: &#191;War&#237; numita? tusaram nekaatnuitrume. Tura asaram nu aints ainau turamurisha jiisrum: &#191;War&#237; aintski? tusaram nekaatnuitrume. Numi jangkirtincha jiisrum, uva yurangkenka juukchamnawaitrume. Tura higo ainau narajnumianka juukchamnawaitrume. 17Numi nekas pengker ainia nuka neren pengkeran nerenawai. Antsu numi pas&#233; ainauka neren paseen nerenawai. 18Tura numi pengker ainauka paseenaka nerenatsui. Tura numi pas&#233; ainauka pengkernaka nerenatsui. 19Tura numi nere pas&#233; amataikia, aints ainau numin ajakar kanawen jinum epeenawai. 20Tura aints ainau numi neren jiisar: &#191;War&#237; numiki? tusar nekainawa nunisrumek atumka aints ainau turamurisha jiisrum: &#191;War&#237; aintski? tusaram nekaatnuitrume,&#8221; Jes&#250;s timiayi.#(Mat. 3.10;12.33; Luc. 3.9)</div><div class="s">Aints mash nayaimpinmaka jeachartinuitai timiauri</div><div class="r">(Luc. 13.25-27)</div><div class="p"> 21Nunia Jes&#250;s ataksha chichaak: &#8220;Wikia nunasha tajarme: Aints ainau nangkamiar: &#8216;Apurua, Apurua,&#8217; turutinauka mash Yuse pujutirin nayaimpinmaka jeachartinuitai, antsu wina Apaachir nayaimpinam puja nuna wakeramurin najanin ainauka ni pujutirin jeartinuitai. 22Nungka amukatin kinta jeamtai, aints untsuri w&#237;na chichartinak: &#8216;Apurua, Apurua, iikia amin pachisar ami chichamim etsernuyaji, tura ami naaram pachisar aintsnumia iwianch ainau jiirnuyaji. Tura ami kakarmarmijai wainchati takatcha takakmasmiaji,&#8217; turutiartinuitai. 23Tura wainiatnak wikia ayaakun: &#8216;Atumin pengk&#233; wainchawaitjarme. Tunau takau ainautiram, win&#237;angka jiinkiram wetaram,&#8217; titinuitjai,&#8221; Jes&#250;s timiayi.#(Sal. 6.8)</div><div class="s">Jea jimiar jeamkamun pachis etserkamuri</div><div class="r">(Marc. 1.22; Luc. 6.47-49)</div><div class="p"> 24Nunia Jes&#250;s ataksha chichaak: &#8220;Wikia nunasha tajarme. Aints w&#237;na chichamrun antuk, tura miatrusang umirtak pujauka aints jea jeamtan nekau nungka pisu amanum jea jeamkamua tumawaitai. 25Tura yumi nukap jituriat, tura entsasha nujangkruayat, tura nasesha kakarman nasentiat, nu jea nungka pisunam jeamkamu asamtai, yumpungtatkama tujinkatnuitai. 26Tura aints w&#237;na chichamrun antukiat, umirtutsuk pujauka aints nintinchau jean yaikminam jeamua tumawaitai. 27Tura yumi nukap jitak, entsasha nujangkrak, tura nasesha kakarman nasentak nu jeanka pukuuktinuitai. Turamtai nu jeaka mengkakatnuitai,&#8221; &#8212;timiayi.</div><div class="p"> 28-29Tura chichas umisamtai, Mois&#233;sa chichame nuikiartin ainaujai metekchau, antsu Yuse kakarmarijai nuikiartau asamtai, aints Jes&#250;sa chichamen antukaruka nukap nintimrarmiayi.#(Marc. 1.22; Luc. 4.32)</div>
 </div>
 </div>
</div>

Nunia Jesús ataksha nuiniak: “Yus wínaka wait wajaktiniun surusai tusaram, chikich aints pachisrum pasé chichakairap. Atumka chikich ainau pachisrum pasé chichaakrumningkia, Yuska atumin wait wajaktiniun suramsatnuitrume. Tura atum chikich ainau pengker awajkurminkia Yuscha nunisang atumin pengker awajtamsatatrume. Tura chikich aints tunaun jumchik takau asamtai, atumka tunau nukap takautiatrumsha ¿waruka nu aintcha tunaawaitai tarume? Tunau pachisrum chichaakrumka, aints ni jiin tsetsee juun engketu wainiat, nunaka waintsuk chikich aintsu jiin tsetseen tuupchin engketun wainak, nuna jiij pujurua tumawaitrume. Tura atumi tunaari nukap aa nu nintimtsuk pujayatrum ¿chikicha tunaari jumchik aa nuka pachisrumsha atumsha itiur chichastarmek? Tu pujakrumka aints ni jiin tsetsee juun engketun wainiat, nunaka waintsuk, chikich aintsu jiin tsetseen tuupchin engketun wainak: ‘Tsetsee jiimin engketun ashiitjai. Wait aneasam tsangkatrukta,’ tu chichaawa tumawaitrume. Tu chichaakrumka chikich ainau anangkuram: ‘Auka péngke aintsuitai turutiarat,’ tu nintimsaram pujarme. Tura asaram nuwá eemkaram atumi tunaari nukap aa nu inaisaram, nuniangka paan nintimraram, chikich aints chicharkuram: Tunaari jumchik aa nuna inaisati tusaram chichastinuitrume. Tu pujakrumka aints nuwá eemak ni jiinian tsetsee juuntan ashii japa, nunia paan jiimias, chikich aintsu jiinia tsetsee tuupchin ashiawa tumawaitrume.
“Nuniangka ataksha tajarme: Aints Yuse chichamen nakitinauka Yuse chichamengka ujakairap. Antsu nu aints ainau Yuse chichame ujaakrumningkia, nuka atumin kajertamkatnuitrume. Nu aints ainau yawaa kajeawa nunisarang ainawai. Yawaa kajeu yutan pengker aa nunaka suamaitiat, aintsun esaitas wakerawai. Tura Yuse chichamen antutan nakitinau kúchia nunisarang ainawai. Kúchi nintinchau asar, shaakun najarar tsuringmin ainawai. Tura asamtai kúchi ainau shaak akik aa nuka susashtinuitai,” Jesús timiayi.


Nunia Jesús ataksha chichaak: “Aints warinak seamina nunaka juwinawai. Tura warinak eaina nunasha waininawai. Tura winájai tinaunaka waitin uratinawai. Tura asamtai tuke Yus seataram. Turakrumningkia atumi yuumamurmin suramsatnuitrume. Tura Yuse wakeramurin nekaatasrum wakerakrumningkia, Yuska nunasha nekamtikramatnuitrume. Tura Yus pujamunam jeatasrum wakerakrumningkia, Yuska waitin uratramtinuitrume.
“Nusha nintimrataram. ¿Yaachia uchiri yaparak yurumkan seamaitiat kayan sua? Tura ¿yaachia uchiri namakan seamaitiat napin sua? Atumka tunau ayatrumek, nekasrum atumi uchiri pengker aa nuke suwarme. Atumka Yus seakrumningkia ¿atumi Apaachiri nayaimpinam puja nu nekas pengker asa, itiur suritramkating?
“Aints ainau wína pengker awajtusarat tusaram nu wakerau asaram, atumsha nunisrumek chikich aints ainausha pengker awajsataram. Nu chichamnaka Moiséscha, tura yaanchuik Yuse chichame etserin puju armia nusha mash umiktaram tusar aararmiayi,” Jesús timiayi.


Nunia Jesús ataksha chichaak: “Wikia ataksha tajarme: Yusnum pujustasrum wakerakrumka, waiti tuupchinam wayaataram. Waiti tuupich asamtai, aints ainau nuni wayaawar, jinta tsererchinam tuke iwiaaku pujustinnum weenauka untsurinchuitai. Antsu chikich waiti wangkaram asamtai, aints nuni wayaawar, tungkajin jintanam wait wajaktinnum jeartinka untsurintai,” timiayi.


Nunia Jesús ataksha chichaak: “Wikia nunasha tajarme: Wait chichaman etserin ainau nangkamiar: Wikia Yuse chichamen etsernuitjai tinauka wina anangkruwai tusaram aneartaram. Nuka uwijaya nunisarang winitraminayat, yawaa kajeawa nunisarang atumin mestamrartas winitramiartinuitai. Atumka numi neré jiisrum: ¿Warí numita? tusaram nekaatnuitrume. Tura asaram nu aints ainau turamurisha jiisrum: ¿Warí aintski? tusaram nekaatnuitrume. Numi jangkirtincha jiisrum, uva yurangkenka juukchamnawaitrume. Tura higo ainau narajnumianka juukchamnawaitrume. Numi nekas pengker ainia nuka neren pengkeran nerenawai. Antsu numi pasé ainauka neren paseen nerenawai. Tura numi pengker ainauka paseenaka nerenatsui. Tura numi pasé ainauka pengkernaka nerenatsui. Tura numi nere pasé amataikia, aints ainau numin ajakar kanawen jinum epeenawai. Tura aints ainau numi neren jiisar: ¿Warí numiki? tusar nekainawa nunisrumek atumka aints ainau turamurisha jiisrum: ¿Warí aintski? tusaram nekaatnuitrume,” Jesús timiayi.


Nunia Jesús ataksha chichaak: “Wikia nunasha tajarme: Aints ainau nangkamiar: ‘Apurua, Apurua,’ turutinauka mash Yuse pujutirin nayaimpinmaka jeachartinuitai, antsu wina Apaachir nayaimpinam puja nuna wakeramurin najanin ainauka ni pujutirin jeartinuitai. Nungka amukatin kinta jeamtai, aints untsuri wína chichartinak: ‘Apurua, Apurua, iikia amin pachisar ami chichamim etsernuyaji, tura ami naaram pachisar aintsnumia iwianch ainau jiirnuyaji. Tura ami kakarmarmijai wainchati takatcha takakmasmiaji,’ turutiartinuitai. Tura wainiatnak wikia ayaakun: ‘Atumin pengké wainchawaitjarme. Tunau takau ainautiram, winíangka jiinkiram wetaram,’ titinuitjai,” Jesús timiayi.


Nunia Jesús ataksha chichaak: “Wikia nunasha tajarme. Aints wína chichamrun antuk, tura miatrusang umirtak pujauka aints jea jeamtan nekau nungka pisu amanum jea jeamkamua tumawaitai. Tura yumi nukap jituriat, tura entsasha nujangkruayat, tura nasesha kakarman nasentiat, nu jea nungka pisunam jeamkamu asamtai, yumpungtatkama tujinkatnuitai. Tura aints wína chichamrun antukiat, umirtutsuk pujauka aints nintinchau jean yaikminam jeamua tumawaitai. Tura yumi nukap jitak, entsasha nujangkrak, tura nasesha kakarman nasentak nu jeanka pukuuktinuitai. Turamtai nu jeaka mengkakatnuitai,” —timiayi.
Tura chichas umisamtai, Moisésa chichame nuikiartin ainaujai metekchau, antsu Yuse kakarmarijai nuikiartau asamtai, aints Jesúsa chichamen antukaruka nukap nintimrarmiayi.

Listen to Mateo 7