मुलिचेला टोॽवा चिनारि
चिनारि
ना छाप्ला लुका ओलोडुना येसु खिरिस्टङाना ओचेलाङा छेप्टुना॥ लुकाङा “लुकाङाना नुना खाबोर” छाप्ला चा छेप्टुए हिट्नुङ् ना “मुलिचेलाचिगा टोॽवा” छाप्ला चा छेप्टुए॥ ना छाप्ला छेप्माना मुलि रिङ्उम्बाक् पाइलेगा येसु ओचेलाचिङा खाड्डे पारिक् सेङ्सेङ्ना हाङ्साङाना लाम्बोङि लाम्टिमाना हिट्नुङ् हिट्नागाँ यरुसलेमङि, याहुदियाङि, सामारिया छेट्राङि हिट्नुङ् नारा टेप् उन्ङाना नुना खाबोर उछिन्डुना बारेङि ठाहा पिमा लोङ्सा छेप्टाना (१:८)॥ ना खिरिस्टियानचिगा बिस्वास याहुदि छोङ्बाचिलाम्मा उटुम् लिसाउङ् नारा टेप् छिन्डाना छेम्बाना मुन्डुम्॥
ना मुलिचेलाचिगा टोॽवाङाना छाप्ला सुम्बोक् खान्डाङि चोक्मा हिडुम्टुम्:
(१) येसु टोनालोग् खाडाउङ् यरुसलेमङि उटुम् लिसाना खिरिस्टियान् बिस्वास बारे
(२) प्यालेस्टाइनङिगा आरु मुलुक्ङि नुना खाबोर पारचार लिसाना रिङ्
(३) भुमाध्य सागार याम्बा-नायाम्बाङिगा देसङि हिट्नुङ् रोम मुलुक् सोम्मा नुना खाबोर पारचार लिसाना रिङ्
ना छाप्ला छेप्माना मुलि रिङ्उम्बाक् सेङ्सेङ्ना हाङ्साङाना टोॽवा बारेङि ए॥ ना छाप्लाङि छेप्टागा घाट्नाङा बिस्वासिचि खोड्डे पारिक् ओवासे हिट्नुङ् साङ्गाटिङि नुना खाबोरङिना साक्ति खोड्डे पाराना डाना हिट्ना बारेङि ठाहा लियुक्॥
बिसाए-सुचि
गाबाइ लोङ्सा टेयार बारे १:१-२६
क) येसुङाना आखेरि आग्याँ हिट्नुङ् माङ्हुप् १:१-१४
ख) याहुदाङाना ओलेक्ङि आरको सेग्बालाक् याप्मि १:१५-२६
यरुसलेमङिना गाबाइ २:१–८:३
याहुदिया हिट्नुङ् सामारियाङिना रिङ् ८:४–१२:२५
पावालङाना पारचार १३:१–२८:३१
क) उटुम्ङि पारचार चोक्बालाक् रिङ् १३:१–१४:२८
ख) यरुसलेमङि लिसाना छुम्मा १५:१-३५
ग) दोस्रो खेप् पारचार चोक्बालाक् रिङ् १५:३६–१८:२२
घ) तेस्रो खेप् पारचार चोक्बालाक् रिङ् १८:२३–२१:१६
ङ) यरुसलेम, कैसरिया हिट्नुङ् रोमङि पावाल खाम्बाङ्ङि ठायाना रिङ् २१:१७–२८:३१
Επιλέχθηκαν προς το παρόν:
मुलिचेला टोॽवा चिनारि: APH
Επισημάνσεις
Αντιγραφή
Σύγκριση
Κοινοποίηση
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
© 2023, Wycliffe Bible Translators, Inc. and Nepal Bible Society