मरकुस हेंद-पेचाण
हेंद-पेचाण
मरकुस को लिक्यो तको ईसू को हव हमच्यार ईं बातऊँ सरू वेवे हे, “परमेसर का पूत ईसू मसी को हव-हमच्यार…”। ईंमें ईसू ने एक हव काम अन आपणाँ हकऊँ काम करता तका बताया ग्या हे। ईसू मसी को हक, वाँका उपदेस में, हुगली आत्मा पे अन मनकाँ का पापाँ ने माप करतो तको बतायो ग्यो हे। ईंमें ईसू आपणाँ खुदाखुद ने “मनक को पूत” केवे हे, ज्यो मनकाँ ने पापाऊँ छुड़ाबा का वाते आपणो जीव दे देवे हे।
मरकुस की आ किताब का बारा में कटे भी सई तरियाऊँ ने लिक्यो ग्यो हे के, आ किताब कदी लिकी गी। यरूसलेम का मन्दर का धड़बा का बारा में ईसू की भविस्यवाणी का उपदेस की बातऊँ मरकुस को लिक्यो तको ईसू को हव हमच्यार 70 ईस्वी के पेल्याँ लिक्यो ग्यो वेगा, जदी यरूसलेम को मन्दर धड़ायो ग्यो हो। सरुआत की टेम की हारी मण्डळ्या ने सरू करबावाळा की गवायाँ ईं बात ने अलग करे हे के, मरकुस को लिक्यो तको ईसू को हव हमच्यार पतरस का मरयाँ केड़े रोम देस में लिक्यो ग्यो वेगा।
मरकुस ईसू का बचन अन बाताँ पे ने, पण ईसू का कामाँ पे जोर देवे हे। ईं वाते मरकुस ईसू की कता ने हीदीहट अन हेल रूप में बतावे हे। यहुन्नो बतिस्मो देबावाळो, ईसू मसी को बतिस्मो अन ईसू की जाँच-परक का बारा में हेंद-पेचाण का केड़े, मरकुस फटाफट ईसू को लोगाँ ने हव करणो अन वाँका उपदेस का बारा में बताबा लागे हे। जस्यान जस्यान टेम वेतो जावे वस्यान-वस्यान ईसू ने मानबावाळा बड़या तरियाऊँ हमजता ग्या, पण ईसू का दसमण भी हेला वेता ग्या। अन्त का पाटाँ में मरकुस ईसू का धरती पे अन्त का हपता का बारा में, खासतोरऊँ ईसू ने हूँळी पे चड़ाणो अन ईसू को पाछो आबा का बारा में बतावे हे।
रूप-रेखा
ईसू का हव हमच्यार की सरुआत 1:1–13
गलील देस में ईसू की सेवा 1:14—9:50
गलीलऊँ यरूसलेम तईं ईसू की जातरा 10:1–52
यरूसलेम में ईसू का अन्त का हपता 11:1—15:47
ईसू को पाछो जी उटणो 16:1–8
जी उट्या तका परबू ने देकणा अन परबू को हरग में जाणो 16:9–20
Επιλέχθηκαν προς το παρόν:
मरकुस हेंद-पेचाण: एम टी आर
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
(c) 2010-2017, New Life Computer Institute. All rights reserved