Cäk 3
3
Wïïk de Raan ë Këracic
1 #
Nyu 12:9; 20:2. Ku kërac aaye län pel awär läi roor kedhie, läi cï Bɛ̈nydït Nhialic cak. Ago kërac tik luɔp an, “Ë yic, cï Nhialic lɛ̈k week an cäkï bï cam në mïth ke tiim ke Dom kedhie?”
2Ago tik puk nɔm an, “Ei, wok bï mïth ke tiim ke Dom cam kedhie.” 3Aa lueel ë Nhialic an, “Wek cïï bï cam në mïth ke tim töŋ nu ë Domic cil, na cakaa jäk duökï jak. Na lak cam, we bï thou.”
4Go kërac puɔ̈k nɔm tik an, “Kënë acie yic, wek cï bï thou. 5Aa lueel ë Nhialic aya, në luɔi ŋic En en an të la wek ë timë cam, wek bï ciët Nhialic. #3:5: Nhialic; nɔn ee yiëth Wek bï këpiɛth ŋic ku ŋiɛckï kërac.” #3:5: ŋïny de këpiɛth ku kërac; nɔn ee ŋïny de käŋ kedhie.
6Ago tik tim tïŋ ke läk, tim röŋ ë mïthke në cäm, ku ye tim bï kɔc tɔ ŋic käŋ. Ago meth tet ku ciɛm, ku gëm biäk monyde. Go monyde cam ayadäŋ. 7Ku ee tëthiin ë ciɛm kek en në, acïk käŋ bɛ̈n guɔ ŋic, agokï guɔ yök nɔn ciɛth kek ë kekɔ̈ɔ̈th. Gokï yïth ke tim cɔl ŋaap määtiic ku kum kek röt.
8Na ɣɔn thëën, acïk Bɛ̈nydït Nhialic bɛ̈n piŋ ke cath domic, gokï röt thiaan në Yen në tiimiic. 9Go Bɛ̈nydït Nhialic moc cɔɔl an, “Nu yë ë nou?”
10Go moc puk nɔm an, “Yïn cä piŋ ke Yï cï bɛ̈n domic, guɔ guöp riɔ̈ɔ̈c, guɔ rɔt thiaan në Yïn, në luɔi cath ɛn në yakɔ̈u.”
11Go Nhialic ë luɔp an, “Eeŋa lëk ë yïn nɔn ciɛth yïn në yïk kɔ̈u? Cï mïth ke tim wään cän jaai cam?”
12Go raan puk nɔm an, “Tiiŋ wään yiënë yɛn, an bï ya bɛ̈n kuïïl nyin, acï ya gäm mɛnh ë tim, guɔ cam.”
13 #
2 Kor 11:3; 1 Tim 2:14. Go Bɛ̈nydït Nhialic lɛ̈k tik an, “Eeŋö looi yïn ë kënë?”
Go tik puk nɔm an, “Kërac yen aa mɛth ɛn, guɔ cam.”
Nhialic ë kuöm lueel
14Go Bɛ̈nydït Nhialic lɛ̈k kërac an, “Në luɔi cïn ë kënë looi, yïn cï cieen yïtök në läi yiic kedhie. Yïn bï ya mol në yïyɔu, ku yïn bï ya cam në abuui në pïïrdu yic ëbɛ̈n. 15#Nyu 12:17. Ku Yɛn bï ater tääu në kaamdun we tik, ku në kaam de kɔ̈thku ku kɔ̈thke. Abäk keek aa kac ŋur, ku abïk week aa yup #3:15: kɔ̈thken; nɔn ee kek. nïïm.”
16Ku lëk ë Bɛ̈nydït Nhialic tik an, “Yɛn bï arɛɛmdu ŋuak nyin të dhiëëth yïn. Yïn bï ya dhiëth ke yï rem guöp, ku yïn bï ya ŋoot ke yï kɔɔr monydu, ku abï yïn aa cieŋ.”
17 #
Ɣeb 6:8. Ku lëk ë Bɛ̈nydït Nhialic moc an, “Në luɔi cïn jam ë tiiŋdu piŋ, ku cam mïth ke tim wään cän jaai, an, cï cam, piny abä jɔ cieen nɔm në këdu. Në pïïrdu yic ëbɛ̈n, yïn bï këcamdu aa yök të cïn luɔi dït kɔn looi. 18Kuɔɔth ku athil abïk aa cil në këdu, ku yïn bï ya cam në ka ye puur. 19Ku yïn bï ya cam në abiɔ̈r ë yïnyin, agut të bïn yïnɔm puɔ̈k abuui yic. Yïn aa cuɛ̈ɛ̈c abuui, ku yïn bï yïnɔm bɛ puɔ̈k abuuidu yic.”
20Ago Adam#3:20: Adam: Rinkë në Ɣeberuu ee “raan ëbɛ̈n.” tiiŋde cäk rin an Ɣawa,#3:20: Ɣawa: Rinkë në thoŋ de Ɣeberuu acïtkï “pïïr,” yen atɔ̈u në ee jamë yic ke ye “raan ëbɛ̈n.” (ku kë lueel ë rinkë ee pïïr) në luɔi yen man raan ëbɛ̈n. 21Ago Bɛ̈nydït Nhialic Adam kum kɔ̈u në dɛ̈l kekë Ɣawa tiiŋde.
Adam kekë Ɣawa acï ke ciëëc bei Dom de Eden
22 #
Nyu 22:14. Go Bɛ̈nydït Nhialic lueel në yepiɔ̈u an, “Tïŋ ënɔɔnë, raan ë jɔ ciët wook, ë käŋ ŋic, kapiɛth ku karɛc. #3:22: ŋïny de këpiɛth ku kërac; nɔn ee ŋïny de käŋ kedhie. Acä bï bɛ tɔ cam mɛnh ë tim ë pïïr, ke cï bï bɛ pïïr aɣet athɛɛr.” 23Ago Bɛ̈nydït Nhialic raan ciëëc bei dom de Eden, ku jɔ tɔ puur abuui ɣɔn cuëëc En en. 24Nhialic ë raan bɛ̈n ciɛɛc biic, ku tɛ̈ɛ̈u cerubiim domde thok baŋ të lɔ aköl amiäk,#3:24: läi pïr: Tïŋ aber de Wël. në abätɛ̈ɛ̈u riau. Abätɛ̈ɛ̈u wïïl röt ke ke cï rɛ̈ɛ̈r tëtök, ke ke bï tim de pïïr tiit, ke cïn kë bï bɛ̈n në yelɔ̈ɔ̈m.
Επιλέχθηκαν προς το παρόν:
Cäk 3: dip-JPB
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
The Bible in Jieeng de Padang © The Bible Society in South Sudan, 2011.