Cäk 2
2
1Ku tënhial kekë piny, aake cï jɔ thök në cäk në ka tɔ̈u thïn kedhie. 2#Bɛ̈n 20:11. #Ɣeb 4:4,10. Ku në kööl ë dhorou, Nhialic acï jɔ thök në luɔidɛn ë cäk ëbɛ̈n#2:2: në ee köölë acï luɔidɛn ë cäk thöl; nɔn ee në ee köölë acï cäk thöl. ku jɔ lɔ̈ŋ thïn. 3Go Nhialic kööl ë dhorou tɔ ye kööl piɛɛth lɔ yum. Go thieei, ku jɔ tɔ ye kööl ɣeric, në luɔi yen kööldɛn ë lɔ̈ŋ En thïn,#2:3: në ye köölë acï luɔidɛn ë cäk thöl; nɔn ee köölë acï cäŋdɛn ë käŋ thöl. në luɔidɛn ë ciɛk En piny nɔm. 4Yen luɔi ë ciɛk ë tënhial kekë piny ka, të ɣɔn ciɛkë keek.
Dom de Eden
Ku kë ë loi rɔt kï, të ɣɔn ciɛk ë Bɛ̈nydït#2:4: Bɛ̈nydït: Të ye thoŋ de Ɣeberuu dɛ Yawe, yen aye dap waaric an Jeɣoba, yen ee wɛ̈ɛ̈rë yicë ade yic Bɛ̈nydït në kït dït, ke kuany kueer ye Baibol ke thoŋ de Liŋëlith juëc lui. Nhialic tënhial kekë piny. 5Acïn wɛ̈ɛ̈l ë cï kɔn cil ë piny nɔm, ku acïn dom ë cï kɔn puur. Në luɔi ë kën ë Bɛ̈nydït Nhialic deŋ kɔn tɔ tuëny piny nɔm. Ku acïn raan ë nu raan ë cï piny kɔn com nɔm. 6Ee ruu yen ë ye rɔt jat nhial piny, ku yoor piny nɔm ëbɛ̈n.
7 #
1 Kor 15:45. Ago Bɛ̈nydït Nhialic raan cuëëc në tiɔɔm ë piny#2:7: piny...raan: Në thoŋ de Ɣeberuu “raan” ku “piny” cɔ̈tden athööŋ. ku mony cï cuëëc#2:7: piny...raan: Në thoŋ de Ɣeberuu “raan” ku “piny” cɔ̈tden athööŋ. ku jɔ kuöth wum yom ë pïïr, go raan jɔ aa këpïïr.
8Ago Bɛ̈nydït Nhialic dom looi ëtɛ̈ɛ̈n në Eden, në biäk të lɔ aköl amiäk. Ku jɔ raandɛn cï cuëëc tääu thïn ëtɛ̈ɛ̈n. 9#Nyu 2:7; 22:2,14. Ago Bɛ̈nydït Nhialic tiim piɛth ëbɛ̈n tɔ cil Domic, tiim ee kɔc diir. Ku tɔ ke lok në mïth piɛth. Ku tim de pïïr aa tɔ̈u Domic cil ayadäŋ, ku tim de ŋïny ë käŋ, kapiɛth ku karɛc.#2:9: ŋïny de këpiɛth ku kërac; nɔn ee ŋïny de käŋ kedhie.
10Nyin ë ye Dom tɔ dëk në pïïu aa tëk në Eden, ku acï yenɔm lɔ tek tueŋ në nyïïn kaŋuan. 11Ku nyin tueŋ acɔl Picon. Aa ye tëëk në piny cɔl Ɣabila, piny de yic adhääp, 12ku adhäm de ee pinyë apiɛth, ku wɛ̈ɛ̈l ŋïr, ayï kur lɛ̈k ke onik ayadäŋ. 13Ku nyin ye nyïïn rou acɔl Giɣon. Aa ye tëëk piny cɔl Kuc.#2:13: Kuc (de Methopotamia); nɔn ee Kuc. 14Ku nyin ye nyïïn diäk acɔl Tigri, ee tëëk piny cɔl Athiriya kɔ̈u baŋ të lɔ aköl amiäk. Ku nyin ye nyïïn ŋuan acɔl Yuparat.
15Ago Bɛ̈nydït Nhialic raan tääu Dom de Eden, ke bï ya tiit ku puur. 16Ku lëk ë Bɛ̈nydït Nhialic raan an, “Yïn bï ya cam në mïth ke tiim ke dom kedhie cït man ë kë kɔɔr. 17Ku tim de ŋïny de käŋ, kapiɛth ku karɛc yetök.#2:17: ŋïny de këpiɛth ku kërac; nɔn ee ŋïny de käŋ kedhie. Yen acïn mïthke bï cam, ku kööl le yïn e cam, yïn bï thou.”
18Ku be Bɛ̈nydït Nhialic lueel an, “Acïï piɛth luɔi bï raan rëër yetök, abä luöi raandɛn bï yen aa kuïïl nyin, ke bï yen aa kuɔny.” 19Go Bɛ̈nydït Nhialic tiɔp nööm piny, ku cuëëc läi roor kedhie, ku diɛt kedhie, ku yïn ke raan bï ke bɛ̈n cäk rin. Yen luɔidɛn ë yök kek rin ka. 20Ago raan läi cäk rin kedhie, läi roor ku läi wut, ku ciëk diɛt kedhie ayadäŋ. Ku acïn töŋ ë piɛth në keyiic, kë rɔ̈ŋ ke luɔi duëër en raan kuïïl nyin, ku kony en.
21Ago Bɛ̈nydït Nhialic raan tɔ ruɛ̈i nïïn aläl, ku jɔ lɔ̈mdɛn tök nööm, ku boot tëde në rïïŋ. 22Ku cuëëc ë Bɛ̈nydït Nhialic tik në lɔ̈m ë moc, ku yïn moc. 23Ago moc lueel an,
“Ënɔɔnë, yɛn ë raan cït ɛn jɔ yök,
Yuɔɔm ë nöm në yomkï yiic, ku rïïŋ ë nöm në rïïŋdï yic.”
Rinke acɔl keek “tik” në luɔi ë nööm ë yen në moc guöp.#2:23: tik...moc: Në thoŋ de Ɣeberuu “tik” ku “moc” cɔ̈tden athööŋ.
24 #
Math 19:5; Mak 10:7,8; 1 Kor 6:16; Epe 5:31. Yen abï moc wun aa puɔ̈l ku pɛ̈l man, ku mɛ̈t ke tiiŋde, agokï aa guöp tök keek kaarou.
25Ku moc kekë tik aake cïn kɔ̈ɔ̈th lupɔɔ, ku aake cïï gup ee riɔ̈ɔ̈c.
Επιλέχθηκαν προς το παρόν:
Cäk 2: dip-JPB
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
The Bible in Jieeng de Padang © The Bible Society in South Sudan, 2011.