Саалтыр 12
12
1Хуор салайааччытыгар. Давид псалома.
2Хаһааҥҥа диэри, Айыы Тойон?
Букатын умуннуоҥ Эн миигин?
Хаһааҥҥа диэри миигиттэн сирэйгин кистиигин?
3Хаһааҥҥа диэри мин, дууһабар араас сүбэни бэрийэн,
күннэри-түүннэри сүрэхпин кутурҕаҥҥа эмтэрэбин?
Хаһааҥҥа диэри өстөөҕүм үрдүбэр үҥкүүлүүр?
4Көр-иһит миигин, Айыы Тойон Таҥарам!
Өлөр уубар утутума – көрөр харахпын сырдат;
5иннин ыллым ээ диэн, өстөөҕүм миигин сэтэрээбэтин,
бүдүрүйэрбин көрөн, өһөгөйдөөҕүм китиэркээбэтин.
6Эн бигэ тапталгар мин эрэнним;
сүрэҕим, Эйиэхэ өрүһүйтэрэн, үөрүөҕэ.
Миэхэ үтүөнү оҥорбутун иһин,
мин Айыы Тойоҥҥо ыллыаҕым.
Επιλέχθηκαν προς το παρόν:
Саалтыр 12: СБК
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
© Институт перевода Библии, 2008-2022