جٜکَرِيَ 13
13
1«ࢩَلَادٜ مَاجُمْ سَارٜ دَاوُدَ عٜ جٛوطِيࢡٜ ندٜرْ عُرُسَلِيمَ کٜࢡَنْ سٜىٰࢡٛورٜ مَࢡِّتِيندٜ نغَمْ لٛوتُغٛ حَکّٜ عٜ شٛࢡْطُمْ ڢُو؞»
2جَوْمِرَاوٛ حٛنٛوࢡٜ عَسَمَ وِعِ: «سَاعِ مَنْ نَتِّنَنْمِ عِنْطٜ لَبِّ ندٜرْ لٜسْدِ، نغَمْ تَا غٛطّٛ سِڢْتٛرَ طٜ؞ مِنَتِّنَنْ بٛو ڢٜوٛوࢡٜ وِعَنْࢡٜ ࢡٜعَنَّبِعٜنْ عٜ رُوحُ شٛࢡْکِ ندٜرْ لٜسْدِ؞ 3تٛ غٛطّٛ تٛکَّکٜ وَطُغٛ عَنَّبَاکُ، بَابَ مَاکٛ عٜ دَادَ مَاکٛ مبِعَنْ طُعُمْ: سٜيْ عَمَايَ، نغَمْ عَطٛنْ ڢٜوَ بٜى عِنْدٜ جَوْمِرَاوٛ! بَابَ مَاکٛ عٜ دَادَ مَاکٛ نجُوَنْ مٛ يَاکٜ عٛوَطَتَ عَنَّبَاکُ؞ 4سَاعِ مَنْ اَلنَّبِعٜنْ شٜمْتَنْ نغَمْ کٛيْطِ مُوطُمْعٜنْ طِ ࢡٜکٛيْطِ سَاعِ ࢡٜطٛنْ مبَطَ عَنَّبَاکُوجِ مَࢡّٜ؞ ࢡٜمٜىٰتَتَا ࢡٛرْنُغٛ عَلْکِبَّارٜ اَلنَّبِعٜنْ حُووْرَاندٜ بٜى غَاسَ نغَمْ زَمْبَاغٛ يِمْࢡٜ؞ 5کٛو مٛيْ مَࢡّٜ وِعَنْ: نَا مِ اَلنَّبِيجٛ، مِنْ کَمْ مِ دٜمٛووٛ، نغَمْ غٛطّٛ مَرْنِ يَمْ کَ سَاعِ مِ دٜرْکٜ؞ 6تٛ غٛطّٛ ࢨَمِمٛ: عٜ طُمٜ ࢡَتَّجّٜ طٜعٜ دٛوْ وِࢡّٜرٜ مَاطَ؟ ندٜنْ کَمْ عٛجَابٛتٛ: مِنَاوْنَامَ حَا سُودُ وَايٜعٜنْ عَمْ؞»
غٛوتٛ حَا تَتٛ لُتَّنْ
7جَوْمِرَاوٛ حٛنٛوࢡٜ عَسَمَ وِعِ: «عَنْ کَاڢَحِ، عُمَّنَ غَيْنَاکٛ عَمْ، مٛ مِوَطِ طُمْ کُووْدِطِّرَاوٛ عَمْ! مبَرْ غَيْنَاکٛ، ندٜنْ بَالِ شَنغْکِتِتّٛ کٛو تٛيْ ڢُو؞ مِوَيْلِتَنْ جُنغٛ عَمْ، مِڢِيَ ݠَمَرِ#مَتَّ 26:31؛ مَرْکُسْ 14:27؞؞» 8جَوْمِرَاوٛ وِعِ: «ندٜنْ، ندٜرْ لٜسْدِ ڢُو غٜࢡٜ يِمْࢡٜ طِطِ مَايَنْ، سٜيْ يٜࢡْرٜ وٛورٜ تَنْ يٜىٰطَتَ؞ 9مِنَسْتِنَنْ لُتَّنْࢡٜ بٜى يٛنغْکِ ࢡٜعٜ ندٜرْ يِيتٜ نغَمْ لَࢡِّنْغٛ ࢡٜ بَنَ غٛطّٛ لَࢡِّنِرْتَ شَرْدِ؞ مِڢٛونْدَنْ ࢡٜ بَنَ غٛطّٛ لَࢡِّنِرْتَ کَنغّٜىٰرِ؞ ندٜنْ کَدِ ࢡٜتٛرٛتٛ يَمْ، مِنْ بٛو مِجَࢡَنْ تٛرْندٜ مَࢡّٜ؞ مِوِعَنْ: عٛنٛنْ، عٛنْ يِمْࢡٜ عُمَّاتٛورٜ عَمْ؞ کَمْࢡٜ بٛو ࢡٜمبِعَنْ: جَوْمِرَاوٛ وٛنِ اَللَّه عَمِنْ؞»
Επιλέχθηκαν προς το παρόν:
جٜکَرِيَ 13: داَ
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
Fulfulde Bible Ajamiya © Bible Society of Cameroon, 2016.