Δημοφιλή Βιβλικά εδάφια από ROMA 3

Κοινοποίηση

Kaul᷊i u taumata seng nanawo su dosa dang marau bou Mawu Ruata ko sarung mupakasal᷊amati si sire. Kitang watu'u kakindaghi u Mawu Ruata samatang ko mangkate nionggo kere'e, kuteu pukakauhi taumata dingang u Mawu Ruata sau makoa ko mapia, l᷊al᷊enge taumata nil᷊iwiri Kristus Yesus.

himoneu Mawu Ruata mang mupakariadi ngu taumata mupakapia dingang-E, kitang boko taumata mangimang si Yesus Kristus. Mawu Ruata mukoa i'i guna ngu kaul᷊i u taumata ko mangimang si Kristus, watu'u takoae putatintangenge.

Mawu Ruata nanarakang I Kristus Yesus tadeau bou papate-Nge e'e taumata nil᷊iu bou pusansal᷊a boko i sire mangimang si Sie. Mawu Ruata mukoa kere'e tadeau manode u kal᷊aadili-E. Watu'u su tempo nal᷊iu Mawu Ruata seng nusabari su hal᷊i u dosa ngu taumata, hakiu I Sie ta nuhukung i sire. Arawe i'i I Sie nuhukung u dosa tadeau mupakal᷊ahe kal᷊aadili-E. Dingang kere'e I Sie mul᷊ahe u watangeng-E ko nuhino; dang apang taumata ko mangimang si Yesus, nipakal᷊ahe-E kere taumata ko seng sau napia dingang u Mawu Ruata.

Watu'u takoae ko sarang singkatau musul᷊e sarang koa u Mawu Ruata, ual᷊ingu taumata e'e mukoa manga hal᷊i ko ene su l᷊al᷊ung u atorang u agama. Arawe atorang e'e kitang u mul᷊ahe su taumata himoneu taumata ko bardosa.

Musul᷊ung ko kere mawawohe su l᷊al᷊ung u Buki Susi, “Takoae singkatau ko nuhino, takoae singkatau makahingang, dang takoae singkatau ko manumba Mawu Ruata. Kaul᷊i u taumata ko seng nutingkarau watangenge bou Mawu Ruata; kaul᷊ie seng napal᷊iri. Takoae singkatau mukoa ko muhino; sarang singkatau takoae!

Watu'u panginsuenge ko kiri'i. Taumata ko nipakal᷊ahe seng sau mapia dingang u Mawu Ruata, wal᷊inge ual᷊ing i sie nukoa apang ko kawawohe su l᷊al᷊ung u atorang u agama Yahudi, kateho watu'u i sie mangimang si Yesus Kristus.

Tantu ta! Watu'u seng mal᷊ahe Mawu Ruata sintinia mang matul᷊iri, maneng apang taumata mul᷊eo, su l᷊al᷊ung u Buki Susi mawawohe, “Kenangte i kau tatapi ikatitonang ko tingari su apang ko niul᷊iu, dang i kau sarung makauntung su tempo i kau iponesi.”