Δημοφιλή Βιβλικά εδάφια από ROMA 2

Κοινοποίηση

Arawe i kumu manga ana u simbau, i kumu mang mukoa l᷊ai manga apa ko iantang i kumu su taumata ko wal᷊inge! Dang su naung i kumu, i kumu botonge makal᷊iso bou hukumang u Mawu Ruata? Arako i kumu mupakasana u kapia ngu Mawu Ruata l᷊au kal᷊abo u naung dang kasasabari-E ko kere'e kal᷊aboe? Nal᷊ahe i kumu matitong himoneu Mawu Ruata manode kapia ngu naung-E watu'u I Sie mo tadeau i kumu mo mutobati bou kaul᷊i u dosa ngi kumu.

Ual᷊ingu e'e, manga ana u simbau, ko i sai i Kau hakiu i Kau mo mupunsal᷊a ngu taumata ko wal᷊inge? i Kau takoae manga apa guna ngu manatawang watangengu! Watu'u boko i Kau mupunsal᷊a ngu taumata ko wal᷊inge, sumbal᷊i i Kau sisane ngu mukoa hal᷊i ko musul᷊ung i sire, kuteu i Kau nunawo hukumang l᷊ai su watangengu sisane.

Watu'u Mawu Ruata mukoa kaul᷊i u taumata musul᷊ung.

Watu'u taumata ko sau mutingkapia dingang u Mawu Ruata, wal᷊inge ual᷊ingu taumata e'e seng matitong u atorang u agama Yahudi, kateho ual᷊ing i sie mukoa apang ko kawawohe su l᷊al᷊ung u atorang e'e.

Watu'u Mawu Ruata sarung mamal᷊isi apang taumata sintuhu dingang u kakanoae.

Arawe manga taumata ko mangapia watangenge sisane dang mandiri tumuhu su Mawu Ruata, watu'u tumuhu ko dal᷊ai, i sire e'e sarung ihukung u Mawu Ruata.

Kateho timbo i kumu makitihi dang tawe mo muwal᷊u watu'u e'e i kumu sisane nukoa hukumang si kumu kasuenge mabuha su L᷊ou Kiamati, boko Mawu Ruata mupakal᷊ahe u wawal᷊uang-E dingang mupakanawo u hukumang ko maadili.