Salmos 1
1
1Ba neza zrente̱ naca na chee̱ bénnea'
quebe dxezi'e̱ da dxuluzéajni'i benne' we̱n da cale̱la ca' le̱',
ne quebe dxune̱' tuze benne' dul-la ca',
ne quebe dxune̱' tu zren benne' ca' dxelún le̱' chee̱ Dios.
2Zue̱' xel-la' dxebé lawe' da dxuzúe̱' dizra'
da nadxixruj bea Xránadxu,
ne ca naca da nadxixruj bea na,
te zra ne chizrela dxelaba lazre̱' na.
3Benne' nigá naque̱' ca tu xaga zua na dxu'a xe̱gu nisa,
da dxunna na da zixre chee̱ na lu beu' cheé̱queze na,
ne xrlegue na quebe dxase na.
Ca naca da dxun benne' nigá, dxe̱pe ban na.
4Quegá caní zaj naca benne' we̱n da cale̱la ca'.
Zaj naque̱' ca tu xizre laga' da dxua be' bdunu'.
5Quebe xelexegá'ana chawe' benne' we̱n da cale̱la ca'
gate guchi'a Dios chee̱',
ne quebe xelú'u benne' dul-la ca' naga zaj nazraga
benne' xrlátaje ca'.
6Dxezaca ba lazre' Dios ca da dxelún benne' xrlátaje ca'.
Da dxelún benne' we̱n da cale̱la ca'
che̱ na le̱' naga xelebía xi'e̱.
Zur Zeit ausgewählt:
Salmos 1: zat
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© 1981, Wycliffe Bible Translators, Inc. All rights reserved.