Marcos Kjibokwo ëre sorë
Kjibokwo ëre sorë
Domer shäng kjl̈ara ko Marcos. E kowëba Juan Marcos bakoe. E Jesús oppinggaga dogl̈o sak kjwara kjingsho pjök (12) l̈i kjl̈arayo l̇l̇ëme. Gueniyo woyotjl̈ĩkoba ga e l̈an Pedro tjok enido, ga kjimtara Pedrorë kjibokwo ëre të. Woyotjl̈ĩkoba kjrina obi ga Jesús sök kjok ëre kjing go obishko ga Marcos sök Jerusalén kjokyo, ga l̇l̇ëbo shäryara, l̈ara Jesúsdë l̈i ĩna, kura om go.
Jesús wol̈ono, ga woshrara Sbörë iröng obi irgo ga ba tjl̈õkwo kjragaga judío l̇l̇ëm wl̈eniyo l̈öng Roma kjokyo l̈i shdunaba ara, mär l̈öng Jesús go kjĩshko. E kjĩshko ga kong kjibokwo ëre tara Marcosdë, Jesús roy pjl̈ú l̈i miyde l̈ok pjl̈ú wl̈o, epga mär ber l̈öng Jesús go jl̈õkoyo wl̈o.
Jesús öör kjok ëre kjing go, ga l̇l̇ëbo ĩydëba l̇l̇ëm wl̈eniyo shäryara ara nopga ara bokshto sorë l̈i tara ba kong. E shdunaba ara, ga wol̈ono pjang kjl̈ös go sorë l̈i tara ba kong. Gueniyo wol̈ono irgo ga e woshrara Sbörë iröng obi sorë l̈i tara ba kong bakoe. Woyde ga miyde l̈ok kjibokwo ëre go ga Jesús dbo ara, bi moskwo Ä l̈i kjinmo, ga eerishko ga shji kjimte ara.
Zur Zeit ausgewählt:
Marcos Kjibokwo ëre sorë: tfr
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© 2008, Wycliffe Bible Translators, Inc. All rights reserved.