Zakaliya 8
8
Shukulu Kalunga akulaesa kwindula Yelusalema
1Shukulu Kalunga Muka-nzili yoshe wendekele kuli Zakaliya ngwendi, 2“Njishungwiya kukwasa Yelusalema omwo cizemo cange cakama manene ali vanu vaje valimo, cizemo cije canjiluvalesele na vitozi vendi. 3Njikeluka ku Yelusalema, nganda yange yakujela, co njikakala muje. Vakaitumbula nganda ya kulongwa, co lilundu lya Shukulu Kalunga Muka-nzili yoshe vakalitumbula ngwavo lilundu lyakujela. 4Co a simbu ije vene tukulukazi va vanalume na ava va vanakazi, vaje vanakuluvala manene vendela a mikombo, vakatumbama mushandangala ya mu nganda. 5Co vakwenje na vambanda vakakala mu vitapalo nakweelamo.
6“Eci cikapwa ngwe cuma cacikalu ku miyati ya vanu vange vaje vasaleleo, oloni kucikapu cacikalu kuli yange embwe. 7Njikapatula vanu vange ku mafuti kuje kuvavatwalele, 8njikavatundisa mu ngangela na mu kangombe ka yambi ngeci vakukale mu Yelusalema. Vakevo vakapwa vanu vange, nange lalo njikapwa Njambi yavo, njikavashwana na kulongwa na vushunga.
9“Simpeni! Ololo mulinakuziva majwi a cifwa cimo ngwe aje vendekele vaka-kwimanena a simbu ije vajalele luvula lwakutungulula Njuvo yange. 10Te simbu ije kanda icete, naumo wai wakumwine vanu nambe tusitu, co naumo wai wakele mu kwoloka ku vitozi vendi. Cooni njatavele munu woshe kulilwisa umo na mukwavo. 11Oloni ololo kunjesi nakunyanyamesa vanu vaje vanasalao va ku muyati ou. 12Vakakuna vimbuto vyavo mu kwoloka. Co miti yavo ya mikolovozi ya vushuka vwa vinyu ikaima vushuka, livu likakala na vwilo mukutuwisa vimbuto, co kukakala nyonzi yaingi. Vivezikiso vyoshe evi njikavyana kuli vanu va ku muyati wange vaje vanasalao. 13Vanu va mu Yunda na vanu va mu Isalele! Ku san̄ulu vaka-kwija valisingile umo na mukwavo nakwendeka ngwavo, ‘N̄avava ije vene yawililile a Yunda na a Isalele iwile ali yeni.’ Oloni njikamyamena, co vaka-kwija vaje vakendeka kuli umo na mukwavo ngwavo, ‘Tambuleni vivezikiso vya cifwa cimo vije vyakele a Yunda na a Isalele!’ Ngecivene, simpeni kesi muzive lyova.”
14Shukulu Kalunga Muka-nzili yoshe alinakwendeka ngwendi, “Omo vakukulwila veni vanjiluvalesele, co njayongwele kuvalinga mwamuvi, co kunjatengulwile viyongola vyange embwe, oloni njalingile ngwe vene muje njayongwele. 15Oloni ololo njayongola kuvezikisa vanu va mu Yelusalema na mu Yunda. Ngecivene, kesi muzive lyova. 16#Efe 4:25 Evi vikevyo vyuma vimunapande kulinga, endekeni lika vushunga kuli umo na mukwavo. Mu vimbanja sompeni mu vushunga vuje vunena kwoloka. 17Kesi mulitumbile matumbe akulivulumuna umo na mukwavo. Kesi mulisinge omo mwendeka makuli. Njazinda makuli kujeneka vushunga na muuka.”
18Shukulu Kalunga Muka-nzili yoshe walekele Zakaliya majwi awa ngwendi, 19“Kulikela kulya kuje kukakalako ku ngonde yamuciwana, na yamucitanu, na yamucitanu na vivali, na ku ngonde yamulikumi vikapwa viwano vyakujolela nakuvwaelela vya vanu va mu Yunda. Munapande kuzema vushunga na kwoloka.”
20Shukulu Kalunga Muka-nzili yoshe alinakwendeka ngwendi, “Simbu ikaija omo vanu vakatunda ku vinganda vyakama vakaija ku Yelusalema. 21Co vaje vakatunda ku nganda imo vakendeka kuli vaje vakatundu ku nganda ikwavo ngwavo, ‘Yetu tulinakuya nakulemesa Shukulu Kalunga Muka-nzili yoshe nakulombela vivezikiso vyendi. Ijeni tuye amolika netu!’ 22Vanu vavangi na miyati ya vanu va nzili vakaija ku Yelusalema nakulemesa Shukulu Kalunga Muka-nzili yoshe nakulombela vivezikiso vyendi. 23A matangwa aje vaka-kwija likumi vakaija kuli kaYunda umo nakwendeka ngwavo, ‘Tuya amolika nove, omwo tunazivi ngeci Njambi ali amo nove.’ ”
Zur Zeit ausgewählt:
Zakaliya 8: MBB
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
The Bible in Mbunda ©The Bible Society of Zambia, 2006
Zakaliya 8
8
Shukulu Kalunga akulaesa kwindula Yelusalema
1Shukulu Kalunga Muka-nzili yoshe wendekele kuli Zakaliya ngwendi, 2“Njishungwiya kukwasa Yelusalema omwo cizemo cange cakama manene ali vanu vaje valimo, cizemo cije canjiluvalesele na vitozi vendi. 3Njikeluka ku Yelusalema, nganda yange yakujela, co njikakala muje. Vakaitumbula nganda ya kulongwa, co lilundu lya Shukulu Kalunga Muka-nzili yoshe vakalitumbula ngwavo lilundu lyakujela. 4Co a simbu ije vene tukulukazi va vanalume na ava va vanakazi, vaje vanakuluvala manene vendela a mikombo, vakatumbama mushandangala ya mu nganda. 5Co vakwenje na vambanda vakakala mu vitapalo nakweelamo.
6“Eci cikapwa ngwe cuma cacikalu ku miyati ya vanu vange vaje vasaleleo, oloni kucikapu cacikalu kuli yange embwe. 7Njikapatula vanu vange ku mafuti kuje kuvavatwalele, 8njikavatundisa mu ngangela na mu kangombe ka yambi ngeci vakukale mu Yelusalema. Vakevo vakapwa vanu vange, nange lalo njikapwa Njambi yavo, njikavashwana na kulongwa na vushunga.
9“Simpeni! Ololo mulinakuziva majwi a cifwa cimo ngwe aje vendekele vaka-kwimanena a simbu ije vajalele luvula lwakutungulula Njuvo yange. 10Te simbu ije kanda icete, naumo wai wakumwine vanu nambe tusitu, co naumo wai wakele mu kwoloka ku vitozi vendi. Cooni njatavele munu woshe kulilwisa umo na mukwavo. 11Oloni ololo kunjesi nakunyanyamesa vanu vaje vanasalao va ku muyati ou. 12Vakakuna vimbuto vyavo mu kwoloka. Co miti yavo ya mikolovozi ya vushuka vwa vinyu ikaima vushuka, livu likakala na vwilo mukutuwisa vimbuto, co kukakala nyonzi yaingi. Vivezikiso vyoshe evi njikavyana kuli vanu va ku muyati wange vaje vanasalao. 13Vanu va mu Yunda na vanu va mu Isalele! Ku san̄ulu vaka-kwija valisingile umo na mukwavo nakwendeka ngwavo, ‘N̄avava ije vene yawililile a Yunda na a Isalele iwile ali yeni.’ Oloni njikamyamena, co vaka-kwija vaje vakendeka kuli umo na mukwavo ngwavo, ‘Tambuleni vivezikiso vya cifwa cimo vije vyakele a Yunda na a Isalele!’ Ngecivene, simpeni kesi muzive lyova.”
14Shukulu Kalunga Muka-nzili yoshe alinakwendeka ngwendi, “Omo vakukulwila veni vanjiluvalesele, co njayongwele kuvalinga mwamuvi, co kunjatengulwile viyongola vyange embwe, oloni njalingile ngwe vene muje njayongwele. 15Oloni ololo njayongola kuvezikisa vanu va mu Yelusalema na mu Yunda. Ngecivene, kesi muzive lyova. 16#Efe 4:25 Evi vikevyo vyuma vimunapande kulinga, endekeni lika vushunga kuli umo na mukwavo. Mu vimbanja sompeni mu vushunga vuje vunena kwoloka. 17Kesi mulitumbile matumbe akulivulumuna umo na mukwavo. Kesi mulisinge omo mwendeka makuli. Njazinda makuli kujeneka vushunga na muuka.”
18Shukulu Kalunga Muka-nzili yoshe walekele Zakaliya majwi awa ngwendi, 19“Kulikela kulya kuje kukakalako ku ngonde yamuciwana, na yamucitanu, na yamucitanu na vivali, na ku ngonde yamulikumi vikapwa viwano vyakujolela nakuvwaelela vya vanu va mu Yunda. Munapande kuzema vushunga na kwoloka.”
20Shukulu Kalunga Muka-nzili yoshe alinakwendeka ngwendi, “Simbu ikaija omo vanu vakatunda ku vinganda vyakama vakaija ku Yelusalema. 21Co vaje vakatunda ku nganda imo vakendeka kuli vaje vakatundu ku nganda ikwavo ngwavo, ‘Yetu tulinakuya nakulemesa Shukulu Kalunga Muka-nzili yoshe nakulombela vivezikiso vyendi. Ijeni tuye amolika netu!’ 22Vanu vavangi na miyati ya vanu va nzili vakaija ku Yelusalema nakulemesa Shukulu Kalunga Muka-nzili yoshe nakulombela vivezikiso vyendi. 23A matangwa aje vaka-kwija likumi vakaija kuli kaYunda umo nakwendeka ngwavo, ‘Tuya amolika nove, omwo tunazivi ngeci Njambi ali amo nove.’ ”
Zur Zeit ausgewählt:
:
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
The Bible in Mbunda ©The Bible Society of Zambia, 2006