Riw. 10
10
Natap Apiuja̱i̱ tunáa túramu
1Arauna uchirí̱ Natap, Apiuja̱i̱ ni enentái̱ji̱a̱i̱ṉ kuṉkuin Yus áestutai̱niam náṉkamas jinia Yus tsaṉkamkachmia nuja̱i̱ kuṉkuinian yarawar Uunt Yusan áestuawarmiayi. 2Nuna túrawarmatai Úunt Yusai̱ya̱ ji iniantar áesawarmiayi. Uunt Yus íimmianum tu jákarmiayi. 3Nuyá̱ Muisais Araunan chicharuk “Uunt Yus jú̱nis chichaak
‘Winí̱ weamainia núnaka tunaarinchaitjiana ju̱na iniaktustatjai.
Tura ashí aentsnum arantúkar shiir awajsamu átiniaitjiai’
tíniuiti” tutai peṉké áimkiachmiayi. 4Nuyá̱ Muisais Arauna kaná aparí̱ Usaera uchirí̱n Misaíran, Irsapánan untsukar chicharainiak “Winirum atumí shuari̱ Yus Shiir Awajtai̱ Je̱a̱ wáitiri̱ya̱ jusatarum. Túrarum matsamkamunmaya̱ arant jukitiarum” tímiayi.
5Muisais timia nuja̱i̱ métek weriar ní entsarmari̱ji̱a̱i̱ṉ penuarar matsamkamunmaya̱ arant júkiarmiayi.
Yúsnan pujurin umiktin
6Nuya̱sha Muisais Araunan ni uchirí̱ji̱a̱i̱ Iriasáran Itiamárja̱i̱ chicharainiak “Atumsha jáka̱i̱rum tura ashí Israer shuarnasha Yus kajerak asutiáwara̱i̱ṉ tusarum atumí shuari̱ jákaru enentáimtusrum kúntuts nekapeakrum atumí pushiri̱ já̱a̱kairap tura susuntrarmesha pujusairap. Antsu Natap Apiuja̱i̱ tunáa túrawarmatai Uunt Yus jinia akuptuk áesawarainia nui̱ṉkia aya Israer shuarak ashí úttiartatui. 7Tura átumka Yusna ártí tusar asuitiji̱a̱i̱ ukatkámu asarum Uunt Yus Shiir Awajtai̱ Je̱e̱nia̱ jeachat weerap, jáka̱i̱rum” tutai Muisais timia nuja̱i̱ métek umikiarmiayi. 8Nuyá̱ Uunt Yus Araunan chicharuk 9“Ameksha tura ame uchirmeksha ámiji̱a̱i̱ jáka̱i̱rum tusarum Yus Shiir Awajtai̱ Je̱e̱n waya̱tin asarum wíniusha tura awartiusha umarchattarme. Tura ju̱ka tuke túratin akupkámu asamtai atumí tiraṉki̱sha núnaka tuke túrin ártatui. 10Yusna tura Yúsnachu ainia nu núnisaṉ imiatkímpra tura imiatkincha nekaattarme. 11Túrarum Israer shuar ainia nu ashí akupkámu Uunt Yus Muisaisan timia nu jintintiáttarme” tímiayi.#10:11 Riw. 10:12-20 Shuar chichamnum yapaji̱áchmaiti.
Zur Zeit ausgewählt:
Riw. 10: jiv
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
©2009 Avant Ministries in cooperation with Wycliffe Bible Translators, Inc. All rights reserved.
