Deuteronomio 9
9
Chiga israendeccuma fuite'je'cho
1“¡Israendeccu, ñama paña'faja! Tayo tsu Jordánma iseya'cho nepi. Isepa qui que'ima ti'tsse quin'anma, ti'tsse injan'on aindeccuma patsuye ashaen'faya. Tise'pa rande canqquema'qque sefa'tssia ttuccui'ccu ttu'cho canqquema qui osuiamba patsu'faya. 2Tsa canqqueni can'jensundeccu tsu tayopi'su Anac dutssiyendeqquia'caen dyo'jinma bia'a aindeccu. Nane Anacja dyo'jin'onsi tsu a'ija su'fa, ‘Majañi'qque tsu Anac dutssiyendeccui'ccuja iyicco'faya'bi.’
3“Tsa'ma ñotsse in'jan'faja: Na'su que'i Chiga tsu si'nge anchandaqquia'caen que'ima o'tie jayipa tsa aindeccuma patsupa nepiaña. Nane Na'su suqquia'caen qui junde tsa aindeccuma joqquitssiamba nepian'faya. 4Na'su que'i Chiga tsa'caen que'i'ccu va faesu canqque'su aindeccuma joqquitssiansi tisu injama'choni qquen su'fajama: ‘Ingija ñotssisi tsu Na'su Chigaja ingima fuite va andema patsuye.’ Nane tsa ande'su aindeccu egae tsinconsi tsu Na'su Chigaja tise'pama patsupa joqquitssian.”
Zur Zeit ausgewählt:
Deuteronomio 9: con
Markierung
Teilen
Vergleichen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© 1998, Wycliffe Bible Translators, Inc. All rights reserved.