माथ ओपोरोम
ओपोरोम
माथाय भागे सोमबात दो नावाँ निया़म रेयाक् पोनया पुथिको मोद खोन मित्टेन पुथि काना। ओकाटाक् दो जिसु मा़सियाक् जियोन रेयाक् बिबोरोने एमेत् काना। नोवाको जोतो दो भागे सोमबातको मेतात्काना, नोवा रेयाक् माने दो रा़सका़ रेयाक् सोमबात काना, नोवा पुथि दो जिसुवाक् गुजुक् तायोम माथाय, मा़रकुस, लुक आर जोहान ताकोको ओलआकात्आ। माथाय रेयाक् पुथि दो तिसरे ओलआकाना मेनते आ़किलान होड़को खा़टि काथा दो बाको बाडाया, मेनखान होय दाड़ेयाक्आ मा़सियाक् जोनोम खोन ६० बोछोर तायोम ओलआकाना मेनतेको ओनमानेत् काना। नोवा दो ओकारे ओलआकाना मेनकाते हों इका़ट काथा दो बाको बाडाया, मेनखान आयमा होड़ाक् मेन दो काना पा़लिसतिनरे, हुइ दाड़ेयाक्आ जेरुसालेम नागराहारेगे ओलआकाना मेनतेको ओनमानेत् काना। नोवा पुथिरेन ओलोक्इच् दो माथाय कानाय। उनि दो जिसु मा़सि चेला होयोक् ला़गित् होहोवाय खोन लाहा मा़सुल उठा़विच्ए ताहेंकाना। उनि दो लेवि ञुतुमतेये बाडायोक्कान ताहेंकाना। माथाय दो गेलबार आपोसतोलको मोदखोन मित्टेने ताहेंकाना, उनि दो नोवा पुथि जिहुदिकोको पाड़हावा मेनतेए ओलआकात् ताहेंकाना। नोवा दो मारे निया़म रेयाक् 60 गोटेन खोन बा़ड़ति काथाकोते बुजहा़उ दाड़ेयाक्आ। उनि दो नोवाय बाडाय ओचोयेत्कोवा जे जिसु मा़सिगे बाबाञचाविच् कानाय, इसोर बाबा होतेतेये बाछाव ओचोवाकान बाबाञचाविच् कानाय मेनते ना़बिआकात् ताहेंकाना। माथाय दो इसोराक् राज बाबोतरे आयमा काथाकोय ओलआकात्आ। जिहुदिको दो मा़सि दो दिसोम चालाविच् राज मेनकातेको आस आकान ताहेंकाना। माथाय दो ओना पा़तिया़उ रेयाक् लाड़हा़इरे इसोराक् जिउवानाक् राज रेयाक् बेवरा एमोक् रेयाक् खास धेयाने एमआकादा।
माथाय पुथि दो नावाँ निया़म एतोहोप् ला़गित् लेकमान पुथि काना, एनते मारे निया़म पुथि तुलुच् नोड़जोड़ मेनाक्आ। एनते नोवारे मारे निया़म तुलुच् आयमा पानते काथा मेनाक्आ। नोवाते मारे निया़म आर नावाँ निया़मे जोड़ावेत्काना। तिना़क् आ़किलानको दो माथाय दो मारे निया़म रेयाक् मोसे बाबोत रेयाक् पुथि पाँजा ला़गित् सोलहाय एमोक् काना, नोवारे मोंड़ें गोटेन पुथि मेनाक्आ। जिसुवाक् बुरु बिनति काथा (हा़टिञ 5-7) रे इसोर बाबा दो मोसे आ़न आ़रि काथाय (देउतरोनोमि १९:३—२३:३३) एमादे सोङगे बोन तुला़जोखा दाड़ेयाक्आ।
मेनाक्आक् रेयाक् गुटतेत्
माथाय दो जिसु मा़सियाक् जानाम आर उनियाक् का़मिको रेयाक् एतोहोप् हा़टिञ 1-4 रे बेवराये एमआकादा।
ओना तायोम उनि दो जिसुवाक् का़मि आर आयमा चेचेत्आक्को हा़टिञ 5-25 रे मेनाक्आ।
माथाय रेयाक् मुचा़त् हा़टिञरे जिसुवाक् का़मिको रेयाक् आसोलाक् उनियाक् गुजुक् आर जिवेत् बेरेदोक् हा़टिञ 26-28 रे सामटाव आकाना।
Zur Zeit ausgewählt:
माथ ओपोरोम: NTSPt25
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
The New Testament Books in Santhali Language © The Word for the World International and Santhali Translation Project, Nepal, 2025