Лука Киирилде
Киирилде
Христиан чаңчыл ёзугаар бо номнуң автору – эмчи мергежилдиг Лука, Павел элчинниң орукка кады чораан эштериниң бирээзи (Кол. 4:14 көр). Ол Чаа Чагыг-керээже кирген номнарның еврей эвес кара чаңгыс автору. Лука боду Иисустуң амыдыралын көрбээн кижи турган чадавас. Ынчангаш ол херечилерден айтыртынгаш, Христостуң амыдыралы болгаш ажыл-херектериниң дугайында янзы-бүрү чугааларны номчукчуларга каттыштырып чыып бээрин аажок хынамчалыы-биле оралдашкан. Лука Иисустуң амыдыралының тодаргай болган чүүлдерин ол үениң төөгүлүг болуушкуннарынга хамаарыштыр көрүп турар. Ооң-биле ол христиан бүзүрелдиң быжыг төөгүлүг үндезиннеринче айтып, Христостуң чер кырынга амыдыралының төөгүзү бүгү кижи төрелгетенниң төөгүзүнүң кезээ апарганын онзалап демдеглээн.
Лука ядыылар болгаш ниитилелге кагдырган улус дээш Бурганның сагыш салыышкынынче болгаш Христоска дузалажып турган херээжен улустуң ужур-дузазынче онза кичээнгей салган. Ол ышкаш Бурганның Чагыргазынче кирери өске чоннар улузунга-даа ажык дээрзин база чугулалап айыткан. Номунда ол оон ыңай христиан чүдүлгеде өөрүшкү, мөргүл болгаш Ыдыктыг Сүлдениң чугулазын онзалап демдеглеп турар.
Лука «Элчиннерниң ажыл-чорудулгазы» деп номнуң база автору. Ында ол христиан ниитилелдиң Иисус дээрже көдүрлүп үне берген соонда сайзыралының дугайында чугаалап турар.
Zur Zeit ausgewählt:
Лука Киирилде: Ы.Б.2025
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© Институт перевода Библии, 2025