Ажыл-чорудулга Киирилде
Киирилде
Христиан чаңчыл ёзугаар бо номну бижээн кижи – Павел элчинниң орукка кады чораан эжи, үшкү Буянныг Медээниң автору Лука деп санап турар.
Номнуң бирги кезээнде (1–8 эгелер) Христостуң элчиннериниң суртаалының ачызында Иерусалимде, Иудея болгаш Самарияда христианнар бөлүүнүң баштайгы өзүлдезиниң дугайында чугаалап турар (бистиң эраның 30 чылдары). Ийиги кезээнде (9–28 эгелер) еврей чоннуң төрээн чериниң кызыгаарындан дашкаар грек культураның төптеринге база мырыңай Рим хоорайга чедир Буянныг Медээниң канчаар нептереп турганын тоожуп турар. Иерусалимге Иисуска бүзүрээннерже Беженги хүнде дүжүп келген Ыдыктыг Сүлде оон ыңай тодарадып бижээн бүгү болуушкуннар үезинде христиан ниитилелди эдертирин база быжыктырарын уламчылаан.
Ол үеде (б. э. 40-60 чч.) өске чоннарга христиан шажынның кол суртаалчызы Павел турган. Ол ооң мурнунда христиан чүдүлгеге аажок удурланып-даа турган болза, Христос Павелге көзүлген соонда, Аңаа бүзүрей берген. Павел амгы үеде Кипр, Турция болгаш Греция дээр чурттарның девискээрлеринге аян-чоруктар кылып, Христостуң дугайында суртаалдап чораан.
Ном Павелди Римге тудуп хоругдааны-биле төнүп турар. Эрте-бурунгу христиан төөгүчүлернии-биле, Павел суд соонда хосталып үнгеш, Римниң барыын талазында чурттарга Буянныг Медээни суртаалдаарын уламчылаан. Ындыг-даа болза, элээн каш чыл эрткенде, рим эрге-чагырга ону катап база кара-бажыңнап алгаш, христиан чүдүлгени ажыы-биле хүлээп алганы дээш, ол удаада шаажылап каан. Ындыг-даа болза, Павелдиң болгаш өске-даа элчиннерниң үндезилеп тургусканы христиан ниитилелдер өзүп быжыгып, чаа черлерге тарап нептерээрин уламчылаан.
Zur Zeit ausgewählt:
Ажыл-чорудулга Киирилде: Ы.Б.2025
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© Институт перевода Библии, 2025