Ажыл-чорудулга 13
13
Варнава биле Савлдың бараан болуушкуну
1 # Аж.-ч. 11:27 || Аж.-ч. 4:36; 11:22 || Лк. 3:1Антиохияның христиан ниитилелинге Бурганның медээчилери болгаш башкылар: Варнава, Нигер деп өске ады база бар Симеон, Киринея чурттуг Луций, Ирод чагырыкчы-биле кады кижизиттирип өскен Манаил болгаш Савл олар турганнар. 2# Лк. 2:37 || Рим. 1:1; Гал. 1:15Олар Дээрги-Чаяакчыга бараан болуп база шээрленип турда, Ыдыктыг Сүлде мынча дээн: «Варнава биле Савлды меңээ аңгылап бериңер, Мээң оларны кылзын деп айытканым ажыл-херээнче барзыннар». 3Медээчилер болгаш башкылар ынчан шээрленип, мөргүп алгаш, Варнава биле Савлга холдарын дээскеш, оларны чорудупканнар.
Кипрге суртаал
4Ыдыктыг Сүлдениң айбылап чорутканы ийи элчин Селевкияже бада бергеш, оортан Кипр ортулукче эжиндирип чорупканнар. 5# Аж.-ч. 12:12; 15:37; Кол. 4:10Олар Саламин хоорайга келгеш, аңаа иудей синагогаларга Бурганның медээзин суртаалдааннар. Иоанн Марк база олар-биле кады чоруп, дузалап турган.
6 # Мф. 7:15Олар ортулукту өттүр эрткеш, Паф хоорайга келгеннер. Аңаа оларга караң көрнүр еврей, меге медээчи Вариисус таваржы берген. 7Ол Римден томуйлаан ортулук чагырыкчызы Сергий Павелдиң чоок кижизи турган. Чагырыкчы угаанныг кижи болган. Ол Бурганның медээзин дыңнаксааш, Варнава биле Савлды келдиртип алган. 8Ынчалза-даа Элима#13:8 Элима – 6-гы домакта Вариисус (арамей дылда «Иисустуң оглу» дээни ол) деп адап турар ол-ла кижи. (ол атты очулдурарга, «Караң көрнүр кижи» дээн уткалыг) чагырыкчыны бүзүрелден астыктырар дээш кызып турган. 9# Аж.-ч. 4:8; 6:10Савл (ооң Павел деп ады база бар турган) ынчан Ыдыктыг Сүлдеге бүргедипкеш, Элимаже топтап көргеш, мынча дээн: 10«Эй, кара сагыжы, бузуду бажын ашкан хей, эрликтиң оглу, бүгү-ле буянныг чоруктуң дайзыны! Дээрги-Чаяакчының шын оруктарындан улусту астыктырарын черле соксавас сен бе? 11Дыңнап көр, Дээрги-Чаяакчының холу сенче көдүрүлген-дир, ам согурара бергеш, элээн үеде хүн чырыы көрбес сен». Ол дораан дүмбей караңгы Элиманы хөме аптарга, ол оруун баштап бээр кижи дилеп, ыңай-бээр кылаштап эгелээн. 12Болган чүүлдү көргеш, Дээрги-Чаяакчының өөредиин кайгап-хараан чагырыкчы бүзүрей берген.
Павел биле Варнава Асияда
13 # Аж.-ч. 15:38Павел болгаш ону эдерген улус Пафтан эжиндирип чоруткаш, Памфилияның черинге эрикче дүшкеш, Пергия хоорайга келгеннер. Аңаа Иоанн Марк олар-биле чарылгаш, Иерусалимче чана берген. 14А олар Пергиядан оруун уламчылап үнгеш, Писидияда Антиохия хоорайга чедип келгеш, амыр-дыш хүнүнде синагогаже кирип, аңаа олуруп алганнар. 15# Лк. 8:41; Аж.-ч. 18:8Моисейниң хоойлузу болгаш медээчилерниң номнарындан номчулгалар кылган соонда, синагога даргалары оларга мындыг сөс дамчыткан: «Ха-дуңма, силерде чонну быжыктырар медээ бар болза, чугаалап көрүңер».
16Павел ынчан туруп келгеш, чүве чугаалаар дээнин холу-биле айыткаш, мынча дээн: «Израиль чон база Бурганга мөгеер өске улус, мени дыңнаңар! 17# Хост. 1:7; 12:51Бо израиль чоннуң Бурганы бистиң өгбелеривисти шилип алган. Бистиң чонувус Египетке чурттап турда, Бурган оларны өстүрүп-көвүдеткеш, Бодунуң холунуң күжү-биле ол чурттан үндүре берген. 18# Хост. 16:35; Ыд. ыр. 94:10 || Ы. х. к. 9:7Дөртен хире чыл дургузунда Ол ээн кургаг ховуга оларны шыдажып келген#13:18 Өске бурунгу сөзүглелдерде «Шыдажып келген» эвес, а «Сагыш човап келген» деп бижээн.. 19-20# Ы. х. к. 7:1 || Иис. 14:1 || Башт. 2:16; 3:9; 1 Хаан. 12:11Бурган Ханаанга чеди аңгы өске чонну хыдып каапкаш, оларның черин израиль чонга 450 чыл иштинде өнчү кылдыр берип каан. Оон Самуил медээчиниң үезинге чедир Бурган оларга баштыңчылар берип келген#13:19-20 Өске бурунгу сөзүглелдерде «Ооң соонда Самуил медээчиниң үезинге чедир Бурган оларга 450 чыл дургузунда баштыңчылар берип келген» деп бижээн.. 21# 1 Хаан. 8:5 || 1 Хаан. 9:1; 10:1; 13:1Ооң соонда чон бодунга хаандан бээрин дилээрге, Бурган оларга Вениаминниң аймаандан үнген Кистиң оглу Саулду берген. Саул дөртен чыл чагырган. 22# 1 Хаан. 15:23 || 1 Хаан. 13:14; Ыд. ыр. 88:20-21; Иса. 44:28Оон Бурган ону дүжүлгеден дүжүргеш, оларга хаан кылдыр Давидти берген. Ол дугайында Бурган: „Мээң сеткилимге кирер кижини – Иессейниң оглу Давидти тып алдым. Ол Мээң күзел-соруумну күүседир“ – деп херечилээн. 23А Бурган, Бодунуң аазааны дег, Израильге Давидтен укталган Камгалакчы Иисусту хайырлаан.
24 # Лк. 3:3Иисустуң чедип кээриниң бетинде, Иоанн бүгү израиль чонга бачыттарын миннип, Бурганче ээлгениниң бадыткалы кылдыр оларның сугже суктурар ужурлуун суртаалдап турган. 25# Лк. 3:16; Ин. 1:20, 27Бодунга даандырган ажыл-херекти төндүрүп тура, Иоанн мынча дээн: „Силер мени кым деп бодап тур силер? Чок, манап турар Кижиңер эвес-тир мен. Ол мээң соомда кээр, а мен Ооң идииниң шидиишкинин безин чежеринге төлеп чок мен“.
26Ха-дуңма, Авраамның салгакчылары база силерниң араңарда Бурганга мөгеер өске улус! Бисче камгалалдың бо медээзин чоруткан-дыр! 27# Аж.-ч. 3:17 || Лк. 24:26-27Иерусалимниң чурттакчылары болгаш оларның даргалары Иисусту танывайн баргаш, шиидип каан. Амыр-дыш хүнү кээрге-ле, номчуп турар медээчилерниң номнарында сөстерни ындыг янзылыг боттандырганы ол. 28# Лк. 23:23Иисусту өлүмге шиитки дег, кандыг-даа буруу Оон тыппаан-даа болза, олар Пилаттан Ону өлүрерин дилеп турганнар. 29# Лк. 23:53Ооң дугайында Бижилгеде баш бурунгаар чугаалаан бүгү чүвени боттандырган соонда, олар Иисусту шаажылал ыяжындан дүжүргеш, чевег-куйга салып кааннар. 30# Лк. 24:6Ынчалза-даа Бурган Ону өлүглер аразындан катап диргизиптерге, 31# Аж.-ч. 1:3 || Лк. 24:48ол бүгүнүң мурнунда Ооң-биле кады Галилеядан Иерусалимге келген улуска Иисус хөй хүннер дургузунда чедип кээп турган. Ам олар – израиль чоннуң мурнунга Ооң херечилери-дир.
32-33 # Ыд. ыр. 2:7; Евр. 1:5; 5:5Бурган бистиң өгбелеривиске берген аазаашкынын оларның ажы-төлү болур биске, Иисусту катап диргискеш, күүсеткен деп турар Буянныг Медээни силерге медеглээнивис бо. Ол дугайында ийиги Ыдыктыг ырыда мынчаар бижээн: „Сен – Мээң Оглум сен, Мен бөгүн Сээң Адаң апардым!“ 34# Рим. 6:9 || Иса. 55:3Ооң мага-боду кажан-даа иривезин дээш, Иисусту өлүглер аразындан катап диргискениниң дугайында Бурган мынчаар чугаалаан: „Мен силерге Давидке аазааным ыдыктыг база ынаныштыг ачы-буянымны бээр мен“. 35# Ыд. ыр. 15:10; Аж.-ч. 2:27Өске Ыдыктыг ырыда Ол мынча дээн: „Сеңээ бердинген Чалчаңның ирий бээрин болдурбас сен“.
36 # 3 Хаан. 2:10; Аж.-ч. 2:29Давид бодунуң үезинде Бурганның күзел-соруун чогудуп, бараан болуп турган, оон мөчээн. Ону ооң өгбелери-биле кады хөөржүдүп каан, ооң мага-боду ирий берген. 37А Бурганның катап диргискен Кижизи ириишкинден чайлаан! 38# Мф. 1:21; 1 Ин. 2:12Ынчангаш, ха-дуңма, Иисус Христосту дамчыштыр бачыттарыңарны өршээрин медеглеп тур бис, ону билип ап көрүңер. 39# Рим. 3:20; Гал. 2:16; 3:11 || Иса. 53:11; Рим. 3:28Бүзүрээн кижи бүрүзү Моисейниң хоойлузун ёзугаар агартынып шыдавазыңар бүгү чүве дээш Иисус Христостуң ачызында агартыышкын алыр. 40-41# Авв. 1:5Медээчилерниң:
„Шоодукчулар, кичээниңер! Кайгап-хараңар база өлүп чиде бериңер. Чүге дээрге улустан дыңнааш-даа, бүзүревейн баар чүүлүңерни чурттап чоруур үеңерде бүдүрер мен“
– деп чугаазын ёзугаар болур бүгү чүве силер-биле болу бээринден кичээниңер!»
42Павел биле Варнава синагогадан чоруп турда, дараазында амыр-дыш хүнүнде база-ла ол дугайында чугаалап бээрин улус#13:42 Өске бурунгу сөзүглелдерде «Улус» эвес, а «Өске чоннар улузу» деп бижээн. олардан дилээн. 43# Аж.-ч. 2:11; 6:5Чыыш тараан соонда, хөй иудейлер база Бурганга мөгеер прозелиттер Павел биле Варнаваны эдерип чорупканнар. А олар улус-биле чугаалажып, Бурганның авыралынга артып каарын оларга бүзүредип турганнар.
44Дараазында амыр-дыш хүнүнде Дээрги-Чаяакчының медээзин дыңнаар дээш, барык бүдүн хоорай чыглып келген. 45# Аж.-ч. 5:17Ынча хөй чон көргеш, иудейлерниң ишти ирип, Павелдиң чугаалап турар чүвезинге удурланып, ону бак сөглей бергеннер. 46# Аж.-ч. 4:30; Эф. 6:19 || Мф. 10:11; 22:8; Ажыд. 3:4 || Мк. 12:9; Аж.-ч. 18:6Павел биле Варнава ынчан дидими-биле мынча дээн: «Бурганның медээзин бир дугаар ээлчегде силерге суртаалдаар ужурлуг бис. Ынчалза-даа силер ону хүлээп көрбейн баргаш, боттарыңарны мөңге амыдыралга төлеп чок кылып турар болганыңарда, ам ол медээни өске чоннар улузунга медеглээр бис. 47# Иса. 49:6; Аж.-ч. 26:23Чүге дээрге Дээрги-Чаяакчының биске берген айтыышкыны ындыг-дыр:
„Камгалалым чер-делегейниң ужу-кыдыынга четсин дээш, Мен Сени бүгү чоннарга чырык кылып кагдым“».
48Ону дыңнааш, өске чоннар улузу өөрүп-байырлап, Дээрги-Чаяакчының медээзин алдаржыдып турганнар. Мөңге амыдыралга баш бурунгаар шилиттинген бүгү улус бүзүрей берген. 49Дээрги-Чаяакчының медээзи ол черни бир кылдыр нептерээн. 50# 1 Фес. 2:15Ындыг-даа болза, иудей чүдүлге хүлээп алган алдар-хүндүлүг херээжен улус болгаш хоорай даргалары иудейлерге күткүттүргеш, Павел биле Варнаваны истеп сүрүп эгелээш, оларны ол черден үндүр ойладыпканнар. 51# Мф. 10:14; Мк. 6:11; Лк. 9:5Элчиннер ынчан ол улуска удур херечилел кылдыр буттарының довураан кактапкаш, Икония хоорайже чоруй барганнар. 52# Аж.-ч. 2:4; 4:31А бүзүрээннер өөрүшкүге база Ыдыктыг Сүлдеге бүргеткен турганнар.
Zur Zeit ausgewählt:
Ажыл-чорудулга 13: Ы.Б.2025
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© Институт перевода Библии, 2025
Ажыл-чорудулга 13
13
Варнава биле Савлдың бараан болуушкуну
1 # Аж.-ч. 11:27 || Аж.-ч. 4:36; 11:22 || Лк. 3:1Антиохияның христиан ниитилелинге Бурганның медээчилери болгаш башкылар: Варнава, Нигер деп өске ады база бар Симеон, Киринея чурттуг Луций, Ирод чагырыкчы-биле кады кижизиттирип өскен Манаил болгаш Савл олар турганнар. 2# Лк. 2:37 || Рим. 1:1; Гал. 1:15Олар Дээрги-Чаяакчыга бараан болуп база шээрленип турда, Ыдыктыг Сүлде мынча дээн: «Варнава биле Савлды меңээ аңгылап бериңер, Мээң оларны кылзын деп айытканым ажыл-херээнче барзыннар». 3Медээчилер болгаш башкылар ынчан шээрленип, мөргүп алгаш, Варнава биле Савлга холдарын дээскеш, оларны чорудупканнар.
Кипрге суртаал
4Ыдыктыг Сүлдениң айбылап чорутканы ийи элчин Селевкияже бада бергеш, оортан Кипр ортулукче эжиндирип чорупканнар. 5# Аж.-ч. 12:12; 15:37; Кол. 4:10Олар Саламин хоорайга келгеш, аңаа иудей синагогаларга Бурганның медээзин суртаалдааннар. Иоанн Марк база олар-биле кады чоруп, дузалап турган.
6 # Мф. 7:15Олар ортулукту өттүр эрткеш, Паф хоорайга келгеннер. Аңаа оларга караң көрнүр еврей, меге медээчи Вариисус таваржы берген. 7Ол Римден томуйлаан ортулук чагырыкчызы Сергий Павелдиң чоок кижизи турган. Чагырыкчы угаанныг кижи болган. Ол Бурганның медээзин дыңнаксааш, Варнава биле Савлды келдиртип алган. 8Ынчалза-даа Элима#13:8 Элима – 6-гы домакта Вариисус (арамей дылда «Иисустуң оглу» дээни ол) деп адап турар ол-ла кижи. (ол атты очулдурарга, «Караң көрнүр кижи» дээн уткалыг) чагырыкчыны бүзүрелден астыктырар дээш кызып турган. 9# Аж.-ч. 4:8; 6:10Савл (ооң Павел деп ады база бар турган) ынчан Ыдыктыг Сүлдеге бүргедипкеш, Элимаже топтап көргеш, мынча дээн: 10«Эй, кара сагыжы, бузуду бажын ашкан хей, эрликтиң оглу, бүгү-ле буянныг чоруктуң дайзыны! Дээрги-Чаяакчының шын оруктарындан улусту астыктырарын черле соксавас сен бе? 11Дыңнап көр, Дээрги-Чаяакчының холу сенче көдүрүлген-дир, ам согурара бергеш, элээн үеде хүн чырыы көрбес сен». Ол дораан дүмбей караңгы Элиманы хөме аптарга, ол оруун баштап бээр кижи дилеп, ыңай-бээр кылаштап эгелээн. 12Болган чүүлдү көргеш, Дээрги-Чаяакчының өөредиин кайгап-хараан чагырыкчы бүзүрей берген.
Павел биле Варнава Асияда
13 # Аж.-ч. 15:38Павел болгаш ону эдерген улус Пафтан эжиндирип чоруткаш, Памфилияның черинге эрикче дүшкеш, Пергия хоорайга келгеннер. Аңаа Иоанн Марк олар-биле чарылгаш, Иерусалимче чана берген. 14А олар Пергиядан оруун уламчылап үнгеш, Писидияда Антиохия хоорайга чедип келгеш, амыр-дыш хүнүнде синагогаже кирип, аңаа олуруп алганнар. 15# Лк. 8:41; Аж.-ч. 18:8Моисейниң хоойлузу болгаш медээчилерниң номнарындан номчулгалар кылган соонда, синагога даргалары оларга мындыг сөс дамчыткан: «Ха-дуңма, силерде чонну быжыктырар медээ бар болза, чугаалап көрүңер».
16Павел ынчан туруп келгеш, чүве чугаалаар дээнин холу-биле айыткаш, мынча дээн: «Израиль чон база Бурганга мөгеер өске улус, мени дыңнаңар! 17# Хост. 1:7; 12:51Бо израиль чоннуң Бурганы бистиң өгбелеривисти шилип алган. Бистиң чонувус Египетке чурттап турда, Бурган оларны өстүрүп-көвүдеткеш, Бодунуң холунуң күжү-биле ол чурттан үндүре берген. 18# Хост. 16:35; Ыд. ыр. 94:10 || Ы. х. к. 9:7Дөртен хире чыл дургузунда Ол ээн кургаг ховуга оларны шыдажып келген#13:18 Өске бурунгу сөзүглелдерде «Шыдажып келген» эвес, а «Сагыш човап келген» деп бижээн.. 19-20# Ы. х. к. 7:1 || Иис. 14:1 || Башт. 2:16; 3:9; 1 Хаан. 12:11Бурган Ханаанга чеди аңгы өске чонну хыдып каапкаш, оларның черин израиль чонга 450 чыл иштинде өнчү кылдыр берип каан. Оон Самуил медээчиниң үезинге чедир Бурган оларга баштыңчылар берип келген#13:19-20 Өске бурунгу сөзүглелдерде «Ооң соонда Самуил медээчиниң үезинге чедир Бурган оларга 450 чыл дургузунда баштыңчылар берип келген» деп бижээн.. 21# 1 Хаан. 8:5 || 1 Хаан. 9:1; 10:1; 13:1Ооң соонда чон бодунга хаандан бээрин дилээрге, Бурган оларга Вениаминниң аймаандан үнген Кистиң оглу Саулду берген. Саул дөртен чыл чагырган. 22# 1 Хаан. 15:23 || 1 Хаан. 13:14; Ыд. ыр. 88:20-21; Иса. 44:28Оон Бурган ону дүжүлгеден дүжүргеш, оларга хаан кылдыр Давидти берген. Ол дугайында Бурган: „Мээң сеткилимге кирер кижини – Иессейниң оглу Давидти тып алдым. Ол Мээң күзел-соруумну күүседир“ – деп херечилээн. 23А Бурган, Бодунуң аазааны дег, Израильге Давидтен укталган Камгалакчы Иисусту хайырлаан.
24 # Лк. 3:3Иисустуң чедип кээриниң бетинде, Иоанн бүгү израиль чонга бачыттарын миннип, Бурганче ээлгениниң бадыткалы кылдыр оларның сугже суктурар ужурлуун суртаалдап турган. 25# Лк. 3:16; Ин. 1:20, 27Бодунга даандырган ажыл-херекти төндүрүп тура, Иоанн мынча дээн: „Силер мени кым деп бодап тур силер? Чок, манап турар Кижиңер эвес-тир мен. Ол мээң соомда кээр, а мен Ооң идииниң шидиишкинин безин чежеринге төлеп чок мен“.
26Ха-дуңма, Авраамның салгакчылары база силерниң араңарда Бурганга мөгеер өске улус! Бисче камгалалдың бо медээзин чоруткан-дыр! 27# Аж.-ч. 3:17 || Лк. 24:26-27Иерусалимниң чурттакчылары болгаш оларның даргалары Иисусту танывайн баргаш, шиидип каан. Амыр-дыш хүнү кээрге-ле, номчуп турар медээчилерниң номнарында сөстерни ындыг янзылыг боттандырганы ол. 28# Лк. 23:23Иисусту өлүмге шиитки дег, кандыг-даа буруу Оон тыппаан-даа болза, олар Пилаттан Ону өлүрерин дилеп турганнар. 29# Лк. 23:53Ооң дугайында Бижилгеде баш бурунгаар чугаалаан бүгү чүвени боттандырган соонда, олар Иисусту шаажылал ыяжындан дүжүргеш, чевег-куйга салып кааннар. 30# Лк. 24:6Ынчалза-даа Бурган Ону өлүглер аразындан катап диргизиптерге, 31# Аж.-ч. 1:3 || Лк. 24:48ол бүгүнүң мурнунда Ооң-биле кады Галилеядан Иерусалимге келген улуска Иисус хөй хүннер дургузунда чедип кээп турган. Ам олар – израиль чоннуң мурнунга Ооң херечилери-дир.
32-33 # Ыд. ыр. 2:7; Евр. 1:5; 5:5Бурган бистиң өгбелеривиске берген аазаашкынын оларның ажы-төлү болур биске, Иисусту катап диргискеш, күүсеткен деп турар Буянныг Медээни силерге медеглээнивис бо. Ол дугайында ийиги Ыдыктыг ырыда мынчаар бижээн: „Сен – Мээң Оглум сен, Мен бөгүн Сээң Адаң апардым!“ 34# Рим. 6:9 || Иса. 55:3Ооң мага-боду кажан-даа иривезин дээш, Иисусту өлүглер аразындан катап диргискениниң дугайында Бурган мынчаар чугаалаан: „Мен силерге Давидке аазааным ыдыктыг база ынаныштыг ачы-буянымны бээр мен“. 35# Ыд. ыр. 15:10; Аж.-ч. 2:27Өске Ыдыктыг ырыда Ол мынча дээн: „Сеңээ бердинген Чалчаңның ирий бээрин болдурбас сен“.
36 # 3 Хаан. 2:10; Аж.-ч. 2:29Давид бодунуң үезинде Бурганның күзел-соруун чогудуп, бараан болуп турган, оон мөчээн. Ону ооң өгбелери-биле кады хөөржүдүп каан, ооң мага-боду ирий берген. 37А Бурганның катап диргискен Кижизи ириишкинден чайлаан! 38# Мф. 1:21; 1 Ин. 2:12Ынчангаш, ха-дуңма, Иисус Христосту дамчыштыр бачыттарыңарны өршээрин медеглеп тур бис, ону билип ап көрүңер. 39# Рим. 3:20; Гал. 2:16; 3:11 || Иса. 53:11; Рим. 3:28Бүзүрээн кижи бүрүзү Моисейниң хоойлузун ёзугаар агартынып шыдавазыңар бүгү чүве дээш Иисус Христостуң ачызында агартыышкын алыр. 40-41# Авв. 1:5Медээчилерниң:
„Шоодукчулар, кичээниңер! Кайгап-хараңар база өлүп чиде бериңер. Чүге дээрге улустан дыңнааш-даа, бүзүревейн баар чүүлүңерни чурттап чоруур үеңерде бүдүрер мен“
– деп чугаазын ёзугаар болур бүгү чүве силер-биле болу бээринден кичээниңер!»
42Павел биле Варнава синагогадан чоруп турда, дараазында амыр-дыш хүнүнде база-ла ол дугайында чугаалап бээрин улус#13:42 Өске бурунгу сөзүглелдерде «Улус» эвес, а «Өске чоннар улузу» деп бижээн. олардан дилээн. 43# Аж.-ч. 2:11; 6:5Чыыш тараан соонда, хөй иудейлер база Бурганга мөгеер прозелиттер Павел биле Варнаваны эдерип чорупканнар. А олар улус-биле чугаалажып, Бурганның авыралынга артып каарын оларга бүзүредип турганнар.
44Дараазында амыр-дыш хүнүнде Дээрги-Чаяакчының медээзин дыңнаар дээш, барык бүдүн хоорай чыглып келген. 45# Аж.-ч. 5:17Ынча хөй чон көргеш, иудейлерниң ишти ирип, Павелдиң чугаалап турар чүвезинге удурланып, ону бак сөглей бергеннер. 46# Аж.-ч. 4:30; Эф. 6:19 || Мф. 10:11; 22:8; Ажыд. 3:4 || Мк. 12:9; Аж.-ч. 18:6Павел биле Варнава ынчан дидими-биле мынча дээн: «Бурганның медээзин бир дугаар ээлчегде силерге суртаалдаар ужурлуг бис. Ынчалза-даа силер ону хүлээп көрбейн баргаш, боттарыңарны мөңге амыдыралга төлеп чок кылып турар болганыңарда, ам ол медээни өске чоннар улузунга медеглээр бис. 47# Иса. 49:6; Аж.-ч. 26:23Чүге дээрге Дээрги-Чаяакчының биске берген айтыышкыны ындыг-дыр:
„Камгалалым чер-делегейниң ужу-кыдыынга четсин дээш, Мен Сени бүгү чоннарга чырык кылып кагдым“».
48Ону дыңнааш, өске чоннар улузу өөрүп-байырлап, Дээрги-Чаяакчының медээзин алдаржыдып турганнар. Мөңге амыдыралга баш бурунгаар шилиттинген бүгү улус бүзүрей берген. 49Дээрги-Чаяакчының медээзи ол черни бир кылдыр нептерээн. 50# 1 Фес. 2:15Ындыг-даа болза, иудей чүдүлге хүлээп алган алдар-хүндүлүг херээжен улус болгаш хоорай даргалары иудейлерге күткүттүргеш, Павел биле Варнаваны истеп сүрүп эгелээш, оларны ол черден үндүр ойладыпканнар. 51# Мф. 10:14; Мк. 6:11; Лк. 9:5Элчиннер ынчан ол улуска удур херечилел кылдыр буттарының довураан кактапкаш, Икония хоорайже чоруй барганнар. 52# Аж.-ч. 2:4; 4:31А бүзүрээннер өөрүшкүге база Ыдыктыг Сүлдеге бүргеткен турганнар.
Zur Zeit ausgewählt:
:
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© Институт перевода Библии, 2025