3 Иоанн 1
1
Байыр чедириишкини
1 # 1 Ин. 3:18; 2 Ин. 1:1Шынап-ла ынакшааным эжим Гаийге эң улууңардан байыр.
2Ханы ынак эжим! Сеткил-чүрээңниң кадыы дег, мага-бодуңнуң кадык болуру дээш база бүгү-ле чүүлдерге чедиишкинниг болуруң дээш мөргүп тур мен. 3Чамдык бүзүрээн ха-дуңмавыс биске келгеш, алыс шынга бердингениңни база алыс шынның оруу-биле бар чыдарыңны херечилээрге, аажок өөрүдүм. 4# 2 Ин. 1:4Ажы-төлүм алыс шынның оруун эдерген деп билип аарындан артык өөрүшкү меңээ турбас!
5 # Гал. 6:10; Евр. 13:1Ханы ынак эжим! Олар-биле танышпас-даа болзуңза, бүзүрээн ха-дуңмавыстың чаагай чоруу дээш ак сеткилдиг ажылдап чоруур-дур сен. 6Олар сээң ынакшылың дугайында бүзүрээннер ниитилелинге херечилеп чугааладылар. Ам оларның чорук-херээн уламчылаарынга дузалажыр болзуңза, ол чорууң Бурганның мурнунга төлептиг болур. 7Чүге дээрге олар Христоска бараан болур дээш, чер кезип чорупкаш, Христоска бүзүревестерден чүнү-даа албайн чоруур улус-тур. 8# 1 Тим. 5:18Ындыг улусту деткиир ужурлуг бис. Ынчангаш бис оларның алыс шынга бараан болуушкунунуң киржикчилери боор бис.
Бакты эвес, экини өттүнери
9Мен христиан ниитилелче чагаа бижидим, ынчалза-даа оларны удуртуксап турар Диотреф дээрзи бистиң чугаалаан чүвевисти хүлээп албас-тыр. 10Ылап-ла ынчангаш, мен ынаар чеде берзимзе, ооң чүнү кылып турарының дугайында сагындырар мен. Ол бисти бак сөстер-биле нүгүлдеп тур, ынчалза-даа ол безин аңаа эвээш болган де. Диотреф боду-даа ха-дуңмавысты хүлээп албайн турар, өске улустуң-даа ону кылырынга шаптык кадып, оларны христиан ниитилелден үндүр сывыртап турар!
11 # Ыд. ыр. 33:15; 36:27; Иса. 1:16-17 || 1 Ин. 2:29 || 1 Ин. 3:6Ханы ынак эжим! Кандыг-даа бузутту эвес, а чүгле буянны өттүнүп көр. Буянныг херектер кылып турар кижи Бургандан укталган болур. Бузут үүлгедип турар кижи Бурганны көрбээн боор.
12 # Ин. 21:24Димитрийни шупту улус эки кижи деп үнелээр болду, алыс шын боду-ла ол дугайында херечилеп турар-дыр; бис база ол дээш дагдындывыс, а херечилеливис шынныг дээрзин билир болгай сен.
Түңнел байыр чедириишкини
13 # 2 Ин. 1:12Оон-даа хөй чүве дугайында сеңээ бижип, чугаалап болур турдум, ынчалза-даа ону демир-үжүк-биле саазынга бижиир хөңнүм чогул. 14Удавас сээң-биле арын көржүп ужуражырымга база аравыста хөөрежи бээривиске идегеп тур мен. 15Амыр-тайбыңны күзедим. Сээң өңнүктериң байыр чедирип тур. Шупту эш-өөрүвүске, кижи бүрүзүнге тус-тузунда, байырдан чедирип көр#1:15 Өске бурунгу сөзүглелдерде бо сөстерге «Аминь» деп сөстү немээн..
Zur Zeit ausgewählt:
3 Иоанн 1: Ы.Б.2025
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© Институт перевода Библии, 2025