2 Иоанн 1
1
Байыр чедириишкини
1 # 1 Ин. 3:1 || Ин. 8:32Бурганның шилип алганы угбавыска база ооң ажы-төлүнге эң улууңардан байыр: шуптуңарга шынап-ла ынакшыдым. Чүгле мен эвес, а алыс шынны билип алган бүгү улус база силерге ынакшыды. 2Ийе, бисти бүргеп турар алыс шынның ачызында силерге ынак-тыр бис. Ол алыс шын бистиң-биле кезээ-мөңгеде тудуш харылзаалыг. 3# 1 Тим. 1:2; 2 Тим. 1:2Алыс шын болгаш ынакшылдың аайы-биле Бурган Ададан, Ооң Оглу Иисус Христостан келген авырал, өршээл болгаш амыр-тайбың биске доктаар!#1:3 Өске бурунгу сөзүглелдерде «Ооң Оглу Дээрги Иисус Христостан келген авырал, өршээл болгаш амыр-тайбың силерге доктаазын!» деп бижээн.
Ынакшыл биле алыс шын өөредиг
4 # 3 Ин. 1:4Адавыстың биске чагааны дег, алыс шынның изин истээн чамдык ажы-төлүң дугайында дыңнап кааш, мен аажок өөрүдүм. 5# Лев. 19:18; Ин. 13:34; 15:12; 1 Ин. 3:11Ынчангаш мен ам дилеп тур мен, хүндүлүг угбай: бот-боттарывыска ынак болуулуңар! (Ол чагыг чаа эвес, а биске эң эгезинде-ле берип каан айтыышкын хевээр боор.) 6# Ин. 14:15; 1 Ин. 5:3А ол ынакшыл дээрге-ле Адавыстың айтыышкыннарын ёзугаар амыдыраар ужурлуувус деп билзе чогуур. Эң эгезинде-ле дыңнааныңар дег, ол чагыгның утказы мындыг: араңарда ынакшылдыг амыдыраар ужурлуг силер.
7 # Ин. 1:14; 1 Ин. 4:2; 1 Тим. 3:16; Евр. 2:14 || 1 Ин. 2:18; 4:3Иисус Христос чер кырынче кижи мага-боттуг чедип келген дээрзин хүлээп көрбес хөй санныг мегечилер бо делегейде чоруп турар. Оларга дөмей кижи бүрүзү мегечи-дир, Христостуң удурланыкчызы-дыр. 8# 1 Кор. 3:8Ынчаарга кызып ажылдап келгенивис чүүлдү чидирбейн, харын бүрүн шаңналды алырыңар дээш кичээнип көрүңер. 9# 1 Ин. 2:23Христостуң дугайында алыс шын өөредигден тайзы базып, өскээр барган кижиниң Бурган-биле харылзаазы чок. А ол өөредигге шынчы болуп арткан кижиде Ада-биле-даа, Оглу-биле-даа сырый харылзаа бар. 10# Рим. 16:17; 1 Фес. 5:22Силерге чедип келген кандыг-бир кижи ол өөредигни суртаалдаары-биле ап чорбас болза, силер ону бажыңыңарга хүлээп албаңар база амыр-мендизин айтырбаңар. 11Чүге дээрге ындыг кижиниң амыр-мендизин айтырар болзуңарза, ооң бузуттуг үүлгедиглериниң киржикчизи апаар силер.
Түңнел байыр чедириишкини
12 # Ин. 15:11; 16:24; 17:13 || 3 Ин. 1:13-14Силерге бижип, чугаалаар бодаан чүвем оон-даа хөй, ынчалза-даа ону демир-үжүк-биле саазынга бижиир хөңнүм чок болду. Ооң орнунга, бистиң өөрүшкүвүс#1:12 Өске бурунгу сөзүглелдерде «Силерниң өөрүшкүңер» деп бижээн. эгээртинмес долу болзун дээш, удавайн силерге дужуп, арын көржүп чугаалажыр сагыштыг мен. 13Бурган шилээн угбаңның ажы-төлү сеңээ байыр чедирип турлар.#1:13 Бурган шилээн угбаңның ажы-төлү – өске христиан ниитилелдиң кежигүннерин бодап турар хире. Өске бурунгу сөзүглелдерде бо сөстерге «Аминь» деп сөстү немээн.
Zur Zeit ausgewählt:
2 Иоанн 1: Ы.Б.2025
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© Институт перевода Библии, 2025