1 Пётр 2
2
Дириг даш биле ыдыктыг чон
1 # Эф. 4:31; Кол. 3:8Ындыг болганда, кандыг-даа бузуттуг-бак сагыштан: мегеден, ийи арынныг чоруктан, адааргалдан болгаш нүгүлден адырлып аар ужурлуг силер. 2# Мф. 18:3; 1 Кор. 3:2; Евр. 5:13Чаа төрүттүнген чаштар дег, ылап шын арыг сүтче чүткүүр база ону эмгеш, камгалалды алыры-биле өзүп-мандыыр ужурлуг силер. 3# Ыд. ыр. 33:9Дээрги-Чаяакчының ачы-буянныын амзангырлап шенээн болгай силер.
4 # 1 Кор. 10:4Дириг Дашче чедип келиңер: ол Дашты улус, херекчок дээш, тооваан-даа болза, Бурган Ону үнелиг деп санап, шилип алган. 5# Эф. 2:20-22 || Хост. 19:6Силер база дириг даштар бооп чедип келиңер, Бурганның Сүлдезинге хамааржыр өргээни тударынга силерни ажыглазын. Силер орта Бурганның ыдыктыг бараалгакчылары бооп, Ооң Сүлдезинден келген, Бурганга таарымчалыг өргүлдерни Иисус Христосту дамчыштыр салып эгелээр силер.
6 # Иса. 28:16; Рим. 9:33; 10:11Чүге дээрге Бижилгеде:
«Көрүңер даан, Сионга дашты – шилиттинген, улуг үнелиг, бажың таваанга эң чугула дашты салыр мен. Аңаа бүзүрээн кижи бүрүзү бак атка кирбес» деп бижээн-дир.
7 # Ыд. ыр. 117:22; Мк. 12:11; Аж.-ч. 4:11Силерге, Аңаа бүзүрээн улуска, ол Даш аажок үнелиг, а бүзүревээн улуска Ол
«тудугжуларның, херекчок дээш, октапканы, ынчалза-даа эң чугула апарган даш» боор.
8 # Иса. 8:14; Рим. 9:33Оон ыңай Ол
«улустуң аңаа тептиккеш, кээп ужары моондак даш» боор.
Бурганның сөзүн дыңнавас болгаш, улус аңаа тептиге бээр. Бурганның оларга онаап каан үүлези ындыг болган-дыр. 9# Ы. х. к. 10:15 || Хост. 19:6; Ы. х. к. 7:6; Ажыд. 1:6; 5:10 || Ыд. ыр. 35:10; Ин. 1:9А силер болза – шилиттинген аймак, Хаанның бараалгакчылары, Бурганга хамааржыр ыдыктыг чон, Ооң кайгамчык ажыл-херектерин чарлаар дээш кыйгырткан улус силер. Ол силерни дүмбей караңгыдан Бодунуң кайгамчык чырыынче кыйгырып эккелген. 10# Ос. 1:6, 9; 2:23; Рим. 9:25Ооң мурнунда Бурганның чону деп санатпайн чораан силер, а ам Ооң чону апардыңар. Ооң мурнунда Бурганның ээ-хайыразын албайн чораан силер, а ам Ооң ээ-хайыразын алдыңар.
Бурганның чалчалары
11 # Лев. 25:23 || Иак. 4:1; Рим. 7:23; 13:14; Гал. 5:24Ханы ынак эш-өөр, бо делегейде даштыкылардан, түр када турар улустан дег, силерден дилеп тур мен: бодуңарның-на сагыш-сеткилиңерге удур демисежир бузуттуг-бак күзээшкиннерге алыспайн көрүңер. 12# Мф. 5:16; 2 Кор. 9:13; Гал. 1:24Бүзүревээн өске улус аразынга бодуңарны ак сеткилдиг ап чоруңар, ынчаарга силерни бузут үүлгедикчилери деп буруудадып турар улус, ачылыг ажыл-херээңерни көргеш, Бурганның чедип кээр хүнүнде Ону алдаржыда бээр апаар.
13 # Рим. 13:1; Тит. 3:1Дээрги-Чаяакчыны бодааш, бүгү-ле кижи тургускан эрге-чагыргаларга чагыртыңар. Дээди эрге-чагырга боор императорга-даа, 14# Рим. 13:3-4бузут үүлгедикчилерин кезедир, буян чедиргеннерни шаңнап-мактаар дээш, ооң томуйлааны чазак-чагырга улузунга-даа чагыртыңар. 15Сарыыл чок улустуң ужур-утка чок чугааларын, буян тарып тургаш, өжүр шаварыңарны Бурган күзеп турар. 16# Ин. 8:32; Иак. 1:25; 2:12; Рим. 6:18; 1 Кор. 7:22; 2 Кор. 3:17; Гал. 5:1, 13 || 1 Кор. 7:22Хостуг улус дег амыдыраңар, ынчалза-даа хосталгаңарның бузуттуг-бак үүлгедиглериңерни чажырарындан кичээниңер, Бурганның чалчалары дег амыдыраңар. 17# У. ч. 24:21; Рим. 13:7Шупту улуска чогуур хүндүлелден көргүзүңер, бүзүрээн ха-дуңмаңарга ынак болуңар, Бургандан коргуп, мөгейип чоруңар, императорну хүндүлеңер.
Христостуң хилинчээниң үлегери
18 # Эф. 6:5; Кол. 3:22; 1 Тим. 6:1; Тит. 2:9Чалчалар, дээргилериңерге хүндүлел көргүзүп, чагыртыңар. Чүгле буянныг, чымчак ээлерге эвес, а кадыг-дошкун ээлерге база чагыртыңар. 19# 1 Пет. 3:14, 17; 4:16Кандыг-бир кижи Бурганның күзел-соруун медереп билгеш, багай чүү-даа кылбаан хирезинде, хилинчекти шыдажып эртип турар болза, ооң ол чоруу Бурганга таарымчалыг боор. 20Буруулууңар ужун силерни кезедир болза, ону шыдажып эртип турарыңар дээш силерни мактаан дүжүү чүл? Ынчалза-даа чөптүг херек ужун хилинчек көрүп турар болзуңарза, ол чорууңар Бурганга таарымчалыг боор. 21# Аж.-ч. 14:22 || Ин. 13:15Бурганның силерни кыйгырган ужуру ол-дур, чүге дээрге Христос Боду силер дээш хилинчек көрген база Ооң изин истезиннер дээш, үлегерин силерге арттырып каан.
22 # Иса. 53:9 Ол кандыг-даа бачыт үүлгетпээн база Ооң аксындан меге үнгенин кым-даа дыңнаваан.
23 # Мф. 5:39 || Иса. 53:7 || Лк. 23:46Христосту дорамчылап турда, Ол дорамчылал-биле харыылаваан. Хилинчек көрүп тургаш, Ол кымга-даа кыжанмаан, а чөптүг Шииткекчиге бүрүнү-биле ынанган. 24# Рим. 6:2; Гал. 2:19; 5:24 || Иса. 53:4-5Бистиң бачытка хамаарыштыр өлгеш, чөптүг-шынныг амыдыраарывыс дээш, Ол бачыттарывысты Бодунуң мага-бодунче чүктеп алгаш, шаажылал ыяжынче аппарган.
Силер Ооң балыгларының ачызында экирээн силер.
25 # Ыд. ыр. 118:176; Иса. 53:6; Иер. 50:6 || Иез. 34:6, 11; Лк. 15:6Силер оруундан азып-тенээн хойлар дег чордуңар, ынчалза-даа силер ам Кадарчыңар болгаш амы-тыныңарның Кадагалакчызынче дедир ээп келген-дир силер.
Zur Zeit ausgewählt:
1 Пётр 2: Ы.Б.2025
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© Институт перевода Библии, 2025
