Kisah Para Rasul 23
23
(23:1-11)
1Ne Paulus nfon mangtetak agamar ma nfalak, “Wangur! Yakw kufai feti na ningw momorip e, dalangw a nlerap na Ratu sounlury terik lere ye.” 2Mangsomp Silai Ananias ndengar Paulus a nfalak farane e, nluan tomwatar ma rtef sukany. 3Ne Paulus nbali Mangsomp Silai ne ma nfalak, “Hei susuk tarfule ko keta Ratu ntef ko! Ko farlan tembok ma racat ma nangafel nempa dalam e, narai. Ko mumtoran ye ma mswidang yakw mlwarat Musa ni faretar, safo ko a nbal e, to mlwarat, ma mfwalak ma rtef yakw!”#Mat. 23:27-28
4Ne Tomwatar ma ramin a ne rfalak, “Ko mbwaran desar ma murikan Ratu Ni Mangsomp Silai!” 5Ne i nfalak, “Wangur, yakw to kufai feti Mangsomp Silai i.” Ma yakw kufai botuan na Kitap Lelerap dalam rarengi feti, “Ka kete mirikan mir mangfarete.”#Kel. 22:28
6Mpe Paulus a nafai feti mangtetak agamar a ne ketnir e, rof faburat Saduki ma ketnir e, rof faburat Farisi. Mpa nfalak ber mangtetkar a ne, “Wangur! Yakw ye tomwat Farisi ma kof dasdalam Farisi nbal. Ma rsidang yakw na ye fali kulele feti mangmwatar keta rmorip a rbali.”#Kis. 26:5; Flp. 3:5 7Lama nfalak farane, tomwat Sadukyar ma tomwat Farisyar rabangal, nwayat ma rakes e sir. 8Fali Sadukyar to ralele feti mangmwatar keta rmorip a rbali, ma rfalak feti to malaekat ma smwangat nempa Farisyar e, ralele monuk a ne.#Mat. 22:23; Mrk. 12:18; Luk. 20:27 9Iane nwayat ma mimiri silai desar. Ne Mangaftutu Musa ni faretar ketnir rof faburat Farisi ramdir ma rbangal desar ma rfalak, “Tomwate ye to ni sal sasaf! Nre kete malaekat nre smwangat ma natanuk ber i!” 10Mpe kafreye ne ntafal desar nwayat ma komandan a ne namtaut, feti keta rbabal a rfen Paulus. Mpa nluan ni suldadwar ma ral Paulus rof tomwatar a ne ma ror i far markas.
11Ni nronram e, Yesus ninr Mangnrur Silai nma ma namdir Paulus seriny ma nfalak, “Kete mumtaut! Fali ko mbwaran ma mufwibar na Yakw na Yerusalem lo, mpa keta mtwi mufwibar farane nbal na kote Roma.”
Tomwat Yahudyar reng ma rfen Paulus
23:12-22
12-13Ni bobolisin e, tomwat Yahudyar rafburat sir ma rfat ma lese ma rsompe feti, keta to rtame renum terik ma rfen Paulus. Sir monuk a ne tomwate buty fat resnir. 14Sir rti rakmat mangsompar ulnir ma mangfaret Yahudyar ma rfalak, “Kam msompe lo feti, keta kam to mtame menum terik ma mfen Paulus. 15Mpa amngur miktem mangtetak agamar mirengi surtar sa ber suldadw Romar nir ulun ma mtyak ma ror a rbali Paulus ber a kmi. Mlyepusuk motak i feti myose ma minriak fen ngamone ni sale. Ma keta na dalamtene let e mfen i.”
16Nempa Paulus urany anaky nafai tomwatar a ne nir rerengyar, mpa i nti markas ma nafbotin ber Paulus. 17Ne Paulus ntar suldadwar nir ulun sa ma nfalak ber i, “Mor tabweri ye ber mir komandan, fali i nose ma nfalak kabar sa ber i.” 18Suldadwar nir ulun a ne nor i ber nir komandan ma nfalak, “Paulus ma rnau i a na sel a ne ntar yakw ma kor tabweri ye ber ko, fali i nose ma nfalak kabar sa.” 19Mpe komandan nor i far seriny betno nenrat, “Safe ne?” 20Ne i nfalak, “Amangw, tomwat Yahudyar rfat ma rtak ko ma keta bobole e, mor Paulus ber mangtetak agamar, rose farane nema tomwatar rafliak feti ranriak ni sale fen ngamone.” 21Nempa kete mlwarat nir tatake ne, fali tomwate buty fat resnir rof sir rdaf a na dalamtene let ma rfen i. Sir rsompe lo feti, keta to rtame renum terik ma rfen Paulus. Mpe rasusan monuk sir lo, ma rdaf lan tetetak nof amangw. 22Ne komandan nfalak ber tabweri ne, “Ka kete mfwalak ber kekes feti ko mufbotin ngrie ye ber yakw lo.” Ne nluan ma nbali i.
Ror Paulus ber gubernur Feliks
23:23-35
23Mpene komandan a ne ntar suldadwar nir ulun du ma nfalak, “Mifburat suldadu raty du, ma suldadu buty itw ror nir kudar, numur suldadu raty du ror nir solnar nema rasusan sir ma nronram jam sembilan e, ral far Kaisarea. 24Msyalan kudar sa nbal ber Paulus ma nfangat, ma myor i fen ngamone ber gubernur Feliks.”
25Ma komandan a ne narengi surat ber gubernur Feliks farye,
26Salam nof Klaudius Lisias ber gubernur Feliks ngamone ko. 27Tomwat Yahudyar romat tomwate ye ma ketla rfen i, nempa daing feti kor ningw suldadwar ma mtampu sir, fali kdwengar feti tomwate ye tomwat Roma. 28Ma kmpweang ma kufai feti safe nwayat ma rfasale i. Mpe kor i ber nir Mangtetak Agamar. 29Nempa to ktwungan ni sale ma bise kal tetetak mamate nre knwau i a na sel. Fali rfasale i a na lan nir tetetak Agame. 30Mpene tomwatar rma rafbotin ber yakw feti, tomwat Yahudyar reng ma rfen i. Iane nwayat ma kusnyalik ma klwuan ma ror i ber ko. Ma kfwalak a nbal ber tomwatar ma rfasale i a ne ma rti rmangadu ni sale ber ko. Nater lan ye.
31Mpene suldadwar a ne rlarat safe ma nir komandan nfalak ber sir, ma ror Paulus nronram a ne nbal far kote Antipatris.
32Ni bobole ne suldadwar ma rmpan bab a ne rbali sir far nir markas, ma mangfangat kudar a ne raktem Paulus raloran far kote Kaisarea. 33Lama rait kote Kaisarea, suldadwar a ne ral surat ber gubernur, ma ranrenre Paulus ber i. 34Lama gubernur nbaca monuk surat a ne, i nenrat feti Paulus nof mpe. Ne Paulus nfalak feti i nof yampren Kilikia. Noak ma gubernur ndengar farane, 35i nfalak, “Farlan tomwatar ma rfasale ko a ne rma lo e, la yakw kurus nim ngrie.” Ne nluan ma rtayan i ma rajake i a na Herodes ni istana.
Zur Zeit ausgewählt:
Kisah Para Rasul 23: YMD
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© Yayasan Pemberdayaan Masyarakat Desa © Wycliffe Bible Translators, Inc. All rights reserved.
Kisah Para Rasul 23
23
(23:1-11)
1Ne Paulus nfon mangtetak agamar ma nfalak, “Wangur! Yakw kufai feti na ningw momorip e, dalangw a nlerap na Ratu sounlury terik lere ye.” 2Mangsomp Silai Ananias ndengar Paulus a nfalak farane e, nluan tomwatar ma rtef sukany. 3Ne Paulus nbali Mangsomp Silai ne ma nfalak, “Hei susuk tarfule ko keta Ratu ntef ko! Ko farlan tembok ma racat ma nangafel nempa dalam e, narai. Ko mumtoran ye ma mswidang yakw mlwarat Musa ni faretar, safo ko a nbal e, to mlwarat, ma mfwalak ma rtef yakw!”#Mat. 23:27-28
4Ne Tomwatar ma ramin a ne rfalak, “Ko mbwaran desar ma murikan Ratu Ni Mangsomp Silai!” 5Ne i nfalak, “Wangur, yakw to kufai feti Mangsomp Silai i.” Ma yakw kufai botuan na Kitap Lelerap dalam rarengi feti, “Ka kete mirikan mir mangfarete.”#Kel. 22:28
6Mpe Paulus a nafai feti mangtetak agamar a ne ketnir e, rof faburat Saduki ma ketnir e, rof faburat Farisi. Mpa nfalak ber mangtetkar a ne, “Wangur! Yakw ye tomwat Farisi ma kof dasdalam Farisi nbal. Ma rsidang yakw na ye fali kulele feti mangmwatar keta rmorip a rbali.”#Kis. 26:5; Flp. 3:5 7Lama nfalak farane, tomwat Sadukyar ma tomwat Farisyar rabangal, nwayat ma rakes e sir. 8Fali Sadukyar to ralele feti mangmwatar keta rmorip a rbali, ma rfalak feti to malaekat ma smwangat nempa Farisyar e, ralele monuk a ne.#Mat. 22:23; Mrk. 12:18; Luk. 20:27 9Iane nwayat ma mimiri silai desar. Ne Mangaftutu Musa ni faretar ketnir rof faburat Farisi ramdir ma rbangal desar ma rfalak, “Tomwate ye to ni sal sasaf! Nre kete malaekat nre smwangat ma natanuk ber i!” 10Mpe kafreye ne ntafal desar nwayat ma komandan a ne namtaut, feti keta rbabal a rfen Paulus. Mpa nluan ni suldadwar ma ral Paulus rof tomwatar a ne ma ror i far markas.
11Ni nronram e, Yesus ninr Mangnrur Silai nma ma namdir Paulus seriny ma nfalak, “Kete mumtaut! Fali ko mbwaran ma mufwibar na Yakw na Yerusalem lo, mpa keta mtwi mufwibar farane nbal na kote Roma.”
Tomwat Yahudyar reng ma rfen Paulus
23:12-22
12-13Ni bobolisin e, tomwat Yahudyar rafburat sir ma rfat ma lese ma rsompe feti, keta to rtame renum terik ma rfen Paulus. Sir monuk a ne tomwate buty fat resnir. 14Sir rti rakmat mangsompar ulnir ma mangfaret Yahudyar ma rfalak, “Kam msompe lo feti, keta kam to mtame menum terik ma mfen Paulus. 15Mpa amngur miktem mangtetak agamar mirengi surtar sa ber suldadw Romar nir ulun ma mtyak ma ror a rbali Paulus ber a kmi. Mlyepusuk motak i feti myose ma minriak fen ngamone ni sale. Ma keta na dalamtene let e mfen i.”
16Nempa Paulus urany anaky nafai tomwatar a ne nir rerengyar, mpa i nti markas ma nafbotin ber Paulus. 17Ne Paulus ntar suldadwar nir ulun sa ma nfalak ber i, “Mor tabweri ye ber mir komandan, fali i nose ma nfalak kabar sa ber i.” 18Suldadwar nir ulun a ne nor i ber nir komandan ma nfalak, “Paulus ma rnau i a na sel a ne ntar yakw ma kor tabweri ye ber ko, fali i nose ma nfalak kabar sa.” 19Mpe komandan nor i far seriny betno nenrat, “Safe ne?” 20Ne i nfalak, “Amangw, tomwat Yahudyar rfat ma rtak ko ma keta bobole e, mor Paulus ber mangtetak agamar, rose farane nema tomwatar rafliak feti ranriak ni sale fen ngamone.” 21Nempa kete mlwarat nir tatake ne, fali tomwate buty fat resnir rof sir rdaf a na dalamtene let ma rfen i. Sir rsompe lo feti, keta to rtame renum terik ma rfen Paulus. Mpe rasusan monuk sir lo, ma rdaf lan tetetak nof amangw. 22Ne komandan nfalak ber tabweri ne, “Ka kete mfwalak ber kekes feti ko mufbotin ngrie ye ber yakw lo.” Ne nluan ma nbali i.
Ror Paulus ber gubernur Feliks
23:23-35
23Mpene komandan a ne ntar suldadwar nir ulun du ma nfalak, “Mifburat suldadu raty du, ma suldadu buty itw ror nir kudar, numur suldadu raty du ror nir solnar nema rasusan sir ma nronram jam sembilan e, ral far Kaisarea. 24Msyalan kudar sa nbal ber Paulus ma nfangat, ma myor i fen ngamone ber gubernur Feliks.”
25Ma komandan a ne narengi surat ber gubernur Feliks farye,
26Salam nof Klaudius Lisias ber gubernur Feliks ngamone ko. 27Tomwat Yahudyar romat tomwate ye ma ketla rfen i, nempa daing feti kor ningw suldadwar ma mtampu sir, fali kdwengar feti tomwate ye tomwat Roma. 28Ma kmpweang ma kufai feti safe nwayat ma rfasale i. Mpe kor i ber nir Mangtetak Agamar. 29Nempa to ktwungan ni sale ma bise kal tetetak mamate nre knwau i a na sel. Fali rfasale i a na lan nir tetetak Agame. 30Mpene tomwatar rma rafbotin ber yakw feti, tomwat Yahudyar reng ma rfen i. Iane nwayat ma kusnyalik ma klwuan ma ror i ber ko. Ma kfwalak a nbal ber tomwatar ma rfasale i a ne ma rti rmangadu ni sale ber ko. Nater lan ye.
31Mpene suldadwar a ne rlarat safe ma nir komandan nfalak ber sir, ma ror Paulus nronram a ne nbal far kote Antipatris.
32Ni bobole ne suldadwar ma rmpan bab a ne rbali sir far nir markas, ma mangfangat kudar a ne raktem Paulus raloran far kote Kaisarea. 33Lama rait kote Kaisarea, suldadwar a ne ral surat ber gubernur, ma ranrenre Paulus ber i. 34Lama gubernur nbaca monuk surat a ne, i nenrat feti Paulus nof mpe. Ne Paulus nfalak feti i nof yampren Kilikia. Noak ma gubernur ndengar farane, 35i nfalak, “Farlan tomwatar ma rfasale ko a ne rma lo e, la yakw kurus nim ngrie.” Ne nluan ma rtayan i ma rajake i a na Herodes ni istana.
Zur Zeit ausgewählt:
:
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© Yayasan Pemberdayaan Masyarakat Desa © Wycliffe Bible Translators, Inc. All rights reserved.