Jakari 7
7
Ta kɨ dɔ kɔg ro nyasa
1Ɓal kɨ ngekõsɔɔ lo ngar Darius ta lo Bɨraɓe ɗe ro Jakarit kɨ ndɔ kɨ kõ kɨlah gidaisɔɔ lo nah kɨ kõ jikɨɗa, ad i nah Kisle. 2Ndɔt'n non deg kɨ Betel lan Sareser kɨ Reguem Melek nat kɨ deg lod kad kõ Bɨraɓe 3na kɨta kel ngéjanyamosɨ kɨ kuju lo Bɨraɓe Ngekoosɨg kɨ ngekelta kɨta Luwaht, anan: Sumba kad m'non kam naht kɨkõmi, na m'ɔg rom nyasa tit'n hã m'ɗan kete ɓalg ngãi a?
4Kamla ta lo Bɨraɓe Ngekoosɨg ɗe romt an: 5Elta kɨ deg tube kɨdɔningt kɨ ngejanyamosɨ, an: Lon i ɔgɨn rosɨ nyasa, i hɔn ndo kam naht kɨkõmi kɨ kɨ kõ tanãimɨta kam ɓalgt kɨdɔtanãimɨta'n non ye, i kɨtatɔm la i ɔgɨn ne rosɨ nyasa yo oo? 6Lon i ndɨ san, i ndɨ ãin ye, i kɨta rosɨ la i ndɨ san, i ndɨ ãin ne ale? 7I gerɨn ta'n Bɨraɓe la'n mber kɨta ngekelta kɨtant kɨkete lon Jerusalem ndɨn kɨ lapia nat kɨ ɓebog kɨ gugɨn dɔ kɨ log kɨjikõ kɨ dɨlalo'n Koosɨdeg ndɨnt ye ale?
Bɨraɓe tɨnda tĩd kɨta mbetɨn ta loa
8Ta lo Bɨraɓe ɗe ro Jakarit an: 9Titbe kel Bɨraɓe Ngekoosɨg: I gangɨn ta kɨgoɗobat, kɨ dekɨɗen ɔj kamkẽ kɨ kookumtondo lo ngonkõnt, 10Ot ɗan ngetɔg do ngengawkoigt kɨ nganhalg kɨ mbahg kɨ ngendog na ot gan ta kɨmajal kamsɨt dɔnat. 11Na ndigɨn koo dɔ al, ɔsɨn bɔgd, utɨn mbid kad oon ne dɔ al, 12Adɨn kamd kongkong tit mbal diamã be, na ɓeta oon dɔ mberkɨnda ke tag lo Bɨraɓe Ngekoosɨg'n eld kɨtakul Ndilɨn kɨ ngekelta kɨtant kɨmaɗi, Kɨtɔ 'nten Bɨraɓe Ngekoosɨg ɓawong kɨtɨngabil, 13Lon m'ko ndigɨn koo dɔ al, titbe tɔ lon koo a ne, m'a m'oo dɔ al ho, kel Bɨraɓe Nge koosɨg. 14M'tɨnda m'tɨnd kɨ nélbarwãi, ku girrdegt tube'n gerɨnd al. Titbe dɔning i gootɓe godt, de kɨ ngekaw ho, tel ho, goto kamt na dɔning kɨmajtɔi tel kamkɔl.
Zur Zeit ausgewählt:
Jakari 7: MlL
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Mbai Bible Revision © Bible Society of Chad, 2015.
Jakari 7
7
Ta kɨ dɔ kɔg ro nyasa
1Ɓal kɨ ngekõsɔɔ lo ngar Darius ta lo Bɨraɓe ɗe ro Jakarit kɨ ndɔ kɨ kõ kɨlah gidaisɔɔ lo nah kɨ kõ jikɨɗa, ad i nah Kisle. 2Ndɔt'n non deg kɨ Betel lan Sareser kɨ Reguem Melek nat kɨ deg lod kad kõ Bɨraɓe 3na kɨta kel ngéjanyamosɨ kɨ kuju lo Bɨraɓe Ngekoosɨg kɨ ngekelta kɨta Luwaht, anan: Sumba kad m'non kam naht kɨkõmi, na m'ɔg rom nyasa tit'n hã m'ɗan kete ɓalg ngãi a?
4Kamla ta lo Bɨraɓe Ngekoosɨg ɗe romt an: 5Elta kɨ deg tube kɨdɔningt kɨ ngejanyamosɨ, an: Lon i ɔgɨn rosɨ nyasa, i hɔn ndo kam naht kɨkõmi kɨ kɨ kõ tanãimɨta kam ɓalgt kɨdɔtanãimɨta'n non ye, i kɨtatɔm la i ɔgɨn ne rosɨ nyasa yo oo? 6Lon i ndɨ san, i ndɨ ãin ye, i kɨta rosɨ la i ndɨ san, i ndɨ ãin ne ale? 7I gerɨn ta'n Bɨraɓe la'n mber kɨta ngekelta kɨtant kɨkete lon Jerusalem ndɨn kɨ lapia nat kɨ ɓebog kɨ gugɨn dɔ kɨ log kɨjikõ kɨ dɨlalo'n Koosɨdeg ndɨnt ye ale?
Bɨraɓe tɨnda tĩd kɨta mbetɨn ta loa
8Ta lo Bɨraɓe ɗe ro Jakarit an: 9Titbe kel Bɨraɓe Ngekoosɨg: I gangɨn ta kɨgoɗobat, kɨ dekɨɗen ɔj kamkẽ kɨ kookumtondo lo ngonkõnt, 10Ot ɗan ngetɔg do ngengawkoigt kɨ nganhalg kɨ mbahg kɨ ngendog na ot gan ta kɨmajal kamsɨt dɔnat. 11Na ndigɨn koo dɔ al, ɔsɨn bɔgd, utɨn mbid kad oon ne dɔ al, 12Adɨn kamd kongkong tit mbal diamã be, na ɓeta oon dɔ mberkɨnda ke tag lo Bɨraɓe Ngekoosɨg'n eld kɨtakul Ndilɨn kɨ ngekelta kɨtant kɨmaɗi, Kɨtɔ 'nten Bɨraɓe Ngekoosɨg ɓawong kɨtɨngabil, 13Lon m'ko ndigɨn koo dɔ al, titbe tɔ lon koo a ne, m'a m'oo dɔ al ho, kel Bɨraɓe Nge koosɨg. 14M'tɨnda m'tɨnd kɨ nélbarwãi, ku girrdegt tube'n gerɨnd al. Titbe dɔning i gootɓe godt, de kɨ ngekaw ho, tel ho, goto kamt na dɔning kɨmajtɔi tel kamkɔl.
Zur Zeit ausgewählt:
:
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Mbai Bible Revision © Bible Society of Chad, 2015.