Jakari 3
3
Arɨn Jojue, lana kub kɨkij
1Kamla ɔjɨm Jojue, bɨradɔ ngejanyamosɨ, ĩn ɗa nõ malaikat lo Bɨraɓe na Su ɗa ko jikõat kɨta kun dɔa. 2Bɨraɓe el Su an: Kɨ Bɨraɓe ndángi Su, kɨ Bɨraɓe'n hã kot Jerusalem ndangi. De'n ɗan i takirr kɨkɔr kam horrt al e? 3Jojue ɗà nõ malaikat kɨ kub kɨyɨro pikɨrpikɨr ront. 4Malaika el Ĩgɨn ɗan nont an: Ɔrɨn kub kɨyɨro nõ roat kɔ. Kamla el Jojue an: Oo, ɔrr ɗagootal loi roit kɔ, na m'a m'lai kub kɨmaj. 5M'el m'an: Kɨ ndan dɔa kɨ kadmul kɨ janjoi. Titbe ndan kadmul kɨjanjoi dɔat kɨ lana kub na malaika lo Bɨraɓe ɗa ba loat'n non.
6Malaika lo Bɨraɓe el Jojue tɔa wakɨsɨ an: 7Titbe kel Bɨraɓe Ngekoosɨg; Ĩla i ndia go ɗobgt lom na i ngomd go tag lom tɔ a ne a i gangta dɔ ngékɨɓet lom, a i ngom natlog lom kɨjaɓat, na m'a mad tɔg kad and ku Ĩgɨtɨn hã ɗan nẽbe. 8I nel mbii tajigla, oo, Jojue, bɨradɔ ngejanyamosɨ, ĩn kɨ namig ĩgɨn ndɨn nõit, kɨta ĩn nyakɔj dɔ nyat kɨmaj'n a ɗe. Oo, m'a m'ɓai kɨ ɓer lom, ad i Dɔj, 9kɨta oon, mbal'n m'nda nõ Jojuet, dɔ mbalt'n ɗan kɨ takuma i tanãimɨta, oon, dɔmbalt'n ɗan la m'a m'ja ta kɨ sumba kad m'ja dɔt kel Bɨraɓe Ngekoosɨg, m'a m'ɔrr nya ɗa kɨgoot al lo dɔning'n ɗan ko kam ndɔt kɨ kɨɗabedo. 10Ndɔt'n non, kel Bɨraɓe Ngekoosɨg, dekɨɗen a kun madɓen kɨ girr dĩndut lon kɨ girr kag mbaiɓoodt lon.
Zur Zeit ausgewählt:
Jakari 3: MlL
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Mbai Bible Revision © Bible Society of Chad, 2015.
