Mark 8
8
Jeju ad nyasa deg dub sɔɔ
(Oo Mat 15:32-39; Mrk 6:35-44; 2 Ngar 4:42-44)
1Ndɔ mad, koosɨdeg tel kawɨn na kɨ nat tɔ. Na nyasa kad deg'n non san goto. Ye Jeju kun ngéndoog lon eld an: 2Ta õ kamm ngãi kɨta koosɨdeg'n ɗan, kɨta asɨ ndɔ mɨta ɓone la ĩn nat sem, na nya mad kad san goto. 3Ĩla m'ad'd tel awɨn ɓe kɨ ɓo kamdt a ne, kumd a il dɔ ɗobt ad tɔgd a goto, kɨta kɨmadg ɓain ko kɨ sãi.
4Ngéndoog loa turɨna anan: Ja kɨ ɗa titbãi kad jad nyasa koosɨdeg'n ɗan sa ndenɨn kɨ dɨlalot nẽbe a?
5Jeju ndɨjed an: Ĩn kɨ kuɓɨr bɨna bãi jisɨt nõ. Ngéndoog turɨna anan: J'aw kɨ kuɓɨr kuɓɨr bɨna tanãimɨta.
6Kamla Jeju el koosɨdeg kad ndɨn ber dɔningt. Ɔi bɨnag kɨ lɔi tanãimɨta, na ɗa mersi Luwah kamla hɔ tet ad ngéndoog kad kɨ luɓon koosɨdeg. 7Awɨn kɨ ngan kanj tẽbe. Jeju ɗa mersi Luwah, kamla keg ngéndoog lon kad luɓon. 8Deg san, ndenɨn. Ngéndoog ɔin ndeg bud kuɓɨr bɨna ye, ɗoosɨ keh tanãimɨta. 9Deg tube asɨn dub sɔɔ. Kamla Jeju nyad ad awɨn ɓe. 10Tajigt al kam toot sed ngéndoog lon awɨn kam dɔning Dalmanutat.
Parisɨg ndɨjen Jeju kad ɗa nyakɔj mad
(Oo Mat 16:1-12; Mat 12:38-39; Luk 11:16,29)
11Parisɨg ɗen ro Jejut, mbã girr majɨn ta kɨ Jeju, yan gum kad Jeju so kamt kɨgo ɗob tag kɨ ndɨje dang dang, elɨna anan i ɗa nyakɔj mad takumjt ne ad j'oo, kad ɔj'jɨn kad i Luwah la lai jeje ye. 12Jeju lako pũ kɨ tɔgɨn, kamla el an: Kɨtɔɗi deg kɨ dɔkaglot kɨ ɓone ndɨjen nyakɔj a? Rota la m'ndɨ m'elsɨ ye: deg kɨ kaglot kɨ ɓone a oon nyakɔj mad kɨɗang al.
13Nõbe Jeju tĩnya Parisɨg, na tel al kam toot gog aw gang bah gid ko nu.
Ta lo berrkasɨ kɨ ɔj go nyandoo lo Parisɨg kɨ kɨ lo deg lo Herod
(Oo Mat 16:5-12)
14Kam ngéndoog lo Jeju oi dɔ kɔi kuɓɨr bɨna, na ĩn kɨ kuɓɨr bɨna kɨɗabe la kam toot ye. 15Jeju ndad mber kɨ tɔgɨn an: Oon go rosɨ maj dɔ berrkasɨt lo Parisɨg kɨ kɨ lo Herod.
16Ad ngéndoog loa ɔjɨn na ta kudt elɨn anan: I kɨta nyasa'n goto jijt la elɨn ta 'nten ye. 17Jeju oo ta gaad ɓet ad eld an: Kɨtɔɗi i ndɨ ɔjɨn ne ta dɔ bɨna kɨ lɔit kɨ goto jisɨt a? Mbã tajigla goosɨ losɨ goto oo? A i gerɨn girr nyandoo lom ye ale? Ĩn deg kɨ kurdɔsɨ oi mbukɨ. 18Awɨn kɨ kum kɨta koo lo, na i oon lo al, awɨn kɨ mbisɨ kɨta koo dɔ ta, na oon dɔ ta al, adɨn kamsɨ gah dɔt al. 19Lon m'keg kuɓɨr bɨna kɨmi kɨta deg dub mi ye, ndeg buda kɨ nãi ye, ɗoosɨ keh bãi a? Turɨna anan: Ɗoosɨ keh kɨlah gidaijoo.
20Jeju eld tɔ an: Lon m'keg kuɓɨr bɨna tanãimɨta mad deg dub sɔɔ san ye, buda n'nãi ye, ɔin ɗoosɨ keh bãi a? 21Turɨna anan: I keh tanãimɨta. Eld an: I gerɨn girra al ɓaitɔ ɔ?
Jeju yoot mundo kɨ Besaidat
(Oo Mrk 10:46-52; Jã 9:1-11)
22Jeju kɨ ngéndoog lon awɨn Besaidat. Deg ɗen kɨ mundo mad roat, ndɨjena kad kɨ ɔda. 23Jeju hɔ ji mundo, ɔrra aw sia gid ɓet; kamla tiw hortan kumat, na nda jin dɔat na ndɨjea ta an: Oo nya mad e?
24Mundo tee kumɨn na el an: M'oo deg, tit kɨ kagg be, na ɗa ndian. 25Jeju tel nda jin dɔ kum mundot gog ɓaitɔ, mundo oo lo kɨɗingg kɨ nont, yoot, oo nyag tube ar nyang. 26Jeju ela an: Aw ɓe loi, ot kaw kam ɓet.
Pierr elta dan dɔ Jeju, an i Krist
(Oo Mat 16:13-20; Luk 9:18-27)
27Jeju aw sed ngéndoog lon ngan ɓegt kɨ nderbe kɨ kam dɔningt'n a kunɨna Sejare kɨ Pilipt. Lon ĩn dɔ ɗobt ye, ndɨje ngéndoog lon an: Deg ndɨ elɨn anan: Mĩ nõ a?
28Ngéndoog loa turɨna anan: Deg madg ndɨ elɨn anan ĩ Jã kɨ ngeɗa deg baptem deg, kɨmadg ndɨ elɨn anan ĩ Eli, kɨmadg tɔ ndɨ elɨn anan: Ĩ kɨkɨɗa ku ngekelta kɨ ta Luwaht. 29Jeju ndɨjed an: Na ĩn ye; i ndɨ elɨn anan mĩ nõ a? Pierr tura an: Ĩla ĩ Krist ye.
30Jeju ndad mber kɨ tɔgɨn kad kɨ elɨn ta 'nten de mad al.
Jeju elta dɔ koint kɨ ɓain lo koit
(Oo Mat 16:21-28; Luk 9:22-27)
31Kamla Jeju mba girr ndoo ngéndoog lon an: Kari na Ngon de a ngahkõ ngãibe, kɨbog lo Juipg, ngéjanyamosɨkadkari, kɨ ngéndoo deg mberkɨnda a ɔsɨna ta, a tɔlɨna, na go ndɔt kɨmita a ne, a ɓai lo koit. 32Eld ta 'nten kɨ tɨga wakɨsɨ. Ye Pierr ɔrra kɔt ko kɨɗa, mba girr kɔl sia ela an: Ot kelta titbe. 33Na Jeju mbel kumɨn kɨ gog oo ngéndoog lon, na kɔl kɨ Pierr an: Sitan aw sãi. I tel kɔ gidɨmt. Ta gaai i ta lo Luwah al, na i ta gaa lo deg.
34Kamla Jeju kun koosɨdeg sed ngéndoog lon kɨ ront, na eld an: Ĩla de mad ndig kad'n ndulo gom a ne, maj kad ɔrr ta ron kɔ balang, kɨ un kag dɔsɨ lon, kamla kɨ n'ndulo gom ye. 35Kɨtɔ de'n ndig kɨ n'aj ron dɔningt la a ne, a la ron kɔ na de'n la ron kɔ kɨtatɔm ho kɨta Hoita kɨmaj a ne, a aj. 36Ĩla de ngah nyamajg kɨ dɔningt kɨtaagbe, na nal kumkajir kɨ jeje ye, ndaa i ɗi a? 37Ɗi de a ad kɨ'n gan kot ndɨ kɨ dɔ dõ a? 38De'n hã roa ndɨ sɔla kɨtatɔm ho, kɨta ta lom ho, ku degt kɨmajal kɨ ɗug gɔligɔli kɨ kaglot'n ɗan a ne, mĩ Ngon de m'a m'la rosɔl dɔat ho, lon m'a m'tel m'ɗen kam kunjt kɨɗangeɗeng lo Bɔwm nat kɨ malaikag kɨjaɓat.
Zur Zeit ausgewählt:
Mark 8: MlL
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Mbai Bible Revision © Bible Society of Chad, 2015.
Mark 8
8
Jeju ad nyasa deg dub sɔɔ
(Oo Mat 15:32-39; Mrk 6:35-44; 2 Ngar 4:42-44)
1Ndɔ mad, koosɨdeg tel kawɨn na kɨ nat tɔ. Na nyasa kad deg'n non san goto. Ye Jeju kun ngéndoog lon eld an: 2Ta õ kamm ngãi kɨta koosɨdeg'n ɗan, kɨta asɨ ndɔ mɨta ɓone la ĩn nat sem, na nya mad kad san goto. 3Ĩla m'ad'd tel awɨn ɓe kɨ ɓo kamdt a ne, kumd a il dɔ ɗobt ad tɔgd a goto, kɨta kɨmadg ɓain ko kɨ sãi.
4Ngéndoog loa turɨna anan: Ja kɨ ɗa titbãi kad jad nyasa koosɨdeg'n ɗan sa ndenɨn kɨ dɨlalot nẽbe a?
5Jeju ndɨjed an: Ĩn kɨ kuɓɨr bɨna bãi jisɨt nõ. Ngéndoog turɨna anan: J'aw kɨ kuɓɨr kuɓɨr bɨna tanãimɨta.
6Kamla Jeju el koosɨdeg kad ndɨn ber dɔningt. Ɔi bɨnag kɨ lɔi tanãimɨta, na ɗa mersi Luwah kamla hɔ tet ad ngéndoog kad kɨ luɓon koosɨdeg. 7Awɨn kɨ ngan kanj tẽbe. Jeju ɗa mersi Luwah, kamla keg ngéndoog lon kad luɓon. 8Deg san, ndenɨn. Ngéndoog ɔin ndeg bud kuɓɨr bɨna ye, ɗoosɨ keh tanãimɨta. 9Deg tube asɨn dub sɔɔ. Kamla Jeju nyad ad awɨn ɓe. 10Tajigt al kam toot sed ngéndoog lon awɨn kam dɔning Dalmanutat.
Parisɨg ndɨjen Jeju kad ɗa nyakɔj mad
(Oo Mat 16:1-12; Mat 12:38-39; Luk 11:16,29)
11Parisɨg ɗen ro Jejut, mbã girr majɨn ta kɨ Jeju, yan gum kad Jeju so kamt kɨgo ɗob tag kɨ ndɨje dang dang, elɨna anan i ɗa nyakɔj mad takumjt ne ad j'oo, kad ɔj'jɨn kad i Luwah la lai jeje ye. 12Jeju lako pũ kɨ tɔgɨn, kamla el an: Kɨtɔɗi deg kɨ dɔkaglot kɨ ɓone ndɨjen nyakɔj a? Rota la m'ndɨ m'elsɨ ye: deg kɨ kaglot kɨ ɓone a oon nyakɔj mad kɨɗang al.
13Nõbe Jeju tĩnya Parisɨg, na tel al kam toot gog aw gang bah gid ko nu.
Ta lo berrkasɨ kɨ ɔj go nyandoo lo Parisɨg kɨ kɨ lo deg lo Herod
(Oo Mat 16:5-12)
14Kam ngéndoog lo Jeju oi dɔ kɔi kuɓɨr bɨna, na ĩn kɨ kuɓɨr bɨna kɨɗabe la kam toot ye. 15Jeju ndad mber kɨ tɔgɨn an: Oon go rosɨ maj dɔ berrkasɨt lo Parisɨg kɨ kɨ lo Herod.
16Ad ngéndoog loa ɔjɨn na ta kudt elɨn anan: I kɨta nyasa'n goto jijt la elɨn ta 'nten ye. 17Jeju oo ta gaad ɓet ad eld an: Kɨtɔɗi i ndɨ ɔjɨn ne ta dɔ bɨna kɨ lɔit kɨ goto jisɨt a? Mbã tajigla goosɨ losɨ goto oo? A i gerɨn girr nyandoo lom ye ale? Ĩn deg kɨ kurdɔsɨ oi mbukɨ. 18Awɨn kɨ kum kɨta koo lo, na i oon lo al, awɨn kɨ mbisɨ kɨta koo dɔ ta, na oon dɔ ta al, adɨn kamsɨ gah dɔt al. 19Lon m'keg kuɓɨr bɨna kɨmi kɨta deg dub mi ye, ndeg buda kɨ nãi ye, ɗoosɨ keh bãi a? Turɨna anan: Ɗoosɨ keh kɨlah gidaijoo.
20Jeju eld tɔ an: Lon m'keg kuɓɨr bɨna tanãimɨta mad deg dub sɔɔ san ye, buda n'nãi ye, ɔin ɗoosɨ keh bãi a? 21Turɨna anan: I keh tanãimɨta. Eld an: I gerɨn girra al ɓaitɔ ɔ?
Jeju yoot mundo kɨ Besaidat
(Oo Mrk 10:46-52; Jã 9:1-11)
22Jeju kɨ ngéndoog lon awɨn Besaidat. Deg ɗen kɨ mundo mad roat, ndɨjena kad kɨ ɔda. 23Jeju hɔ ji mundo, ɔrra aw sia gid ɓet; kamla tiw hortan kumat, na nda jin dɔat na ndɨjea ta an: Oo nya mad e?
24Mundo tee kumɨn na el an: M'oo deg, tit kɨ kagg be, na ɗa ndian. 25Jeju tel nda jin dɔ kum mundot gog ɓaitɔ, mundo oo lo kɨɗingg kɨ nont, yoot, oo nyag tube ar nyang. 26Jeju ela an: Aw ɓe loi, ot kaw kam ɓet.
Pierr elta dan dɔ Jeju, an i Krist
(Oo Mat 16:13-20; Luk 9:18-27)
27Jeju aw sed ngéndoog lon ngan ɓegt kɨ nderbe kɨ kam dɔningt'n a kunɨna Sejare kɨ Pilipt. Lon ĩn dɔ ɗobt ye, ndɨje ngéndoog lon an: Deg ndɨ elɨn anan: Mĩ nõ a?
28Ngéndoog loa turɨna anan: Deg madg ndɨ elɨn anan ĩ Jã kɨ ngeɗa deg baptem deg, kɨmadg ndɨ elɨn anan ĩ Eli, kɨmadg tɔ ndɨ elɨn anan: Ĩ kɨkɨɗa ku ngekelta kɨ ta Luwaht. 29Jeju ndɨjed an: Na ĩn ye; i ndɨ elɨn anan mĩ nõ a? Pierr tura an: Ĩla ĩ Krist ye.
30Jeju ndad mber kɨ tɔgɨn kad kɨ elɨn ta 'nten de mad al.
Jeju elta dɔ koint kɨ ɓain lo koit
(Oo Mat 16:21-28; Luk 9:22-27)
31Kamla Jeju mba girr ndoo ngéndoog lon an: Kari na Ngon de a ngahkõ ngãibe, kɨbog lo Juipg, ngéjanyamosɨkadkari, kɨ ngéndoo deg mberkɨnda a ɔsɨna ta, a tɔlɨna, na go ndɔt kɨmita a ne, a ɓai lo koit. 32Eld ta 'nten kɨ tɨga wakɨsɨ. Ye Pierr ɔrra kɔt ko kɨɗa, mba girr kɔl sia ela an: Ot kelta titbe. 33Na Jeju mbel kumɨn kɨ gog oo ngéndoog lon, na kɔl kɨ Pierr an: Sitan aw sãi. I tel kɔ gidɨmt. Ta gaai i ta lo Luwah al, na i ta gaa lo deg.
34Kamla Jeju kun koosɨdeg sed ngéndoog lon kɨ ront, na eld an: Ĩla de mad ndig kad'n ndulo gom a ne, maj kad ɔrr ta ron kɔ balang, kɨ un kag dɔsɨ lon, kamla kɨ n'ndulo gom ye. 35Kɨtɔ de'n ndig kɨ n'aj ron dɔningt la a ne, a la ron kɔ na de'n la ron kɔ kɨtatɔm ho kɨta Hoita kɨmaj a ne, a aj. 36Ĩla de ngah nyamajg kɨ dɔningt kɨtaagbe, na nal kumkajir kɨ jeje ye, ndaa i ɗi a? 37Ɗi de a ad kɨ'n gan kot ndɨ kɨ dɔ dõ a? 38De'n hã roa ndɨ sɔla kɨtatɔm ho, kɨta ta lom ho, ku degt kɨmajal kɨ ɗug gɔligɔli kɨ kaglot'n ɗan a ne, mĩ Ngon de m'a m'la rosɔl dɔat ho, lon m'a m'tel m'ɗen kam kunjt kɨɗangeɗeng lo Bɔwm nat kɨ malaikag kɨjaɓat.
Zur Zeit ausgewählt:
:
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Mbai Bible Revision © Bible Society of Chad, 2015.