Mark 6
6
Deg kɨ Najaret't adɨn kamd Jeju al
(Oo Mat 13:54-58; Luk 4:16-30)
1Jeju ɓai lot'n non, aw Najaret't gog, ɓet'n tɔg tit. Ngéndoog loa ĩn nat sia. 2Lon ndɔ taakò asɨ ye, Jeju mba girr ndoo deg kam kuj kawnat lo Juipg. Deg kɨ ngãin ndɨ oon dɔ ta loa ye, ta yad ad elɨn anan: De'n ɗan ngah nyandoo lon ye kokɨɗa a? Terr'n adɨna ye, i terr kɨ titbãi a? Nyag kɨ yaya'n ndɨ ɗa ye, tee kokɨɗa a? 3De'n ɗan, i sarpentie ye ale? Ngon Mari, ngonkõ Jak kɨ Jose kɨ Jud kɨ Simõ, ngankõa kɨdẽg tube ndan ɓe nat sej nẽbe ale? Oon Jeju nya ga gigt kɨtad, ndɨ adɨna kamd al. 4Jeju eld an: Ngekelta kɨ ta Luwaht a ngah kɔsɨgon kɨ log tube, na kam ɓe koojat kɨ ku noojagt, kɨ deg kɨ kam kujt loa, a ngah kɔsɨgon tit al. 5Ad Jeju ɗa nyag kɨ yaya kam ɓet kɨ Najaret't al, na ndajɨn dɔ ngérotogt madg la ad yootɨn ye. 6Ta ya Jeju dɔ kam kongkongt lod.
Jeju la ngombankɨlag lon kɨlah gidaijoo
(Oo Mat 10:5-14; Luk 9:1-6; Luk 10:1-20)
Kamla Jeju lago nganɓeg tube'n gugɨn dɔ ɓebo kɨ Najaret wom a ndoo deg. 7Jeju kun ngombankɨlag lon kɨlah gidaijoo lad joo joo, ad'd tɔg dɔ ndilgt kɨyerr. 8Na ndad mber an: Ot kunɨn nya mad jisɨt kɨta ɗob, na gɔl kɨɗabe tã. A unɨn nyasa jisɨt al, ke ɓɔl, ke nar kam nya dɔ ɓosɨt al. 9I lan saag njasɨt, na ot kad i lan kub dɔ nat joo.
10Jeju eld tɔ an: Lon i teen ɓebot mad, kuj kɨɗen a andɨnt ye, i ndɨnt ro degt'n hɔsɨn kɨ rodt nõbe mbã kad i ɓain ne lot'n non.
11Na ĩla lot mad deg mbet hɔsɨn kɨ rodt ho, oon dɔ ta losɨ al ho a ne, i ndɔt'n lot'n non kɔ. Lon i ndɨ i ɓain lot'n non a ne, i ndan bu kɨ da njasɨt kɔ. Kɨgo ɗob 'nten la a ɔjɨnd ne kad ɗan nya kɨ majal ye. 12Ngéndoog ɓai awɨn lan mber Hoita kɨmaj, elɨn deg kad kɨ tɔrrɨn ndid. 13Ngéndoog tuɓan ndil kɨyerrg ngãibe, yootɨn ngérotog ngãi ho, wurɨnd kɨ yib.
Koi lo Jã kɨ ngeɗa deg baptem deg
(Oo Mat 14:1-12; Luk 3:19-20; Luk 9:7-9)
14Ngar Herod Antipas oo hoi Jeju kɨta tɔ Jeju ko ngãibe. Deg madg ndɨ elɨn anan: I Jã kɨ ngeɗa deg baptem la ɓai lo koit ye, kɨta 'nten la ndin kɨ tɔg kad ɗan nyag kɨ yaya ye. 15Na deg madg elɨn tɔ anan: I Eli, kɨmadg tɔ elɨn anan: I ngekelta kɨ ta Luwaht ke kɨkɨɗa ku ngékelta kɨ ta Luwaht kɨ maɗi.
16Lon Herod oo dɔ tag'n non ye, an: I Jã kɨ ngeɗa deg baptem kan m'gang dɔa nõ la ɓai lo koit ye.
17Herod Antipas ĩ kɨɓe kɨ dɔn la, la deg ad hɔn Jã, dɔnah, na lana dangait ye. Herod ɗa titbe kɨta taa Herodiad kɨ nẽ ngonkõ Pilip. 18Kɨtɔ Jã el Herod kɨ nja natnatbe an: I goɗobat al kad i taa nẽ ngonkõi. 19Kɨtɔ nya 'nten Herodiad hɔn Jã kamɨnt, ndig kɨ'n tɔla, na ngah ta ɗob al. 20Kɨtɔ Herod ɓool ndil Jã, na ger kad Jã i de kɨdenesew ho, i de kɨjaɓat tɔ ho, ad Herod ngom Jã maj kam dangait. Lon Herod a oo dɔ ta lo Jã ye, kama a daa ta paa; be kaa ne, roa nela ngãi kad oo dɔ ta loa. 21Na ndɔ mad Herodiad ngah ta ɗob kad'n tɔl Jã. I ndɔ ɗanah kooj Herod, ad Herod ɗa mburr nam kunɨn kɨbog, kɨ bɨradɔg, kɨ kɨrãɗɔɔg lon, kɨ deg kɨbobog kɨ Galilet. 22Ngon Herodiad kɨdẽ and kam kujt, tee ndom ad ro Herod nela ngãi nat kɨ deg'n ndɨ san nya nat sia, ad ngar el ngon kɨdẽ'n non, an: I ndɨjem nya kɨ kami ndig, na mĩ m'a m'adi. 23Ngar un kɔn ada kɨ yokɨnda an: Nya ɗi i ndɨjem kaa ne, m'a m'adi, ke neni i ndɨjem gaj kõɓe lom kaa ne m'a m'adi. 24Ngon kɨdẽ tee aw ngah kon ndɨjea an: Ka m'kɔ ɗi a? Kõa tura an: I ndɨje dɔ Jã kɨ ngeɗa deg baptem.
25Ngon kɨdẽ kɨ mand aw kanangbe kɨ ngɔdg ro ngart ela an: M'ndig kad adɨm tajigt ne dɔ Jã kɨ ngeɗa deg baptem kam bugurt. 26Kam ngar il ngãi, na kɨta yon nda nõ degt ta nyasat ye, asɨ kad mbet nya'n ngon kɨdẽ ndɨjea nõ al. 27Tajigt, Ngar la asɨgar mad, ndaa mber an: Aw, i gang dɔ Jã kɨ ngeɗa deg baptem i ɗen adɨm. 28Asɨgar aw gang dɔ Jã kam kuj dangait, ɗe kɨ dɔa kam bugurt ad ngon kɨdẽ'n non, ĩ tɔ taa telɨn ad kon. 29Lon ngéndoog lo Jã oon hoia ye, ɗe unɨn ruma aw duwɨn ɓenint.
Jeju ad nyasa deg dub mi.
(Mat 14:13-21; Luk 9:10-17; Jã 6:1-14)
30Ngombangkɨlag tel kawɨn na kɨ ro Jejut ɔrrɨna hoi kɨlag tube'n ɗan nõ, kɨ nyag'n ndoon deg nõ. 31Jeju eld an: I ɗen gomt so kad jĩ kɨɓe kɨ ndɨ sãi takum degt, lot kɨ de gotot kad i taankò ngonsĩ. Kɨtɔ koosɨdeg ngãibe ndɨ ɗen ho, ndɨ telɨn ho, ad Jeju kɨ ngéndoog lon ngahn kaglo sanya al.
32Kɨtɔ 'nten awɨn kam toot kad'n ndɨn lot mad kɨ de gotot. 33Na deg ngãibe oon god, ndɨ awɨn, ad teen kɨ nganɓeg, ãin ngɔd aw teen kete nõ Jejut kɨ ngéndoog lon.
34Lon Jeju ndɨ ɗisɨ kam toot kɨ ber ye, oo koosɨdeg, tit ɓut batg'n ngekuld goto, ad ta õ kama kɨtad. Mba girr ndood nyag ngãibe. 35Na lon kàd ndɨ aw kɨ n'ud ye ngéndoog lo Jeju ndɔt'n kɨ roat, na elɨna anan: Kàd ndɨ ud na lo 'nten, i dɨlalo kɨ de gotot.
36Ad koosɨdeg awɨn kɨ kam ndɔɔg kɨ nganɓeg'n gugɨn dɔ lo 'nten, nõbe a asɨn kad ndugon nyasad tit. 37Na Jeju tur ngéndoog lon an: Ĩn kɨɓe kɨ dɔsɨ adɨnd nyasa. Na elɨna anan: I ndig kad j'aw kɨ ndugo kuɓɨr bɨna kɨ asɨ nar ɓujoo la kad kɨ jad'd san yo? 38Jeju eld an: Bɨna nduj kɨ lɔi i ɓai jisɨt a? Aw i nulɨn oon. Na lon nɔl oon ye, turɨna anan: J'aw kɨ kuɓɨr bɨna mi kɨkanj joo.
39Kamla, Jeju el ngéndoog lon an: Elɨn deg tube ad'd ndɨn ber kɨ ɓutɓut dɔ mut kɨ mbool.
40Deg ndɨn ber kɨ ɓutaɓuta, kɨmadg ɓu ɓu, na kɨmadg dɔmi dɔmi, 41Jeju ɔi kuɓɨr bɨna kɨmi kɨkanj joo. Un kumɨn kɨ dõ dɔrãt, kamla ɗa mersi Luwah, hɔ kuɓɨr bɨna tet ad ngéndoog lon kad luɓon deg, na keg kanj kɨjoo ad deg tube tɔ. 42Deg tube san nya ndenɨn. 43Ɔin bud kuɓɨr bɨna kɨ bud kanj kɨ nãi, ɗoosɨ keh kɨlah gidaijoo. 44Deg tube'n san kuɓɨr bɨna ye, ĩn dub mi.
Jeju ndia dɔ mant
(Mat 14:22-36; Jã 6:15-22)
45Tentenbe Jeju ɔsɨ ngéndoog lon tõtõ, ad alɨn kam toot, ndig kad awɨn kete nont gid baht ko nu, ko kɨ ɓebo Besaidat. Kaglot'n non el koosɨdeg kad tel awɨn lo ndɨdt gog. 46Lon Jeju el deg ad tel awɨn ɓe ye, aw dɔ mbalt kad nelta kɨ Luwah. 47Lon lo ndɨ dub ye, too ndɨ dan bahbot, na Jeju ɗa tɨga dɔningt kɨ kɨɗanbe. 48Jeju oo ngéndoog lon nelɨn too set, ad ɔrrɨn rɔkɨ, kɨta nel ndɨ la kɨ dɔdt kɨ tɔgɨn. Jeju aw rodt, i kàd kɨmita kɨ ta lotit, a ndia dɔ bahbot, ɗa kɨ'n tɔid. 49Na lon ngéndoog loa oona a ndia dɔ baht ye, anan: I mã de mad, ad koon na mbiting. 50Kɨtɔ ĩn tube, lon oona ye, ɓoolɨn ad kamd gang ngalang. Na Jeju eld tajigt an: Iren kamsɨ, i mĩ. Ot ɓoolɨn. 51Kamla al kam toot godt, nel kaa ne duba ad ta ya ngéndoog loa kɨ dumbit. 52Kɨtɔ ngéndoog gerɨn girr kuɓɨr bɨna'n Jeju keg deg ad'd san al kɨta kamd kongkong.
Jeju yoot ngemõig kɨ dɔning Jenejaret't
53Jeju kɨ ngéndoog lon gangɨn bahbo teen kam dɔning Jenejaret't. 54Lon ɗisɨn kam toot ye, deg gerɨn Jeju tajigt. 55Lan go log kɨ dɔning Jenejaret't tube, ad deg oon hoi Jeju kad ndit nõ. 56Kɨ log tube'n Jeju awt ye, ke kam nganɓet, kɨ kam ɓebogt, kɨ kam gawg, deg ɗen kɨ ngérotog kam sukɨgt, na kɔna kad nya ta ɗob ad ngérotog ɔdɨn ta ji kub loa. Deg tube'n ɔdɨna ye, yootɨn dɔ mõigt lod.
Zur Zeit ausgewählt:
Mark 6: MlL
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Mbai Bible Revision © Bible Society of Chad, 2015.
Mark 6
6
Deg kɨ Najaret't adɨn kamd Jeju al
(Oo Mat 13:54-58; Luk 4:16-30)
1Jeju ɓai lot'n non, aw Najaret't gog, ɓet'n tɔg tit. Ngéndoog loa ĩn nat sia. 2Lon ndɔ taakò asɨ ye, Jeju mba girr ndoo deg kam kuj kawnat lo Juipg. Deg kɨ ngãin ndɨ oon dɔ ta loa ye, ta yad ad elɨn anan: De'n ɗan ngah nyandoo lon ye kokɨɗa a? Terr'n adɨna ye, i terr kɨ titbãi a? Nyag kɨ yaya'n ndɨ ɗa ye, tee kokɨɗa a? 3De'n ɗan, i sarpentie ye ale? Ngon Mari, ngonkõ Jak kɨ Jose kɨ Jud kɨ Simõ, ngankõa kɨdẽg tube ndan ɓe nat sej nẽbe ale? Oon Jeju nya ga gigt kɨtad, ndɨ adɨna kamd al. 4Jeju eld an: Ngekelta kɨ ta Luwaht a ngah kɔsɨgon kɨ log tube, na kam ɓe koojat kɨ ku noojagt, kɨ deg kɨ kam kujt loa, a ngah kɔsɨgon tit al. 5Ad Jeju ɗa nyag kɨ yaya kam ɓet kɨ Najaret't al, na ndajɨn dɔ ngérotogt madg la ad yootɨn ye. 6Ta ya Jeju dɔ kam kongkongt lod.
Jeju la ngombankɨlag lon kɨlah gidaijoo
(Oo Mat 10:5-14; Luk 9:1-6; Luk 10:1-20)
Kamla Jeju lago nganɓeg tube'n gugɨn dɔ ɓebo kɨ Najaret wom a ndoo deg. 7Jeju kun ngombankɨlag lon kɨlah gidaijoo lad joo joo, ad'd tɔg dɔ ndilgt kɨyerr. 8Na ndad mber an: Ot kunɨn nya mad jisɨt kɨta ɗob, na gɔl kɨɗabe tã. A unɨn nyasa jisɨt al, ke ɓɔl, ke nar kam nya dɔ ɓosɨt al. 9I lan saag njasɨt, na ot kad i lan kub dɔ nat joo.
10Jeju eld tɔ an: Lon i teen ɓebot mad, kuj kɨɗen a andɨnt ye, i ndɨnt ro degt'n hɔsɨn kɨ rodt nõbe mbã kad i ɓain ne lot'n non.
11Na ĩla lot mad deg mbet hɔsɨn kɨ rodt ho, oon dɔ ta losɨ al ho a ne, i ndɔt'n lot'n non kɔ. Lon i ndɨ i ɓain lot'n non a ne, i ndan bu kɨ da njasɨt kɔ. Kɨgo ɗob 'nten la a ɔjɨnd ne kad ɗan nya kɨ majal ye. 12Ngéndoog ɓai awɨn lan mber Hoita kɨmaj, elɨn deg kad kɨ tɔrrɨn ndid. 13Ngéndoog tuɓan ndil kɨyerrg ngãibe, yootɨn ngérotog ngãi ho, wurɨnd kɨ yib.
Koi lo Jã kɨ ngeɗa deg baptem deg
(Oo Mat 14:1-12; Luk 3:19-20; Luk 9:7-9)
14Ngar Herod Antipas oo hoi Jeju kɨta tɔ Jeju ko ngãibe. Deg madg ndɨ elɨn anan: I Jã kɨ ngeɗa deg baptem la ɓai lo koit ye, kɨta 'nten la ndin kɨ tɔg kad ɗan nyag kɨ yaya ye. 15Na deg madg elɨn tɔ anan: I Eli, kɨmadg tɔ elɨn anan: I ngekelta kɨ ta Luwaht ke kɨkɨɗa ku ngékelta kɨ ta Luwaht kɨ maɗi.
16Lon Herod oo dɔ tag'n non ye, an: I Jã kɨ ngeɗa deg baptem kan m'gang dɔa nõ la ɓai lo koit ye.
17Herod Antipas ĩ kɨɓe kɨ dɔn la, la deg ad hɔn Jã, dɔnah, na lana dangait ye. Herod ɗa titbe kɨta taa Herodiad kɨ nẽ ngonkõ Pilip. 18Kɨtɔ Jã el Herod kɨ nja natnatbe an: I goɗobat al kad i taa nẽ ngonkõi. 19Kɨtɔ nya 'nten Herodiad hɔn Jã kamɨnt, ndig kɨ'n tɔla, na ngah ta ɗob al. 20Kɨtɔ Herod ɓool ndil Jã, na ger kad Jã i de kɨdenesew ho, i de kɨjaɓat tɔ ho, ad Herod ngom Jã maj kam dangait. Lon Herod a oo dɔ ta lo Jã ye, kama a daa ta paa; be kaa ne, roa nela ngãi kad oo dɔ ta loa. 21Na ndɔ mad Herodiad ngah ta ɗob kad'n tɔl Jã. I ndɔ ɗanah kooj Herod, ad Herod ɗa mburr nam kunɨn kɨbog, kɨ bɨradɔg, kɨ kɨrãɗɔɔg lon, kɨ deg kɨbobog kɨ Galilet. 22Ngon Herodiad kɨdẽ and kam kujt, tee ndom ad ro Herod nela ngãi nat kɨ deg'n ndɨ san nya nat sia, ad ngar el ngon kɨdẽ'n non, an: I ndɨjem nya kɨ kami ndig, na mĩ m'a m'adi. 23Ngar un kɔn ada kɨ yokɨnda an: Nya ɗi i ndɨjem kaa ne, m'a m'adi, ke neni i ndɨjem gaj kõɓe lom kaa ne m'a m'adi. 24Ngon kɨdẽ tee aw ngah kon ndɨjea an: Ka m'kɔ ɗi a? Kõa tura an: I ndɨje dɔ Jã kɨ ngeɗa deg baptem.
25Ngon kɨdẽ kɨ mand aw kanangbe kɨ ngɔdg ro ngart ela an: M'ndig kad adɨm tajigt ne dɔ Jã kɨ ngeɗa deg baptem kam bugurt. 26Kam ngar il ngãi, na kɨta yon nda nõ degt ta nyasat ye, asɨ kad mbet nya'n ngon kɨdẽ ndɨjea nõ al. 27Tajigt, Ngar la asɨgar mad, ndaa mber an: Aw, i gang dɔ Jã kɨ ngeɗa deg baptem i ɗen adɨm. 28Asɨgar aw gang dɔ Jã kam kuj dangait, ɗe kɨ dɔa kam bugurt ad ngon kɨdẽ'n non, ĩ tɔ taa telɨn ad kon. 29Lon ngéndoog lo Jã oon hoia ye, ɗe unɨn ruma aw duwɨn ɓenint.
Jeju ad nyasa deg dub mi.
(Mat 14:13-21; Luk 9:10-17; Jã 6:1-14)
30Ngombangkɨlag tel kawɨn na kɨ ro Jejut ɔrrɨna hoi kɨlag tube'n ɗan nõ, kɨ nyag'n ndoon deg nõ. 31Jeju eld an: I ɗen gomt so kad jĩ kɨɓe kɨ ndɨ sãi takum degt, lot kɨ de gotot kad i taankò ngonsĩ. Kɨtɔ koosɨdeg ngãibe ndɨ ɗen ho, ndɨ telɨn ho, ad Jeju kɨ ngéndoog lon ngahn kaglo sanya al.
32Kɨtɔ 'nten awɨn kam toot kad'n ndɨn lot mad kɨ de gotot. 33Na deg ngãibe oon god, ndɨ awɨn, ad teen kɨ nganɓeg, ãin ngɔd aw teen kete nõ Jejut kɨ ngéndoog lon.
34Lon Jeju ndɨ ɗisɨ kam toot kɨ ber ye, oo koosɨdeg, tit ɓut batg'n ngekuld goto, ad ta õ kama kɨtad. Mba girr ndood nyag ngãibe. 35Na lon kàd ndɨ aw kɨ n'ud ye ngéndoog lo Jeju ndɔt'n kɨ roat, na elɨna anan: Kàd ndɨ ud na lo 'nten, i dɨlalo kɨ de gotot.
36Ad koosɨdeg awɨn kɨ kam ndɔɔg kɨ nganɓeg'n gugɨn dɔ lo 'nten, nõbe a asɨn kad ndugon nyasad tit. 37Na Jeju tur ngéndoog lon an: Ĩn kɨɓe kɨ dɔsɨ adɨnd nyasa. Na elɨna anan: I ndig kad j'aw kɨ ndugo kuɓɨr bɨna kɨ asɨ nar ɓujoo la kad kɨ jad'd san yo? 38Jeju eld an: Bɨna nduj kɨ lɔi i ɓai jisɨt a? Aw i nulɨn oon. Na lon nɔl oon ye, turɨna anan: J'aw kɨ kuɓɨr bɨna mi kɨkanj joo.
39Kamla, Jeju el ngéndoog lon an: Elɨn deg tube ad'd ndɨn ber kɨ ɓutɓut dɔ mut kɨ mbool.
40Deg ndɨn ber kɨ ɓutaɓuta, kɨmadg ɓu ɓu, na kɨmadg dɔmi dɔmi, 41Jeju ɔi kuɓɨr bɨna kɨmi kɨkanj joo. Un kumɨn kɨ dõ dɔrãt, kamla ɗa mersi Luwah, hɔ kuɓɨr bɨna tet ad ngéndoog lon kad luɓon deg, na keg kanj kɨjoo ad deg tube tɔ. 42Deg tube san nya ndenɨn. 43Ɔin bud kuɓɨr bɨna kɨ bud kanj kɨ nãi, ɗoosɨ keh kɨlah gidaijoo. 44Deg tube'n san kuɓɨr bɨna ye, ĩn dub mi.
Jeju ndia dɔ mant
(Mat 14:22-36; Jã 6:15-22)
45Tentenbe Jeju ɔsɨ ngéndoog lon tõtõ, ad alɨn kam toot, ndig kad awɨn kete nont gid baht ko nu, ko kɨ ɓebo Besaidat. Kaglot'n non el koosɨdeg kad tel awɨn lo ndɨdt gog. 46Lon Jeju el deg ad tel awɨn ɓe ye, aw dɔ mbalt kad nelta kɨ Luwah. 47Lon lo ndɨ dub ye, too ndɨ dan bahbot, na Jeju ɗa tɨga dɔningt kɨ kɨɗanbe. 48Jeju oo ngéndoog lon nelɨn too set, ad ɔrrɨn rɔkɨ, kɨta nel ndɨ la kɨ dɔdt kɨ tɔgɨn. Jeju aw rodt, i kàd kɨmita kɨ ta lotit, a ndia dɔ bahbot, ɗa kɨ'n tɔid. 49Na lon ngéndoog loa oona a ndia dɔ baht ye, anan: I mã de mad, ad koon na mbiting. 50Kɨtɔ ĩn tube, lon oona ye, ɓoolɨn ad kamd gang ngalang. Na Jeju eld tajigt an: Iren kamsɨ, i mĩ. Ot ɓoolɨn. 51Kamla al kam toot godt, nel kaa ne duba ad ta ya ngéndoog loa kɨ dumbit. 52Kɨtɔ ngéndoog gerɨn girr kuɓɨr bɨna'n Jeju keg deg ad'd san al kɨta kamd kongkong.
Jeju yoot ngemõig kɨ dɔning Jenejaret't
53Jeju kɨ ngéndoog lon gangɨn bahbo teen kam dɔning Jenejaret't. 54Lon ɗisɨn kam toot ye, deg gerɨn Jeju tajigt. 55Lan go log kɨ dɔning Jenejaret't tube, ad deg oon hoi Jeju kad ndit nõ. 56Kɨ log tube'n Jeju awt ye, ke kam nganɓet, kɨ kam ɓebogt, kɨ kam gawg, deg ɗen kɨ ngérotog kam sukɨgt, na kɔna kad nya ta ɗob ad ngérotog ɔdɨn ta ji kub loa. Deg tube'n ɔdɨna ye, yootɨn dɔ mõigt lod.
Zur Zeit ausgewählt:
:
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Mbai Bible Revision © Bible Society of Chad, 2015.