Matie 8
8
Jeju yoot ngebanj mad
(Oo Mrk 1:40-45; Luk 5:12-14)
1Lon Jeju ɗisɨ dɔ mbalt ye, bakad koosɨg ndulon goa. 2Na oon, ngebanj mad ɗe roat, ndɨ kɨ dɔgojɨn, ɔsɨdɔn ber nõat, an: Bɨraɓe ĩla i ndig a ne, asɨ karɨm.
3Jeju la jin ɔdan, na el an: M'ndig, kɨ ar.
Tentenbe roa ar, banj loa urr. 4Kamla Jeju ela an: Oo maj, el de mad al; na aw i da roi ngejanyamosɨkadkari ada oo, na ad kadkari'n Moij nda mbera kete nõ, kɨtakad gerɨn ne takad banj urr roit.
Jeju yoot ngon ngekɨla lo bɨradɔ ngéɗɔɔg
(Oo Luk 7:1-10)
5Lon Jeju and Kapernawmt ye, Roma mad kɨ bɨradɔ ngéɗɔɔg ɓu, ɗe roat kɔa an: 6Bɨraɓe, ngon ngekɨla lom to ɓe nõ kɨ mõi rokoinjɔr, na roa toa ngãibe.
7Jeju ela an: M'a m'aw, na m'a m'yoota.
8Bɨradɔ ngéɗɔɔg kɨ ɓu'n non tur an: Bɨraɓe m'asɨ kad and kuju lom al, na elta kɨɗa ɗang a, ngon ngekɨla lom a yoot. 9Kɨtɔ mĩn mĩ girr kɨbogt lom, na mĩ kɨ ngéɗɔɔg jimt ye, ĩla m'el de kɨɗa m'an: Aw. A ne, aw; m'el kɨmad m'an: I ɗe so. A ne, ɗe; m'el ɓer lom m'an: I ɗa nya 'nten. A ne, a ɗa. 10Lon Jeju oo dɔ ta loa woi ye, nela dum, ad el ngéndulo gon an: M'ndɨ m'elsɨ ta kɨrota: Ku Israelgt kaa ne, m'ngaa kadkam Luwah kɨbo titbe al. 11Na m'ndɨ m'elsɨ, deg ngãibe a ɓain ko loɓakàdt kɨ lokudkàdt, a ɗe ndɨn ta nyasat nat kɨ Abraham, kɨ Isaak kɨ Jakob kam kõɓet kɨ dɔrãgt. 12Na a lan ngan ngékõɓe kɨ kam tilt kɨ tɨga; lot'n a nont kɨ dɔngang.
13Kamla Jeju el bɨradɔ ngéɗɔɔg an: Aw ɓe loi; kɨ ɗan sei tit'n i ndan kami dɔt. Na dɔkàdat nõ ngon ngekɨla yoot.
Jeju yoot mum Pierr kɨ deg madg ngãibe
(Oo Mrk 1:29-34; Luk 4:38-41)
14Goot, Jeju aw kam kujt lo Pierr, na oo mum Pierr to ber kɨ kɔtɨn, dɔa gaa ngãi. 15Jeju ɔd jia ad dɔga nyàa, kamla ɓai oo god kɨ nyasa.
16Lon lo sɔl ye, ɗen kɨ deg ngendil kɨmajalg koosɨ ro Jejut, na kɨ ta kɨ taat, ɔrrɨn ndil kɨmajalg'n non kɔ, ho yoot ngérotog tube, 17kɨtakad tɔlɨn ne ta ta'n Ejai, ngekelta kɨ ta Luwaht el an: Ĩ kɨɓe la ɔi rotog loj dɔnt, na to mõig loj dɔnt ho.
Titbãi de a ndulon go Jeju
(Oo Luk 9:57-62)
18Lon Jeju oo bakad koosɨg gugɨn dɔn ye, ndamber kad awɨn gid baht ko mad. 19Ngendang maktub mad ɗe roat ela an: Ngendoodeg, m'a m'ndulo goi kɨ log tube'n a awt. 20Jeju tura an: Talg awɨn kɨ ɓe tod, yelg kɨ dõ kaa awɨn kɨ kuj tod, na Ngon de oo lo kad la dɔnt al.
21Kɨmad ku ngéndoogt loa ela an: Bɨraɓe i nyam ad m'aw m'duw bɔwɨm kamtã.
22Na Jeju tura an: I ndulo gom, na i nya ngékoig, ad dubɨn ngékoig lod.
Jeju ad nélbarwãi duba, lo tel to lom
(Oo Mrk 4:35-41; Luk 8:22-25)
23Jeju ɓai toot, na ngéndoog loa ɓain goat. 24Na tentenbe, nélbarwãi kɨbobe ɓai dɔ bahbot mbã ad hul mang ɓain utɨn dɔ too. Na Jeju to ɓi. 25Ngéndoog awɨn roat ndoolɨna, anan: Bɨraɓe aj'j; tamj ndɨ tĩ.
26Eld an: Ĩn deg kɨ kadkam losɨ i tẽbe; kɨtɔɗi i ndɨ i ɓoolɨn ne a?
Kamla ɓai ndáng nélg kɨ bahbo, ad lo tel to loi kɨ dumbit. 27Taa ya deg ngãi ad anan: De'n ɗan i nõ nélg kɨ bahbo kaa ne, ndɨ telɨn rod go tat loa a?
Jeju ɔrr ndil kɨmajalg kam degt joo
(Oo Mrk 5:1-20; Luk 8:26-39)
28Lon Jeju tee gid bahbot ko mad kɨ dɔningt lo Gadaranag ye, deg joo ngendil kɨmajalg teen ko kam dɔɓadgt ndɔdɨna, ĩn ngérokatbang kɨtɔi, ad de mad kɨ asɨ tɔi kɨ ɗob'n non goto. 29Gan tad kot kɨbobe anan: Ngon Luwah. Ɗi ɓooj nat sei a? I ɗe la kad i ɗa sej nyakɨto kete tã kad kaglo asɨ a?
30Ɓut boorg ngãibe ɗa san nya sãi ko rodt. 31Ndilg kɨmajal kɔn Jeju anan: Ĩla i ge tuɓaj kɔ a ne, i laj kam ɓut boorgt'n ɗan nu nõ. 32Jeju eld an: Awɨn.
Ta la teen ne udɨn kam boorgt. Taa ne, ɓut boorg tube hurɨn ngɔd, ɗisɨn door lot kɨ hollo tuson kam bahbot, ad tamd tĩ kam mant. 33Ngékuldg ãina, awɨn kam ɓet a kɨ ɔrrɨn hoi nyag tube'n ɗan nya, kɨ hoi nyag'n ɗen dɔ ngendil kɨmajalgt nõ. 34Taa ne, deg kɨ kam ɓet tube tee ndɔdɨn Jeju; na lon lan kumd dɔat ye, koon yod dɔat kad tee kɔ mbal dɔningt lod.
Zur Zeit ausgewählt:
Matie 8: MlL
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Mbai Bible Revision © Bible Society of Chad, 2015.
Matie 8
8
Jeju yoot ngebanj mad
(Oo Mrk 1:40-45; Luk 5:12-14)
1Lon Jeju ɗisɨ dɔ mbalt ye, bakad koosɨg ndulon goa. 2Na oon, ngebanj mad ɗe roat, ndɨ kɨ dɔgojɨn, ɔsɨdɔn ber nõat, an: Bɨraɓe ĩla i ndig a ne, asɨ karɨm.
3Jeju la jin ɔdan, na el an: M'ndig, kɨ ar.
Tentenbe roa ar, banj loa urr. 4Kamla Jeju ela an: Oo maj, el de mad al; na aw i da roi ngejanyamosɨkadkari ada oo, na ad kadkari'n Moij nda mbera kete nõ, kɨtakad gerɨn ne takad banj urr roit.
Jeju yoot ngon ngekɨla lo bɨradɔ ngéɗɔɔg
(Oo Luk 7:1-10)
5Lon Jeju and Kapernawmt ye, Roma mad kɨ bɨradɔ ngéɗɔɔg ɓu, ɗe roat kɔa an: 6Bɨraɓe, ngon ngekɨla lom to ɓe nõ kɨ mõi rokoinjɔr, na roa toa ngãibe.
7Jeju ela an: M'a m'aw, na m'a m'yoota.
8Bɨradɔ ngéɗɔɔg kɨ ɓu'n non tur an: Bɨraɓe m'asɨ kad and kuju lom al, na elta kɨɗa ɗang a, ngon ngekɨla lom a yoot. 9Kɨtɔ mĩn mĩ girr kɨbogt lom, na mĩ kɨ ngéɗɔɔg jimt ye, ĩla m'el de kɨɗa m'an: Aw. A ne, aw; m'el kɨmad m'an: I ɗe so. A ne, ɗe; m'el ɓer lom m'an: I ɗa nya 'nten. A ne, a ɗa. 10Lon Jeju oo dɔ ta loa woi ye, nela dum, ad el ngéndulo gon an: M'ndɨ m'elsɨ ta kɨrota: Ku Israelgt kaa ne, m'ngaa kadkam Luwah kɨbo titbe al. 11Na m'ndɨ m'elsɨ, deg ngãibe a ɓain ko loɓakàdt kɨ lokudkàdt, a ɗe ndɨn ta nyasat nat kɨ Abraham, kɨ Isaak kɨ Jakob kam kõɓet kɨ dɔrãgt. 12Na a lan ngan ngékõɓe kɨ kam tilt kɨ tɨga; lot'n a nont kɨ dɔngang.
13Kamla Jeju el bɨradɔ ngéɗɔɔg an: Aw ɓe loi; kɨ ɗan sei tit'n i ndan kami dɔt. Na dɔkàdat nõ ngon ngekɨla yoot.
Jeju yoot mum Pierr kɨ deg madg ngãibe
(Oo Mrk 1:29-34; Luk 4:38-41)
14Goot, Jeju aw kam kujt lo Pierr, na oo mum Pierr to ber kɨ kɔtɨn, dɔa gaa ngãi. 15Jeju ɔd jia ad dɔga nyàa, kamla ɓai oo god kɨ nyasa.
16Lon lo sɔl ye, ɗen kɨ deg ngendil kɨmajalg koosɨ ro Jejut, na kɨ ta kɨ taat, ɔrrɨn ndil kɨmajalg'n non kɔ, ho yoot ngérotog tube, 17kɨtakad tɔlɨn ne ta ta'n Ejai, ngekelta kɨ ta Luwaht el an: Ĩ kɨɓe la ɔi rotog loj dɔnt, na to mõig loj dɔnt ho.
Titbãi de a ndulon go Jeju
(Oo Luk 9:57-62)
18Lon Jeju oo bakad koosɨg gugɨn dɔn ye, ndamber kad awɨn gid baht ko mad. 19Ngendang maktub mad ɗe roat ela an: Ngendoodeg, m'a m'ndulo goi kɨ log tube'n a awt. 20Jeju tura an: Talg awɨn kɨ ɓe tod, yelg kɨ dõ kaa awɨn kɨ kuj tod, na Ngon de oo lo kad la dɔnt al.
21Kɨmad ku ngéndoogt loa ela an: Bɨraɓe i nyam ad m'aw m'duw bɔwɨm kamtã.
22Na Jeju tura an: I ndulo gom, na i nya ngékoig, ad dubɨn ngékoig lod.
Jeju ad nélbarwãi duba, lo tel to lom
(Oo Mrk 4:35-41; Luk 8:22-25)
23Jeju ɓai toot, na ngéndoog loa ɓain goat. 24Na tentenbe, nélbarwãi kɨbobe ɓai dɔ bahbot mbã ad hul mang ɓain utɨn dɔ too. Na Jeju to ɓi. 25Ngéndoog awɨn roat ndoolɨna, anan: Bɨraɓe aj'j; tamj ndɨ tĩ.
26Eld an: Ĩn deg kɨ kadkam losɨ i tẽbe; kɨtɔɗi i ndɨ i ɓoolɨn ne a?
Kamla ɓai ndáng nélg kɨ bahbo, ad lo tel to loi kɨ dumbit. 27Taa ya deg ngãi ad anan: De'n ɗan i nõ nélg kɨ bahbo kaa ne, ndɨ telɨn rod go tat loa a?
Jeju ɔrr ndil kɨmajalg kam degt joo
(Oo Mrk 5:1-20; Luk 8:26-39)
28Lon Jeju tee gid bahbot ko mad kɨ dɔningt lo Gadaranag ye, deg joo ngendil kɨmajalg teen ko kam dɔɓadgt ndɔdɨna, ĩn ngérokatbang kɨtɔi, ad de mad kɨ asɨ tɔi kɨ ɗob'n non goto. 29Gan tad kot kɨbobe anan: Ngon Luwah. Ɗi ɓooj nat sei a? I ɗe la kad i ɗa sej nyakɨto kete tã kad kaglo asɨ a?
30Ɓut boorg ngãibe ɗa san nya sãi ko rodt. 31Ndilg kɨmajal kɔn Jeju anan: Ĩla i ge tuɓaj kɔ a ne, i laj kam ɓut boorgt'n ɗan nu nõ. 32Jeju eld an: Awɨn.
Ta la teen ne udɨn kam boorgt. Taa ne, ɓut boorg tube hurɨn ngɔd, ɗisɨn door lot kɨ hollo tuson kam bahbot, ad tamd tĩ kam mant. 33Ngékuldg ãina, awɨn kam ɓet a kɨ ɔrrɨn hoi nyag tube'n ɗan nya, kɨ hoi nyag'n ɗen dɔ ngendil kɨmajalgt nõ. 34Taa ne, deg kɨ kam ɓet tube tee ndɔdɨn Jeju; na lon lan kumd dɔat ye, koon yod dɔat kad tee kɔ mbal dɔningt lod.
Zur Zeit ausgewählt:
:
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Mbai Bible Revision © Bible Society of Chad, 2015.