Malaki Takɨdɔt
Takɨdɔt
Maktub lo ngekelta kɨ ta Luwaht Malaki maj a ne, i kɨ ndang kɨ ɓal kɨ 450 kete nõ kooj Jeju Krist't.
Juipg'n ɓain ɓe ɓert ɗe ndahn ɓe dɔningt lod gog asɨ ɓal ɓu. Oon ndi kunɨn ngekelta kɨ ta Luwaht Aje kɨ Jakari. Ɗan kuj ndub Luwah kɨ Jerusalemt gog kɨ ɓal kɨ (520 teen 515 kete nõ kooj Jeju Krist). Na kaglo'n non nya'n ndahn kamd dɔt ɗa nya al. Girrdeg kɨ ɓe lod ngahn kɔsɨgon kɨ tɔi loa al. Ad hɔtɔgba lod goto ho ɓan kul nya mad kɨtɔ maj lod kam ndɔgt kɨ to nõdt al.
Ngekelta kɨ ta Luwaht elta dɔ tat kɨ maj lo ngan Israel kɨ Luwah. I titbe la Malaki elɨn ta kɨ ta Luwaht ɔjɨn dɔ ji ndɨ deg kɨ pa ndia nõ Luwaht'n majal. Ngéjamosɨkadkari telɨn rod go tat lo Bɨraɓe al. (Mal 1:6-14). Mberkɨnda'n Luwah ad'd ye, telɨn rod got al (Mal 2:1-16). Na deg ndoon Luwah (Mal 3:6-11).
Be kaa ne Luwah kɔt Israel kad'n tara (Mal 1:2-5). Nya 'nten la i lo yaɓood ta lo Malaki ye, Malaki el deg kad mbelɨn hald, kɨta Luwah ndɔ mad a gang ta dɔ degt kɨgo ɗa denesewt lon (Mal 2:17; 3:5,13-21). Ngekelta kɨ ta Luwaht elta an Luwah a la kɨ ngekɨla lon kad ɗa go ɗob lon (Mal 3:1).
Luwah ad deg mberkɨnda kad ndɨn ne kɨ dɔd dõ. Ad la kɨ ngekelta kɨ tant. Maktub lo Malaki tɔltan kɨ nyag joo: Mberkɨnda kɨ ta kɨkelta Luwaht (Mal 3:22-24). Ta kɨ dɔboit'n non el kad kan deg gah dɔ Luwaht kɨ kadkarig loa ho kɨ ngoon na ho. I mber kaj kad deg ɗan ne go rod kɨta ngoon ne ndɔ gangta lo Luwah.
Zur Zeit ausgewählt:
Malaki Takɨdɔt: MlL
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Mbai Bible Revision © Bible Society of Chad, 2015.