Malaki 2
2
Mberkɨnda kɨta ngejanyamosɨ
1Tajigla, ĩn ngéjanyamosɨ, mberkɨnda 'nten i kɨtatɔsɨ. 2Ĩla oon dɔ al, ĩla i taan kɨ kamsɨt kad ɔsɨn gon tɔm al a ne, kel Bɨraɓe Ngekoosɨg, m'a m'la kɨ ndɔl kɨdɔsɨt, m'a m'ndɔl majkurrg losɨ. Ã, m'ndɔld woi kɨta i taan kɨ kamsɨt al, 3Oon, m'a m'tuj kohsɨ. M'a m'ũ ɓirɓit takumsɨt, ad i dã kadkarig losɨ kɨjakɔ, na a usɨn kɔ nat sia. 4Na a i gerɨn ta kad mĩ Bɨraɓe Ngekoosɨg mĩ la m'la kɨ mberkɨnda 'nten rosɨt kɨtakad kunkɔ lom kɨ Lebi a to lotont. 5Kunkɔ lom kɨ Lebi i kunkɔ kumkajir kɨ lapia, m'ada kad ɓool ɗaa, na ɓoolɨm tɔ, tɔm ndaa ɓoolt. 6Mberkɨnda kɨrota i taat na ngahn ta kɨgoot al ndartaat al. Ndia nat sem kam lapiat kɨ denesew mbã ad deg ngãibe nyan go majal kɔ. 7Kɨtɔ maj kad ndarta ngejanyamosɨ ngom nyager, na kam taat sumba kad deg sahn mberkɨnda tit, kɨta i ngombangkɨla lo Bɨraɓe Ngekoosɨg, 8Na ĩn, i nyan ɗob'n non kɔ adɨn mberkɨnda tel nya ga deg ngãibe gigt, i nujɨn kunkɔ lo Lebi, titbe la i takelɨm mĩ Bɨraɓe Ngekoosɨg ye. 9Kɨtɔ 'nten m'telsɨ nya kidt kɨ maja goto takum degt tube kɨta i ngomɨn go ɗob lom al, na i ndɨ ɔrrɨn deg dene, lon i ndɨ i ndoon ne mberkɨnda.
Nyaɗakɨro al lo Israelag
10Jĩ tube, bɔwj i kɨɗa ale? Luwah kɨɗabe hã ndahj al a? Kɨtɔɗi kɨ ɗan nya kɨro al kɨna, na kɨyerrɨn kɨ kunkɔ lo bɔwjg a? 11Juda ɗa nya kɨro al na deg ɗan nya kɨyerr kam Israelt kɨ Jerusalem kɨta Juda yerr kɨ lo kɨjaɓat lo Bɨraɓe'n Bɨraɓe tara na taa ngon kɨdẽ kɨ ngeɗayo. 12Bɨraɓe a ɔrr de kɨ ngeɗa nya 'nten kɔ kam kujkubgt lo Jakob kad de kɨ ngemanaj, ke ngeturta ke ngela kadkari kad Bɨraɓe Ngekoosɨg goto. 13Oon, nya'n i ɗan ɓaitɔ, laten: Utɨn dɔ dɨngɨr lo Bɨraɓe kɨ man nõ kɨ nõ kɨ tõ ɗusɨɗusɨ kɨta oo maj kadkari al, taa jisɨt kɨ kamndig al tɔ, 14na i ndɨjen anan: Kɨtɔɗi Bɨraɓe mbet kadkari losɨ? Kɨtɔ Bɨraɓe i ngemanaj dãsɨt, ĩ kɨ nẽi'n i taa basait nu mbã, I ɗa sia nya kɨ ro al, i nami ngendɨ sei, i dekɨdẽ kunkɔ loi, be kaa i tee girrat kɔ. 15Luwah ndahsɨ kɨɗabedo ale? Dãro kɨɗen kɨ ndil ɔd ron kamt ale? Na dekɨ ɗanbe'n non ge ɗi a? Ge ngah ngang'n Luwah ad, be ale? Kɨtɔ 'nten oon go rosɨ maj kad de mad kusɨt la rosɔl dɔ dekɨdẽt kɨ taa kɨ Basan al. 16Kɨtɔ m'ɔsɨ ta ngetuɓa dekɨdẽ, kel Bɨraɓe Luwah lo Israel, kɨta 'nten oon go rosɨ maj, na kad i majɨn go kunkɔ losɨ kɨ unɨn nõ, kel Bɨraɓe kɨ Ngekoosɨg 17I ndan Bɨraɓe kɔrt kɨ tag losɨ, na i ndɨ anan: Kɨ ndaa kɔrt kɨ ɗi a? Lon elɨn anan: Dekɨɗen'n, ɗa majal a ne, i kɨmaj takum Bɨraɓet, na kamdt la ngahn ronel tit ye. Ndɨjen tɔ anan: Luwah kɨdenesew i ɗah?
Zur Zeit ausgewählt:
Malaki 2: MlL
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Mbai Bible Revision © Bible Society of Chad, 2015.