Oje 5
5
Luwah a nda ɔj Israelag kɨta kaya lod kɨ ɗa
1Ĩn ngéjamosɨ kadkarig,
oon dɔ ta 'nten. Ĩn ngékɨɓe lo Israel,
i nelɨn mbisɨ. Ĩn ngékɨɓe lo ngar,
oon dɔ ta. Takɨgang
i dɔsɨt kɨta ĩn gum kɨya kam ɓet kɨ Mispa
ĩn band kɨ dɔ mbalbo Tabort.
2Kɨtakul kadkarig lod kɨjakɔ
ngétaɗɔɔg udɨn yudum kam tɔidɔtat,
na m'a m'nda m'ɔjd tube.
3M'ger Epraim,
na Israel asɨ yaron romt al
kɨta tajigla ĩ Epraim, i ɗakaya,
na Israel yerr kɨ ron.
4Kɨlaɗad ɔgd tel kɨ ro Luwaht lod
kɨta ndil ɗakaya i kamdt,
na gerɨn Bɨraɓe al.
5Dɔngang lo Israel manaj dɔat takumat.
Israel kɨ Epraim a tuson kam ɗagootalt lod.
Juda tɔ a so nat sed.
6A awɨn kɨ batg lod
kɨ mangg lod sahn Bɨraɓe,
na a ngahna al; Bɨraɓe ɔrr ron rodt kɔ.
7Ĩn ngéɗadenesew al kɨ Bɨraɓe
kɨta oojɨn ngang'n ĩn loa al.
Tajigla Bɨraɓe a nujd kɨ nyamajg lod
tube kam naht kɨ kɨɗabe.
8I kunɨn towɗɔɔ kam ɓet kɨ Gibea.
I kunɨn brunj kam ɓebot kɨ Rama.
I udɨn ɓi kɨ kamɓet kɨ Bet Ayent.
Benjami, madngétaig ndɨ ɗen gidt nõ.
9Epraim a tel gootɓe ndɔ ndakɔjt.
M'la mber ta nya kɨje'n a ɗe dɔ girr Israelagt.
10Mbaiɓeg kɨ Juda'n
ĩn tit deg ngéndɔɔt kɨ ɗob nin ndɔɔg lod be.
M'a mad wong lom ũ dɔdt tit man be.
11Epraim i kam darondot,
roa oi yelel girr takɨgangt,
kɨta ndig kaw go nyagt kɨpãbe.
12Na mĩ tit kɨɗukɨsɨ kɨta Epraim,
m'a mĩ tit do kɨɗa ɓi be
kɨta deg kɨ dɔningt kɨ Juda be.
13Epraim oo mõi lon,
na Juda oo dɔ lon tɔ.
Kamla Epraim aw Asiri, la kɨla ro ngar Yaredt,
na ngar'n non a asɨ yootsɨ al,
a asɨ kad do losɨ ed al tɔ.
14Kɨtɔ mĩ Bɨraɓe mĩ tit tubo be kɨta Epraim,
mĩ tit ngon tubo kɨta deg kɨ Juda.
Mĩ m'a m'tɔrrd huthut, na m'aw,
m'a m'ɔid, na de mad kɨ a tad jimt goto.
Israelag ndig telɨn kɨro Bɨraɓet kɨ kamd kɨjoo
15M'a m'tel m'aw londɨmt gog
mbã kad gerɨn ɗagootal lod,
na a sahn takum'm; a sahmɨn dan kamkɔlt lod,
anan: I ɗen, ad kɨ telɨn kɨro Bɨraɓet.
Zur Zeit ausgewählt:
Oje 5: MlL
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Mbai Bible Revision © Bible Society of Chad, 2015.
Oje 5
5
Luwah a nda ɔj Israelag kɨta kaya lod kɨ ɗa
1Ĩn ngéjamosɨ kadkarig,
oon dɔ ta 'nten. Ĩn ngékɨɓe lo Israel,
i nelɨn mbisɨ. Ĩn ngékɨɓe lo ngar,
oon dɔ ta. Takɨgang
i dɔsɨt kɨta ĩn gum kɨya kam ɓet kɨ Mispa
ĩn band kɨ dɔ mbalbo Tabort.
2Kɨtakul kadkarig lod kɨjakɔ
ngétaɗɔɔg udɨn yudum kam tɔidɔtat,
na m'a m'nda m'ɔjd tube.
3M'ger Epraim,
na Israel asɨ yaron romt al
kɨta tajigla ĩ Epraim, i ɗakaya,
na Israel yerr kɨ ron.
4Kɨlaɗad ɔgd tel kɨ ro Luwaht lod
kɨta ndil ɗakaya i kamdt,
na gerɨn Bɨraɓe al.
5Dɔngang lo Israel manaj dɔat takumat.
Israel kɨ Epraim a tuson kam ɗagootalt lod.
Juda tɔ a so nat sed.
6A awɨn kɨ batg lod
kɨ mangg lod sahn Bɨraɓe,
na a ngahna al; Bɨraɓe ɔrr ron rodt kɔ.
7Ĩn ngéɗadenesew al kɨ Bɨraɓe
kɨta oojɨn ngang'n ĩn loa al.
Tajigla Bɨraɓe a nujd kɨ nyamajg lod
tube kam naht kɨ kɨɗabe.
8I kunɨn towɗɔɔ kam ɓet kɨ Gibea.
I kunɨn brunj kam ɓebot kɨ Rama.
I udɨn ɓi kɨ kamɓet kɨ Bet Ayent.
Benjami, madngétaig ndɨ ɗen gidt nõ.
9Epraim a tel gootɓe ndɔ ndakɔjt.
M'la mber ta nya kɨje'n a ɗe dɔ girr Israelagt.
10Mbaiɓeg kɨ Juda'n
ĩn tit deg ngéndɔɔt kɨ ɗob nin ndɔɔg lod be.
M'a mad wong lom ũ dɔdt tit man be.
11Epraim i kam darondot,
roa oi yelel girr takɨgangt,
kɨta ndig kaw go nyagt kɨpãbe.
12Na mĩ tit kɨɗukɨsɨ kɨta Epraim,
m'a mĩ tit do kɨɗa ɓi be
kɨta deg kɨ dɔningt kɨ Juda be.
13Epraim oo mõi lon,
na Juda oo dɔ lon tɔ.
Kamla Epraim aw Asiri, la kɨla ro ngar Yaredt,
na ngar'n non a asɨ yootsɨ al,
a asɨ kad do losɨ ed al tɔ.
14Kɨtɔ mĩ Bɨraɓe mĩ tit tubo be kɨta Epraim,
mĩ tit ngon tubo kɨta deg kɨ Juda.
Mĩ m'a m'tɔrrd huthut, na m'aw,
m'a m'ɔid, na de mad kɨ a tad jimt goto.
Israelag ndig telɨn kɨro Bɨraɓet kɨ kamd kɨjoo
15M'a m'tel m'aw londɨmt gog
mbã kad gerɨn ɗagootal lod,
na a sahn takum'm; a sahmɨn dan kamkɔlt lod,
anan: I ɗen, ad kɨ telɨn kɨro Bɨraɓet.
Zur Zeit ausgewählt:
:
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Mbai Bible Revision © Bible Society of Chad, 2015.