Oje 12
12
Luwah ndáng Epraimag kɨta ndokum kɨ ɗa ta kõ.
1Epraim gug dɔm kɨ takɨbalg,
ngékɨɓe lo Israel gugɨn dɔm kɨ ndokum,
na Luwah ger Juda ɓaitɔ,
i ngeɗa nya kɨro nõ Ngekunjɗangt.
2Nyasa lo Epraim i nél,
ndɨ tuɓa go nél kɨ loɓakàdt,
kɨ ndɔ kɨɗen ndɨ el takɨbalg kɨdɔtdɔt,
ɗa ta kõ ngãi tɔ.
Epraim la kɔn nat kɨ Asiri,
ndɨ aw kɨ yib Ejipt't.
3Bɨraɓe aw kɨ ta kɨ Juda,
a nda ɔj Jakob kɨta ɗob nyaɗaa,
a baa kɨgo kɨlaɗaat.
4Jakob i kam kõnt ɓaitɔ
la hɔ gid ngonkõn ye;
na lon tel dekɨdɨngã, ɗɔɔ kɨ Luwah.
5Rota, Jakob ɗɔɔ mɨlla kɨ malaika
na tetaɗɔɔ
nõ na kɔa kɨ ɔjɨn kamkẽ.
Ndɔd Luwah Betelt,
nõbe la Luwah elj ta tit.
6Bɨraɓe Luwah Ngekoosɨg,
ĩla tɔa i Bɨraɓe ye.
7Ĩ, i tel kɨro Luwaht loi.
I hɔ nyaɗakɨro loi kɨ nyaɗa kɨdenesew.
I nda kami dɔ Luwaht loi kɨndɔgndɔg.
8Epraim i tit ngéɗagat
kɨ nya mbɔj kɔinya kɨngom i jiat.
Ndokum nela ngãi.
9Epraim el an:
rota, mĩ ngemaj,
m'ngaa nyamajg ngãi.
Na nyangahg'n non kɨɗa kɨ a nãi jiat goto kɨta ɗagootal loa
10Mĩ Bɨraɓe Luwah loi
maɗi nu dɔning Ejipt't mbã tajigla.
M'a mad i ndɨ kam kujkubgt gog ɓaitɔ
tit kɨ kam ndɔ ɗa nahgt kɨmaɗi kɨ m'gang ndɔd.
11M'a m'elta kɨ ngékelta kɨ ta Luwaht,
m'a m'ad'd oon nya kam ndilgt kɨ nja natnatbe
na kɨtakul ngékelta kɨ ta Luwaht m'a m'elɨn terrtag.
12Ĩla ɗagootal i dɔning Galaadt a ne,
rota ngendɨt a ĩn deg kɨpãbe.
Ĩla lan bɔw mangg kadkarigt kɨjakɔ Gilgalt a ne,
dɨngɨr kadkarig lod a telɨn duw mbalg
mbɨna ɓaigt kam ndɔɔgt. 13Jakob ãi aw dɔning Aramt,
nu la Israel ɗa kɨlaɓert kɨta taan dekɨdẽ,
ngom batg kɨta taan nẽn.
14Kɨtakul ngekelta kɨ ta Luwaht la
Bɨraɓe teen kɨ Israel dɔning Ejipt't kɨtɨga,
kɨtakul ngekelta kɨ ta Luwaht la Bɨraɓe ngomɨn tɔ ye.
15Epraim sɔkɨ Bɨraɓe ad wong tɔla sɔkɨr.
Bɨraɓe loa a ad mosɨn ũ kɔ i dɔat
na a ad rosɔl loa tel so dɔat gog.
Zur Zeit ausgewählt:
Oje 12: MlL
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Mbai Bible Revision © Bible Society of Chad, 2015.