Oje 1
1
Oje taa dekɨdẽ kɨ ngeɗakaya, na ooj sia ngang
1Ta lo Bɨraɓe'n el Oje ngon Beeri kaglot lo ngar Ojias kɨ Jotam kɨ ngar Akaj kɨ Ejekias ngar kɨ Juda. Kaglot'n non Jeroboam ngon Joas i ngar kɨ Israel. 2Kete kad Bɨraɓe elta Oje kad el girrdeg lon ye, ta'n Bɨraɓe el Oje laten: Aw i taa kaya dekɨdẽ; ooj ngang kɨ kaya kɨ dekɨdẽ'n non, kɨta deg kɨ dɔningt ɗa ɗan kaya kɨdɔtdɔt, ad nyan Bɨraɓe kɔ.
3Taa ne, Oje aw taa Gomer ngon Diblayim. Gomer nden ngon, na ooj kɨdɨngã ada. 4Bɨraɓe el an: I ndah tɔa Jijrel ad i: Luwah a tɨnda deg tĩ kɔ, kɨta kaglo nãi tẽbe kad m'nda ngɨra mosɨ kɨ kũ kɔ kam hollot kɨ Jijrel dɔ ngékɨɓet lo Jehu, m'a mad kõɓe lo ngékɨɓe lo Israel tɨga. 5Ndɔt'n non ɓet m'a m'tet gãkɨrãg lo Israelag kam hollot kɨ Jijrel.
6Gomer nden ngon kɨɗang ɓaitɔ, na ooj ngon kɨdẽ. Bɨraɓe el Oje an: I ndah tɔa Lo Ruhama, ad i: Kookumtondo goto, kɨta m'a ɗa ta kookumtondot lo girrdeg kɨ Israelt gog al, m'a m'nyago majal lod kɔ al. 7M'a m'ookumtondo lo girrdeg kɨ Juda, m'a majd kɨtakul Bɨraɓe Luwah lod. Na m'a majd kɨtakul gãkɨrã ke kɨ kiyaɗɔɔ ke kɨ ɗɔɔ ke kɨ sɨndag ke kɨ ngékal sɨndag al.
8Lon Gomer ɔg mba Lo Ruhama a ne, Gomer nden ngon ɓaitɔ, na ooj kɨdɨngã. 9Bɨraɓe el Oje an: I ndah tɔa Lo Ami, kɨta ĩn deg lom al, na mĩ Luwah losɨ al ho.
Zur Zeit ausgewählt:
Oje 1: MlL
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Mbai Bible Revision © Bible Society of Chad, 2015.