Ejekel 2
2
Luwah la Ejekel kɨro Israelagt
1Elɨm an: Ngon de, i ɗa dɔ njait na m'a m'eli ta. 2Lon ɗa elɨm ta ye, ndil and kammt ad m'ɗa dɔ njamt, na m'oo dɔ ndia ɗa elɨm ta.
3Elɨm an: Ngon de, m'lai kɨro Israelagt, kɨro girrdegt kɨ ngetaaɗɔɔ ĩgɨn taamɨn ɗɔɔ. Ĩn kɨ bɔwdg ɗan majal ndoormɨm ne mbã ɓone. 4Ĩn deg kɨ dɔd ngang na ngarkamd kongkong. M'lai kɨrodt na a i eld an: Titbe kel Bɨraɓe Luwah, 5Ĩn tɔ, ke a oon dɔ, ke a oon dɔ al i girrdeg kɨ ngétaaɗɔɔ a gerɨn ngekelta kɨta Luwaht i dandt.
6Na ĩn, ngon de, ot ɓoold, ot ɓool tag lod, ke neni in ku kongt kɨ ngarg na i ndɨ dan gɨnagt kaa ne ot ɓool ta lod, ot ɓool takumd kɨ to i girrdeg kɨ ngétaɗɔɔ. 7A i eld tag lom, ke a oon dɔ, ke a oon dɔ al, kɨta in ngétaɗɔɔ. 8Na ĩ, ngon de, oo dɔ nya'n m'ndɨ m'eli. Ot ton ro tit girrdeg kɨ ngétaɗɔɔ'n non. I tee tai, i sanya'n m'adi.
9M'nɔl lo na m'oo, ji mad i kɨ la kɨdɔmt na maktub kɨbir i kamt. 10Tee maktub'n non la nomt na i kɨndang kamt kɨ gidt. Tag kɨndang kamt i ta nõ kɨ ndo kɨ hɔ kɨ kamkil.
Zur Zeit ausgewählt:
Ejekel 2: MlL
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Mbai Bible Revision © Bible Society of Chad, 2015.
