रोमी 10
10
1दादुभैयौ, मै भित्री मनसे इस्राएलीहुँकन परमेश्वर बचाइल ह्यार चाहटुँ। उहओर्से हुँक्र बचही कैक मै परमेश्वरसे प्रार्थना कर्ठुं। 2हुँकन्हक परमेश्वरह मन्ना भारी जोश बाटन कना मै साक्षी बाटुँ, तर हुँकन्हक जोश ज्ञानअनुसारक नैहुइटन। 3काकरकि परमेश्वर मनैन आपन सामुन्नेम धर्मी ठह्रैना तरिकक् वास्ता हुँक्र नैकर्ल। तर हुँक्र आपन तरिकाले परमेश्वरक सामु धर्मी ठह्र खोज्ठ। असिन हुइलकओर्से परमेश्वरक धर्मी ठहरैना तरिका अनुसार हुँक्र आपन जीवन उहाँकम नैसुम्पल। 4विश्वास करुइयन जो धर्मी ठह्रहीँ कैक व्यवस्थक ख्वाजल बात ख्रीष्ट पूरा कैदेल।
मुक्ति सबजन्हक लाग हो
5“व्यवस्था पालन करुइया उह हिसाबले जिउइयाबा” कैक मोशा व्यवस्था अनुसार धर्मी हुइना बारेम लिख्ठ।#लेवी १८:५ 6तर विश्वासद्वारा परमेश्वरक सामुन्नेम धर्मी ठहर्ना बारेम धर्मशास्त्रम असिक लिखल बा, “टुँ मनमन असिक जिन कहो, के स्वर्ग जाई?” (अर्थात् ख्रीष्टह टर आनक लाग),#व्य ३०:१२-१४ 7“या आपन मनम असिक फे जिन कहो, पातालम के जाई?” (अर्थात् ख्रीष्टह मुवलमसे जियाक उप्पर आनक लाग)। 8तर यी का कठा कलसे “मुक्तिक वचन टुँहार लग्घ बा। यी त टुँहार मुहम ओ हृदयम बा।” हम्र विश्वासक बारेम यिह मुक्तिक वचन प्रचार कर्ठी कि, 9टुह्र आपन मुहले येशू जो प्रभु हुइट कैक औरजहन कठो कलसे ओ परमेश्वर उहाँह मुवलमसे जियैल कैक हृदयम विश्वास कर्ठो कलसे टुह्र मुक्ति पैनेबाटो। 10काकरकि हम्र हृदयले विश्वास कैक परमेश्वरक सामुन्नेम धर्मी ठहर्ठी ओ विश्वास करल बात आपन मुहले स्वीकार कर्ठी कलसे हम्र मुक्ति पैठी। 11काकरकि धर्मशास्त्रम लिखल बा, “उहाँकम विश्वास करुइया कुई फे निराश हुइनेनैहो।”#यशै २८:१६ 12यहूदी जातिक ओ और जातिक मनैन्हकम कौनो भेदभाव नैहो। उहाँ एक्कठो परमेश्वर सक्कुजन्हक परमेश्वर हुइट। उहाँह पुकरुइयन सबजन्हक लाग उहाँ खुशीसे आशिष बर्सैठ। 13धर्मशास्त्रम लिखल बा, “प्रभुक नाउँ पुकरुइयन सबजन मुक्ति पैनेबाट।”#योए २:३२
14तर उहाँह जे विश्वास नैकर्लहुइट हुँक्र उहाँह कसिक पुकर्ना? उहाँक बारेम बिना सुन्ल उहाँकम कसिक विश्वास कर्ना? उहाँक बारेम प्रचार बिना कर्ल कसिक उहाँक बारेम सुन्ना? 15कौनोजहन बिना पठैल कसिक प्रचार कर्ना? धर्मशास्त्रम लिखल बा, “खुशीक खबर प्रचार कर्ना मनै अइलसे कत्रा आनन्दक बात हो।”#यशै ५२:७
16तर सुन्ना मनै धेर जन खुशीक खबरक वास्त नैकर्ल। यशैया अगमवक्ता कठ, “प्रभु, हमार कहल बातम के विश्वास करल जे?”#यशै ५३:१ 17असिक हम्र देख्ठी कि, विश्वास सुन्ना बातमसे अइठा ओ सुन्ना बात ख्रीष्टक प्रचारमसे अइठा। 18ओसिन हो कलसे का हुँक्र सुन्ल नैहुइट? हुँक्र जाट्टीसे सुन्रख्ल, काकरकि धर्मशास्त्रम लिखल बा,
“प्रचार करुइयन्हक आवाज
सारा पृथ्वीभर पुगरलन
ओ हुँकन्हक कहल बात
संसारक कोन्वाकोन्वासम फैलल् बाटन।”#भज १९:४
19ओसिन हो कलसे इस्राएलीहुँक्र खुशीक खबर नैबुझ्ल त? बुझ्ना त बुझ्ल तर नैटेर्ल। पैल्ह बात त परमेश्वर मोशाद्वारा हुँकन कैरख्लह,
“जौन कौनो जातिह नैहुइट,
हुँकन रोज्क मै टुँहन
हुँकन्हकप्रति डाही बनैनेबाटुँ।
अबुझ जातिक मनैन मुक्ति देक
मै टुँहन रिस लगैनेबाटुँ।”#व्य ३२:२१
20परमेश्वरक कहल बात यशैया अगमवक्ता फे खुलस्त लिख्ठ,
“महीह खोज्बोखोज्बोनैकरुइयन महीह भेटारख्ल,
म्वार बारेम पुछ्बो-पुछ्बिनैकरुइयन्हक
माझम मै अपन्हेह प्रकट कैरख्नु।”#यशै ६५:१
21तर इस्राएलक बारेम ऊ लिख्ठ,
“म्वार बात नैमन्ना ओ म्वार विरोधम उठ्ना मनैन
बलाइक लाग दिनभर मै आपन हाँठ पसर्नु।”#यशै ६५:२
Zur Zeit ausgewählt:
रोमी 10: thl
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© 2020, Wycliffe Bible Translators, Inc. All rights reserved.
