प्रकाश 10
10
कागतक छुटीमुटि मुट्ठा
1तबदोस्र मै और शक्तिशाली स्वर्गदूतह स्वर्गसे ओल्हाइट् देख्नु। हुँकहार जिउह बद्रीले छ्वापल रलहन ओ कपारिक चारिओर इन्द्रेणी रलहन। हुँकहार अनुहार दिनअस रलहन ओ ग्वाराजुन आगीक खुँटाअस रलहन। 2हुँकहार हाँठम ख्वालल् कागतक छुटीमुटि मुट्ठा रलहन। ऊ आपन दाहिन ग्वारा समुद्रम ओ बाउँ ग्वारा जमिनम टेक्ल 3तब सिंह गर्जलअस ऊ कर्रसे चिल्लैल, ओ चिल्लैटी कि सात फ्यारा बद्री थर्कल। 4सात फ्यारा बद्री थर्कटी कि मै लिखक लाग रनहुँ। तर स्वर्गसे असिन एकठो आवाज मै सुन्नु, “सात फ्यारा बद्री थर्कल बात जिन लिखो, तर यी बात मनम नुकैलरहो।”
5समुद्र ओ जमिनम टेक्ना म्वार द्याखल उ शक्तिशाली स्वर्गदूत स्वर्गओर आपन दाहिन हाँठ उठाक#प्रस २०:११; व्य ३२:४०; दान १२:७; आमो ३:७ 6सड्डभर जीवित रना, आकाश, पृथ्वी, समुद्र ओ उहिँम रहल सब चिज सृष्टि कर्ना परमेश्वरक नाउँम एकठो किर्या खागैल् रह। स्वर्गदूत कल, “आब ढिल नैहुई। 7तर सातवाँ स्वर्गदूत आपन तुरही फुक्ल त परमेश्वर आपन सेवक अगमवक्ताहुँकन कहल गुप्त योजना पूरा कर्नेबाट।”
8आघ स्वर्गसे आइल आवाजले फेदोस्र असिक कहल सुन्नु, “जाओ! समुद्र ओ जमिनम टेक्ना उ स्वर्गदूतक हाँठमसे उ ख्वालल् कागतक मुट्ठा लेओ।”#इज २:८–३:३
9तब मै उ स्वर्गदूतकठे जाक उ कागत मङ्नु त ऊ महीह कल, “लेओ, खाओ! टुँहार प्याटिम उ आमिल हुइनेबा तर टुँहार मुहमभर महअस गुरी लग्नेबा।”
10दूतक हाँठमसे मै उ कागतक मुट्ठा लेक खैनु। म्वार मुहम महअस गुरी लागल तर खाक सेक्नु त उ म्वार प्याटिम जाक आमिल हुइल्। 11तब महीह असिन हुकुम हुइल्, “टुँ धेर मनैन, धेर जातिन, धेर भाषम ओ धेर राजाहुँकन परमेश्वरक वचन फेदोस्र सुनाइपर्ठा।”
Zur Zeit ausgewählt:
प्रकाश 10: thl
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© 2020, Wycliffe Bible Translators, Inc. All rights reserved.
