कलस्सी 4
4
1टुह्र मालिकहुँक्र, आपन नोकरहुँकन पक्षपात नैकैक असल व्यवहार करो। टुन्हक फे स्वर्गम मालिक बाट कना बात जिन बिस्राओ।#एफि ६:९
2सतर्क होक परमेश्वरह धन्यवाद देटी निरन्तर प्रार्थना कर्टिरहो। 3मै खुशीक खबर प्रचार कर्लक कारण थुनाम परलबाटुँ। आब ख्रीष्टक बारेम रहस्यमय बात प्रचार करक लाग परमेश्वर डगर खोलदेहीँ कैक हमार लाग फे प्रार्थना कैदेओ। 4म्वार लाग प्रार्थना कैदेओ, मै जसिक बुझाइपर्ना हो, ओसहेँक ब्वाल सेकू।
5विश्वास नैकरल मनैनसे बुद्धि पुगाक व्यवहार करो ओ पाइल मौकक् पूरा सदुपयोग करो।#एफि ५:१६ 6न्वानले खाना मीठ बनाइअस टुन्हक बोलीवचन सड्डभर मीठ ओ रसगर बनाओ। टुह्र सबजहन ठीक हिसाबले जवाफ देह फे जानो।
बिदाइक बात
7हमार प्रिय भैया तुखिकस जो म्वार सब हालखबर टुँहन सुनादेहीँ। ऊ फे हमारसँग प्रभुक सेवा कर्ना विश्वासयोग्य भैया हुइट।#एफि ६:२१-२२#प्रे २०:४; २ तिमो ४:१२ 8मै हुँकहीन टुन्हकठे पठाइटुँ ओ ऊ हमार बारेम बट्वाक टुँहन हौसला देहीँ। 9ऊ टुह्रमध्ये प्रिय ओ विश्वासयोग्य भैया ओनेसिमसक सँग लाग्क अइटीबाट। ओनेसिमस टुन्हक्के मनै हुइट। हुँक्र दुनु जन टुँहन सब बात सुनादेहीँ।#फिले १०-१२
10म्वारसँग कैदम रहल अरिस्तार्खस टुँहन अभिवादन पठारख्ल। बारनाबासक भाञ्जा मर्कूस फे टुँहन अभिवादन पठारख्ल। हुँकहार बारेम मै आघहेँ टुँहन जनादेरख्नु, ऊ अइहीँ कलसे मजासे स्वागत करहो।#प्रे १९:२९; २७:२; फिले २४; प्रे १२:१२,२५; १३:१३; १५:३७-३९ 11युस्तस कैजिना येशू फे टुँहन अभिवादन पठारख्ल। परमेश्वरक राज्यम म्वारसँग काम कर्ना यहूदीहुँक्र यिह तीन जन केल हुइट। हिँक्र महीह धेर हौसला देरख्ल। 12टुह्रमध्येक एक जन भैया, ख्रीष्ट येशूक कमारा इपाफ्रास टुँहन अभिवादन पठारख्ल। ऊ टुन्हक लाग एकदमसे प्रार्थना कर्टिरठ। टुह्र परमेश्वरक इच्छा पूर्ण रूपले मानसेको ओ परिपक्व हुइसेको कना हुँकहार प्रार्थना बाटन।#कल १:७; फिले २३ 13ऊ टुन्हक लाग, ओ लाउडिकिया ओ हिरापोलिसक मनैन्हक लाग धेर मेहनत कैरख्ल। मै यी बातक साक्षी हुइटुँ। 14हमार प्रिय डाक्टर लूका ओ डेमास फे टुँहन अभिवादन पठारख्ल।#२ तिमो ४:१०,११; फिले २४ 15लाउडिकियम रहल भैयहुँकन, नुम्फास ओ हुँकहार घरम जम्मा हुइना मण्डलीह हमार अभिवादन सुनादेहो।
16टुह्र यी चिठी पहर्क सेक्बो त लाउडिकियम रहल मण्डलीह फे पह्रक लाग देहहो। ओ लाउडिकियक चिठी टुह्र फे पह्रहो। 17“प्रभुक देहल काम पूरा करपर्ठा” कैक अर्खिप्पसह कैदेहो।#फिले २
18मै पावल आपनऽ हाँठले टुँहन अभिवादन लिखटुँ। मै कैदम परलबाटुँ कना बात जिन बिस्रैहो। प्रभुक अनुग्रह टुन्हकम पलरह।
Zur Zeit ausgewählt:
कलस्सी 4: thl
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© 2020, Wycliffe Bible Translators, Inc. All rights reserved.
