२ यूहन्ना 1
1
1मै, एल्डर, परमेश्वरक र्वाजल महिलह ओ हुँकहार छाई-छावन यी चिठी लिखटुँ, जेहीह मै जाट्टीसे प्रेम कर्ठुं। मै केल नाहीँ, तर सत्यह चिन्ह्ना सबजन टुँहन प्रेम कर्ठ। 2काकरकि सत्य हमारम बा ओ सड्डभर पलरनेबा। 3परमेश्वर बाबा ओ बाबक छावा येशू ख्रीष्टसे अइना अनुग्रह, दया ओ शान्ति हम्र सत्य अनुसार प्रेमम चलुइयनसे पलरहुइयाबा।
मुख्य बात प्रेम
4टुँहार छाई-छावनमध्ये कत्राजहन परमेश्वर बाबक देहल आज्ञा अनुसार सत्यम चलट् देख्क मै धेर आनन्दित बाटुँ। 5हेरो बाबु, मै कौनो लौव आज्ञा नैलिखठुइटुँ, तर हम्र सबजन एक-औरजहन प्रेम करपर्ठा कैक सुरुम हमन सिखागैल् आज्ञा लिखटुँ।#यूह १३:३४; १५:१२,१७ 6प्रेम कर्ना जो उहाँक आज्ञा अनुसार नेङ्ग्ना हो। टुह्र सुरुसे सुनल् आज्ञा यिह हो, कि टुह्र सबजन प्रेम अनुसार चलपर्ठा।
झूटा शिक्षासे होसियार
7काकरकि औरजहन भ्रमम पर्ना धेर जन यी संसारम आरल, जे येशू ख्रीष्ट शरीरम अइल कैक स्वीकार नैकर्ट। असिन मनै जो झूट ओ ख्रीष्ट विरोधी हुइट। 8उहओर्से होसियार रहो, जौन चिजिक लाग काम कैरख्लो#१:८ ग्रीक भाषक कौनो-कौनो स्रोतम “काम कैरख्लो” रहल ठाउँम “काम कैरख्ली” कैक उल्लेख हुइल् बा। उ हेरैना नाहीँ तर पूरा इनाम पैना होओ। 9ख्रीष्टक शिक्षासे सीमा नाहाङ्क बाहर जैना मनैयकसँग परमेश्वर नैरट, तर उहाँक शिक्षम लग्लरना मनैयकसँग परमेश्वर बाबा ओ छावा दुनु जन रठ। 10यदि कुई ख्रीष्टक असिन शिक्षा नैदेहुइया टुन्हकठे आई कलसे, ओसिन मनैयह आपन घरम जिन बलैहो ओ अभिवादन फे जिन करहो। 11काकरकि ओहीह अभिवादन कर्ना त वाकर खराब कामम सहभागी हुइना हो।
अन्तिम बात
12मै टुँहन लिखपर्ना बात त धेर बा, तर मै चिठीम लिख नैचाहठुँ। बेनसे टुन्हकठे जाक आमने-सामने बात बट्वैना आशा करटुँ, ताकि हमार आनन्द पूरा हुइस्याक। 13परमेश्वरसे रोजगैल् टुँहार बहिनेक छाई-छावन फे टुँहिन अभिवादन कैरख्ल।#१:१३ यी १ पदअसक बा, यिहाँ परमेश्वरसे रोजगैल् टुँहार बहिन्या कलक एकठो मण्डली हो ओ हुँकहार छाई-छावन कलक उ मण्डलीक सदस्यहुँक्र हुइट।
Zur Zeit ausgewählt:
२ यूहन्ना 1: thl
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© 2020, Wycliffe Bible Translators, Inc. All rights reserved.