MEEKYENA 8
8
Yaata Taa
1Naasa Nndumi Iruva karera na Mose, kammbia, 2Rera na Aron kummbie, kyeeri kushaata taa eto mfungare mmbo tishemikyaa mbee ya nri yeto wa vayo, 3Aron katana indo, kavikau taa eto, shaasa Nndumi Iruva alevavasya Mose. 4Nri yeto wa taa mmbo wesongosyo saabu, pookya kirembo kya vayo fika uwe, shaasa Nndumi Iruva aleora Mose, niindo aletana.
Ikwiilyisa lya Vana va Valevi
5Naasa Nndumi Iruva karera na Mose, kammbia, 6Iboo Valevi woose kuwaute nnang'ani ya vana va Israeli, numa kuvailyise. 7Neewe kyeevailyisa mmbo kutanaa indi, vafwallye mura uwe yawo weevailyisa, nawo vaute fii na weembe mwiili moose, vavesangya soori tawo vakwiilyise. 8Numa veepoo ngashe shisha ya shau imwi, na kiraso kyakwe kya nswa, mmamiri ukeensande na mafura, kwiipoo ngashe ingyi ya shau ive kiraso kya ulyamari. 9Numa kweende Valevi yoo mbee ya yeema elyo yeele, neewe kushekwanisya ironda lyoose lya vana va Israeli. 10Neewe, kushevakwaanisya Valevi mbee ya Nndumi Iruva; Na vana va Israeli vavike maako avo uve ya Valevi; 11nawe Aron navike Valevi kwa Nndumi Iruva vave varundi efo kwa Nndumi Iruva. 12Na Valevi vavike maako awo uwe ya mirwe ya ng'umbe yeto, neewe kuuteu ng'umbe imwi ive kiraso kya ulyamari kwa Nndumi Iruva neeyo ya kavii ive kiraso kyeemamita, kive kya usandi nnang'ani ya Valevi. 13Naasany kuvike Valevi yoo mbee ya Aron, ando amwi na vana vakwe vave kiraso kwa Nndumi Iruva. 14Niindo kushetanaa irauwa Valevi efo nnang'ani ya vana va Israeli nawo Valevi vave vakwa. 15Numa Valevi vaange mmba, naambo varunndye yoo yeemeny elyo yeele; neewe kushevailisa na ivaserisa vave kiraso kya irinyisywa. 16Mashika mmbo shikee nninge deny vandu yewo, ando a woose yewo vapookye iwonika, mashika vana vavee woose va Israeli, ni vakwa. 17Mashika vana vavee va Israeli ni vakwa na vafindo na va vandu, kyeeri shilekapa wo kindo kivee kya Misri ewo va mbee mmbo shilevailyisa kimaruma kyakwa shimuni. 18Na yeny shileipoo Valevi ando a vana vavee va Israeli. 19Neeny mmbo sharambikya Aron Valevi vakae nawe, we na vana vakwe, uka kwa Vana va Israeli, varunndye vana va Israeli efo yeemeny lya ikwanannya naasa vavikeny usandi kimaruma kya vana va Israeli, naambo kwawo kulakee-fo ndwari, elyi vasheserikya ando yo kweele. 20Naasa Mose na Aron na vana va Israel woose vakautya Valevi findo efyo fyoose, shaasa Nndumi Iruva alevavasya Mose, vana va Israeli vakavatannya indo, 21Valevi vakakwiilyisa ngyulyamari tawo, vakasangya soori tawo, na Aron kaveende mbee ya Nndumi Iruva, naambo vave kiraso kwa Nndumi Iruva, naasa Aron katana indo kya ivailisa, 22Naasa llyo Valevi vakaangan naambo varunndyeny yoo yeemeny lya ikwanannya vekee na Aron na vana vakwe, shaasa Nndumi Iruva alevavasya Mose kya Valevi, nawo vakatana indo.
23Naasa Nndumi Iruva karera na Mose kammbia, 24Kindo Valevi vatanaa nkyo ekyi, uka nndu wa myaaka makumi avii na iraanu na mmwasi mmbo vasherundaa efo yeemeny yeele; 25Indi lyo yewo vafikye myaaka makumi araanu valakirunde-fo; 26Indi vasange na vana va maaye efo yeemeny yeele, vaakani navo iringa yeema lya yeele valekirunde lyingyi-fo. Kya Valevi ni indo kishevaa kya uringyi lwawo.
Zur Zeit ausgewählt:
MEEKYENA 8: MAS2
Markierung
Teilen
Vergleichen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
The Holy Bible in Kimashami © Bible Society of Tanzania, 2016.
MEEKYENA 8
8
Yaata Taa
1Naasa Nndumi Iruva karera na Mose, kammbia, 2Rera na Aron kummbie, kyeeri kushaata taa eto mfungare mmbo tishemikyaa mbee ya nri yeto wa vayo, 3Aron katana indo, kavikau taa eto, shaasa Nndumi Iruva alevavasya Mose. 4Nri yeto wa taa mmbo wesongosyo saabu, pookya kirembo kya vayo fika uwe, shaasa Nndumi Iruva aleora Mose, niindo aletana.
Ikwiilyisa lya Vana va Valevi
5Naasa Nndumi Iruva karera na Mose, kammbia, 6Iboo Valevi woose kuwaute nnang'ani ya vana va Israeli, numa kuvailyise. 7Neewe kyeevailyisa mmbo kutanaa indi, vafwallye mura uwe yawo weevailyisa, nawo vaute fii na weembe mwiili moose, vavesangya soori tawo vakwiilyise. 8Numa veepoo ngashe shisha ya shau imwi, na kiraso kyakwe kya nswa, mmamiri ukeensande na mafura, kwiipoo ngashe ingyi ya shau ive kiraso kya ulyamari. 9Numa kweende Valevi yoo mbee ya yeema elyo yeele, neewe kushekwanisya ironda lyoose lya vana va Israeli. 10Neewe, kushevakwaanisya Valevi mbee ya Nndumi Iruva; Na vana va Israeli vavike maako avo uve ya Valevi; 11nawe Aron navike Valevi kwa Nndumi Iruva vave varundi efo kwa Nndumi Iruva. 12Na Valevi vavike maako awo uwe ya mirwe ya ng'umbe yeto, neewe kuuteu ng'umbe imwi ive kiraso kya ulyamari kwa Nndumi Iruva neeyo ya kavii ive kiraso kyeemamita, kive kya usandi nnang'ani ya Valevi. 13Naasany kuvike Valevi yoo mbee ya Aron, ando amwi na vana vakwe vave kiraso kwa Nndumi Iruva. 14Niindo kushetanaa irauwa Valevi efo nnang'ani ya vana va Israeli nawo Valevi vave vakwa. 15Numa Valevi vaange mmba, naambo varunndye yoo yeemeny elyo yeele; neewe kushevailisa na ivaserisa vave kiraso kya irinyisywa. 16Mashika mmbo shikee nninge deny vandu yewo, ando a woose yewo vapookye iwonika, mashika vana vavee woose va Israeli, ni vakwa. 17Mashika vana vavee va Israeli ni vakwa na vafindo na va vandu, kyeeri shilekapa wo kindo kivee kya Misri ewo va mbee mmbo shilevailyisa kimaruma kyakwa shimuni. 18Na yeny shileipoo Valevi ando a vana vavee va Israeli. 19Neeny mmbo sharambikya Aron Valevi vakae nawe, we na vana vakwe, uka kwa Vana va Israeli, varunndye vana va Israeli efo yeemeny lya ikwanannya naasa vavikeny usandi kimaruma kya vana va Israeli, naambo kwawo kulakee-fo ndwari, elyi vasheserikya ando yo kweele. 20Naasa Mose na Aron na vana va Israel woose vakautya Valevi findo efyo fyoose, shaasa Nndumi Iruva alevavasya Mose, vana va Israeli vakavatannya indo, 21Valevi vakakwiilyisa ngyulyamari tawo, vakasangya soori tawo, na Aron kaveende mbee ya Nndumi Iruva, naambo vave kiraso kwa Nndumi Iruva, naasa Aron katana indo kya ivailisa, 22Naasa llyo Valevi vakaangan naambo varunndyeny yoo yeemeny lya ikwanannya vekee na Aron na vana vakwe, shaasa Nndumi Iruva alevavasya Mose kya Valevi, nawo vakatana indo.
23Naasa Nndumi Iruva karera na Mose kammbia, 24Kindo Valevi vatanaa nkyo ekyi, uka nndu wa myaaka makumi avii na iraanu na mmwasi mmbo vasherundaa efo yeemeny yeele; 25Indi lyo yewo vafikye myaaka makumi araanu valakirunde-fo; 26Indi vasange na vana va maaye efo yeemeny yeele, vaakani navo iringa yeema lya yeele valekirunde lyingyi-fo. Kya Valevi ni indo kishevaa kya uringyi lwawo.
Zur Zeit ausgewählt:
:
Markierung
Teilen
Vergleichen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
The Holy Bible in Kimashami © Bible Society of Tanzania, 2016.